Categories: Gujarat

હાર્દિક પટેલને પાટીદારોનો કેટલો સપોર્ટ મળે છે તેના પર કોંગ્રેસની નજર

અમદાવાદ: ગુજરાત વિધાનસભાની આગામી ચૂંટણીમાં ગાંધીનગર ફતેહ કરવા માટે કોંગ્રેસ હાઇકમાન્ડ દ્વારા છેક ડિસેમ્બર મહિનાની શરૂઆતથી દાવેદારો પાસેથી ટિકિટ માટેનાં ફોર્મ ભરાવાયાં હતાં. આના પહેલાં દાવેદારોએ હાઇકમાન્ડ પાસે પોતાના બાયોડેટા સુપરત કર્યા હતા.

પ્રદેશ કોંગ્રેસનાં સૂત્રો કહે છે, છેક ગત તા.પ ડિસેમ્બરથી હાઇકમાન્ડે દાવેદારોમાં વિધાનસભાની ટિકિટ માટેનું ફોર્મનું વિતરણ શરૂ કર્યું હતું. રાજ્યભરમાંથી ૧પરપ દાવેદારોએ વિધાનસભાની ચૂંટણી કોંગ્રેસમાંથી લડવાની ઇચ્છા દર્શાવીને પોતાના બાયોડેટા પક્ષને સુપરત કરતાં ફોર્મ વિતરણનો બીજો તબક્કો હાથ ધરાયો હતો, જોકે આશ્ચર્યજનક રીતે પ્રદેશ કોંગ્રેસ કાર્યાલયમાં દાવેદારોના જમા થયેલા બાયોડેટા કરતાં વધુ ફોર્મ ભરાઇને આવ્યાં છે, જોકે દાવેદારો પાસેથી ફક્ત ચીલાચાલુ પ્રકારની જ માહિતી મંગાવાતાં આ બાબત પણ વિવાદાસ્પદ બની છે.

આ બંને તબક્કા પૂર્ણ થયા બાદ તમામ દાવેદારો હાઇકમાન્ડના આગળના તબક્કા તરફ ચાતકડોળે મીટ માંડીને બેઠા છે, પરંતુ પક્ષ તો એક પછી એક કાર્યક્રમોમાં વ્યસ્ત છે. પહેલાં મહેસાણાની રાહુલ ગાંધીની જાહેરસભાની તૈયારીમાં સઘળા નેતાઓ ખડેપગે રહ્યા. નોટબંધી વિરુદ્ધના કાર્યક્રમોની વણજાર હેઠળ આજે આરબીઆઇનો ઘેરાવો કરાયો. હવે પ્રદેશ પ્રમુખ ભરતસિંહ સોલંકીની તા.રર જાન્યુઆરીની આણંદની સભાને સફળ બનાવવા પક્ષ નેતૃત્વ એડીચોટીનું જોર લગાવશે. આ ઉપરાંત ઉત્તરપ્રદેશના રસાકસીભર્યા ચૂંટણીજંગમાં ગુજરાત કોંગ્રેસના કદાવર નેતાઓ ચૂંટણી પ્રચાર કરવા ઉત્તરપ્રદેશનાં મહત્ત્વનાં શહેરોને ધમરોળશે.

આ દરમ્યાન ગઇ કાલથી ગુજરાતના રાજકારણના તખ્તા પર હાર્દિક પટેલનો ધમાકેદાર પ્રવેશ થયો છે, જેના કારણે કોંગ્રેસ હાઇકમાન્ડ હાર્દિકને મળનારા લોકસમર્થન પર નજર રાખી રહ્યું છે. જો હાર્દિક વર્તમાન સરકાર વિરુદ્ધ પાટીદાર સમાજમાં રોષ ઊભો કરી શકશે તો કોંગ્રેસ પાટીદાર વોટબેન્કને હાંસલ કરવા અત્યારના દાવેદારોની યાદીની તમા નહીં રાખે અને ઉમેદવારોની પસંદગી માટે બંધબારણે વિવિધ આગેવાનો સાથે ગુફતેગુનો દોર યોજીને નવેસરથી નવાં સમીકરણ માંડશે તેમ પ્રદેશ કોંગ્રેસનાં ટોચનાં વર્તુળો કહે છે.
http://sambhaavnews.com/

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

3 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

3 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

3 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

3 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

3 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago