Categories: Others

ઈજનેરી-ફાર્મસીમાં પ્રવેશ માટેની ‘ગુજકેટ’ ૨૩ એપ્રિલે યોજાશે

અમદાવાદ, બુધવાર
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધો.૧ર વિજ્ઞાનપ્રવાહ પછી ડિગ્રી ઇજનેરી અને ડિગ્રી ફાર્મસીના વિવિધ અભ્યાસક્રમમાં પ્રવેશ માટે ગુજકેટની પરીક્ષા ફરજિયાત કરવામાં આવી છે. આ વર્ષે એડમિશન માટે ધો.૧ર વિજ્ઞાનપ્રવાહના ગ્રૂપ-એ, ગ્રૂપ-બી અને ગ્રૂપ-એબીના વિદ્યાર્થીઓ માટે ગુજકેટની પરીક્ષા તા.ર૩ એપ્રિલ ને સોમવારે યોજાશે.

ધો.૧ર વિજ્ઞાનપ્રવાહના અભ્યાસક્રમ આધારિત ગુજકેટની પરીક્ષા માટેનો અભ્યાસક્રમ રહેશે. પરીક્ષા માટે ભૌતિકશાસ્ત્ર, રસાયણશાસ્ત્ર, જીવવિજ્ઞાન અને ગણિત વિષયના બહુવૈકલ્પિક પ્રકારના હેતુલક્ષી પ્રશ્ન ધરાવતાં પ્રશ્નપત્ર રહેશે.

ભૌતિકશાસ્ત્ર અને રસાયણશાસ્ત્રનું પ્રશ્નપત્ર સંયુક્ત રહેશે એટલે કે ૪૦ પ્રશ્ન ભૌતિકશાસ્ત્રના અને ૪૦ પ્રશ્ન રસાયણશાસ્ત્રના એમ કુલ ૮૦ પ્રશ્ન, ૮૦ ગુણ અને ૧ર૦ મિનિટનો સમય આપવામાં આવશે. ઓએમઆરશીટ પણ ૮૦ પ્રત્યુત્તર માટેની રહેશે.

જીવવિજ્ઞાન અને ગણિતનું પ્રશ્નપત્ર અલગ-અલગ રહેશે, જે માટેની ઓએમઆર આન્સરશીટ પણ અલગ આપવામાં આવશે એટલે કે જીવવિજ્ઞાન અને ગણિત પ્રત્યેકમાં ૪૦ પ્રશ્ન, ૪૦ ગુણ અને ૬૦ મિનિટનો સમય આપવામાં આવશે. ઓએમઆર આન્સરશીટ પણ પ્રત્યેક વિષય માટે ૪૦ પ્રત્યુત્તર માટે રહેશે.

વિદ્યાર્થીઓને પરીક્ષાનાં પ્રશ્નપત્ર ગુજરાતી, અંગ્રેજી અને હિન્દી એમ ત્રણ માધ્યમમાં આપવામાં આવશે. આવેદનપત્ર ઓનલાઇન ભરવાનું રહેશે. તે અંગેની તારીખ આગામી દિવસોમાં જાહેર કરવામાં આવશે. પરીક્ષા સવારના ૧૦ થી સાંજના ૪ દરમિયાન જિલ્લા કક્ષાનાં કેન્દ્રો ખાતે યોજાશે.

Navin Sharma

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

18 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

20 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

21 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

21 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

21 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

21 hours ago