Categories: Gujarat

હવે રાજ્યમાં પોલીસ ભરતી માટે પહેલા લેખિત પરીક્ષા લેવાશે

ગાંધીનગર: હવે રાજ્યમાં પોલીસ ભરતી માટેના નિયમોમાં ફેરફાર કરાયા છે. અગાઉ પોલીસની ભરતી માટે રાજ્ય સરકાર દ્વારા ફિઝીકલ ટેસ્ટ લેવાતી હતી પરંતુ પોલીસ ભરતીના નવા નિયમો મુજબ પહેલાં ઉમેદવારોની લેખિત પરીક્ષા લેવાશે. સામાન્ય રીતે રાજ્ય સરકાર દ્વારા કરાતી પોલીસ ભરતીમાં તમામ ઉમેદવારોની ફિઝીકલ ટેસ્ટ લેવાય છે. ઉમેદવારોની શારીરિક તપાસમાં ઊંચાઇ, વજન, છાતીનું માપ, ઉપરાંત લાંબી દોડ, ટૂંકી દોડ, વિઘ્ન દોડ જેવી વિવિધ પ્રકારની ફિઝીકલ ફિટનેસને લગતી બાબતોની ઝીણવટભરી તપાસ કરાય છે.

અમદાવાદ જેવા શહેરના શાહીબાગ પોલીસ ગ્રાઉન્ડમાં પોલીસ ભરતીના ઉમેદવારોને વારાફરતી ફિઝીકલ ટેસ્ટ આપવા માટે બોલાવાય છે. ફિઝીકલ ટેસ્ટ પસાર કરનાર ઉમેદવારો માટે જ પોલીસ તંત્ર લેખિત પરીક્ષા સહિતની આગળની કાર્યવાહી કરાય છે, પરંતુ અનેક વખત તંત્રની આ પ્રકારની ફિઝીકલ ટેસ્ટ વિવાદોમાં આવી છે.

કેટલીક વખત નાણાકીય વગ કે અન્ય પ્રકારની ઓળખાણ- પીછાણના આધારે જે તે ઉમેદવારને ફિઝીકલ ટેસ્ટમાં પાસ કરી દેવાય છે. તો વગ- વસીલો ન ધરાવતા ઉમેદવારોને કેટલીક વખત નાસીપાસ થવું પડે છે. આને કારણે હવે રાજ્ય સરકારે પોલીસ ભરતીના નિયમો બદલ્યા છે. અગાઉની જેમ ઉમેદવારોની હવે પહેલા ફિઝીકલ ટેસ્ટ લેવાશે નહીં. આના બદલે તમામ ઉમેદવારોએ પહેલા લેખિત પરીક્ષા આપવી પડશે. લેખિત પરીક્ષા પાસ કરનાર ઉમેદવારોની પછીથી ફિઝીકલ ટેસ્ટ લેવાશે.

રાજ્ય સરકારના પોલીસ ભરતીના નિયમોમાં ફેરફારને ગૃહ વિભાગના અધિક મુખ્ય સચિવ પી. કે. તનેજાએ મંજૂરી આપી દીધી હોવાનું જાણવા મળ્યું છે. પી. કે. તનેજાની મંજૂરીના પગલે ગૃહવિભાગ દ્વારા નવી પોલીસ ભરતીને લગતું નોટિફિકેશન પ્રસિદ્ધ કરાયું છે. આ નોટિફિકેશનમાં નવી પોલીસ ભરતીના નિયમો જાહેર કરાયા છે.

divyesh

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

1 day ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

1 day ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

1 day ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

1 day ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

1 day ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

1 day ago