Categories: Gujarat

પીવાનો શોખ હવે ભારે પડશે જેલવાસની પણ તૈયારી રાખજો!

અમદાવાદ: ગુજરાત રાજ્ય મુંબઇથી અલગ થયું ત્યારથી વર્ષ ૧૯૬૦થી દારૂબંધીનો કાયદો અમલમાં છે, પરંતુ ગેરકાયદે રીતે દારૂનો ખુલ્લેઆમ વેપાર કરનારા કે દારૂ પીનારાને કેદની સજાની જોગવાઇ કરતો કડક કાયદો લાવવા રાજ્ય સરકારે કવાયત શરૂ કરી છે. આ અંગેનો મુસદ્દો તૈયાર થઇ રહ્યો છે અને આગામી વિધાનસભાના બજેટ સત્ર વિધેયક બનાવવામાં અાવે તેવી શક્યતા છે.

હાલમાં દારૂ પીતાં પકડાઇ જનાર સરળતાથી છકટકી શકે છે. દારૂ પીતા પકડાયેલી વ્યકિતને પહેલી વાર વોર્નિંગ આપીને છોડી દેવાય છે અને ફરી પકડાય તો તેને જામીન આપીને છોડી દેવામાં આવે છે. સરળતાથી દારૂડિયા કે દારૂ વેચનારા કાયદાની અમલવારીની છટકબારી શોધીને છટકી જતા હતા. હવે ૧૯૬૦ પછી પહેલીવાર આ બાબતે સરકાર જાગી છે.

ગુજરાતમાં દારૂ પર પ્રતિબંધ છે, પરંતુ કેટલો પોકળ છે તેની ચોંકાવનારી વિગતો વિધાનસભામાં રજૂ થઇ ચૂકી છે. રાજ્યમાં છેલ્લા પાંચ વર્ષ દરમિયાન ૮.પર કરોડનો દેશી દારૂ અને ર૪૬ કરોડનો વિદેશી દારૂ સહિત કુલ મળીને રૂ.રપ૪ કરોડથી વધુનો દારૂ પકડાયો હોવાનો ખુદ સરકારે સ્વીકાર કર્યો છે.

આ અંગે ગૃહરાજ્ય પ્રધાન પ્રદીપસિંહ જાડેજાએ જણાવ્યુું હતું કે ઠાકોર સેનાને અમે આ બાબતે ખાતરી આપ્યા મુજબ રાજ્યમાં દારૂબંધીનો કડક કાયદો બનાવાશેે. જેના ભાગરૂપે કાયદો કેવી રીતે વધુ કડક બનાવી શકાય તે અંગેેનું હોમવર્ક વિભાગ દ્વારા શરૂ કરી દેવામાં આવ્યું છે. ટૂંક સમયમાં તેનો ડ્રાફટ તૈયાર થઇ જશે. જેમાં આખરી સુધારા-વધારા સાથે કાયદા વિભાગને રજૂ કરાયા બાદ આગામી વિધાનસભાના સત્રમાં રજૂ કરવાનું આયોજન છે.

અત્રે ઉલ્લેખનીય છે કે ગુજરાત ક્ષત્રિય ઠાકોર સેના દ્વારા વ્યસન મુકિત અભિયાન રાજ્યભરમાં ચાલી રહ્યું છે. ઓબીસી એકતા મંચ અને ઠાકોર સેનાના આગેવાન અલ્પેશ ઠાકોરે રાજ્ય સરકાર દારૂબંધી માટે બિહાર જેવો નવો કડક કાયદો અમલી બનાવે અને આ બદીને અટકાવે તેવી માગ કરી હતી. ત્યાર બાદ આગામી બજેટ સત્રમાં દારૂબંધીના વર્તમાન કાયદામાં સુુધારા માટે સરકાર સાથે એક બેઠક યોજાઇ હતી જેમાં આ કાયદો અમલી બને તે માટે કડકાઇથી પગલાં લેવામાં આવે તેવી બાંયધરી સરકારે ઓબીસી એકતા મંચ અને ક્ષત્રિય ઠાકોર સેનાને આપી હતી.

આધારભૂત સૂત્રોનાં જણાવ્યા મુજબ નવા કાયદામાં ગેરકાયદે દારૂ વેચનારાઓને એકથી દસ વર્ષ સુધીની સજા અને રૂ.પાંચ લાખના દંડની જોગવાઇ, ગેરકાયદે દારૂ વેચાતો હોય તે વિસ્તારના પોલીસ અધિકારીએ તત્કાલ ફરજ મુકિતની જોગવાઇ, સ્થાનિક ધારાસભ્ય અને ડીએસપીને પણ નોટિસની જોગવાઇ, દારૂ પીનાર પહેલી વાર પકડાય તો એક સપ્તાહની કેદની સજા, બીજી અને ત્યાર બાદ પકડાય તો કેદની સજામાં વધારો કરવા સહિતની સજાની જોગવાઇ નવા કાદયામાં કરવામાં અાવે તેવી શક્યતા છે.
http://sambhaavnews.com/

divyesh

Recent Posts

ચૂંટણી આવતાં વિપક્ષો EVMનો રાગ આલાપે છે

હાલમાં લોકસભા ચૂંટણીનો માહોલ બરાબર જામ્યો છે ત્યારે રાજકીય પક્ષો અને કેટલાક લોકોએ ઇવીએમને બદનામ કરવાનો જાણે કે ઠેકો લીધો…

17 hours ago

મેન્ટેનન્સના ઝઘડામાં 600 હાઈરાઈઝ બિલ્ડિંગમાં ફાયર સેફ્ટી ટલ્લે ચડી

પ્રહ્લાદનગર વિસ્તારના દેવઓરમ ટાવરમાં સર્જાયેલી આગની દુર્ઘટના બાદ મ્યુનિસિપલ સત્તાવાળાઓએ કુંભકર્ણી નિદ્રામાંથી જાગ્રત થઈને શહેરની હાઈરાઈઝ બિલ્ડિંગોની ફાયર સેફ્ટીની ચકાસણી…

19 hours ago

ચૂંટણી આચારસંહિતા હળવી થતાં મ્યુનિ. વહીવટી તંત્રમાં તોળાઇ રહેલા ફેરફાર

ગઇ કાલે લોકસભાની અમદાવાદ શહેર જિલ્લાની ત્રણ બેઠક સહિત રાજ્યની તમામ ર૬ બેઠકોની ચૂંટણી શાંતિપૂર્ણ રીતે પતી ગયા બાદ જિલ્લા…

19 hours ago

નરોડા વિધાનસભા મત વિસ્તારમાં સૌથી વધુ 25 ઇવીએમ-વીવીપેટ ખોટકાયાં

ગઇકાલે અમદાવાદ શહેર-જિલ્લામાં દિવસભર મતદાન શાંતિપૂર્ણ રીતે સંપન્ન થયું હતું. જો કે જિલ્લા ચૂંટણી પંચ દ્વારા મતદાન મથકોમાં મેડિકલ ટીમ…

19 hours ago

ધો.12 સાયન્સનું 9 મે, ધો.10નું પરિણામ તા. 23 મેએ જાહેર થશે

ગુજરાત માધ્યમિક શિક્ષણ બોર્ડ દ્વારા લેવાયેલ ધોરણ ૧૦ અને ૧૨વિજ્ઞાન પ્રવાહની પરીક્ષાનાં પરિણામો આગામી મે માસના અંત સુધીમાં આવી જશે.…

19 hours ago

ઈન્દ્રપ્રસ્થ ટાવરના દસમા માળેથી અજાણ્યા યુવકે મોતની છલાંગ લગાવી

શહેરના ડ્રાઇવઇન રોડ પર આવેલા ઇન્દ્રપ્રસ્થ ટાવરમાં આજે વહેલી સવારે એક યુવકની લાશ મળી આવતાં સમગ્ર વિસ્તારમાં ચકચાર મચી ગઇ…

19 hours ago