Categories: Gujarat

ચેમ્બરમાં હવે લાંબા સમય સુધી કોઈ હોદ્દા ઉપર ચીટકી રહી શકશે નહીં

અમદાવાદ: ગુજરાત ચેમ્બર્સ અૉફ કોમર્સ એન્ડ ઈન્ડસ્ટ્રીઝ (જીસીસીઅાઈ)માં કેટલાક સભ્યો લાંબા સમયથી એક યા બીજા હોદ્દા ઉપર ચીટકી રહે છે. જે હવે શક્ય બનશે નહીં. જીસીસીઅાઈ તેના બંધારણમાં કેટલાક મહત્ત્વના સુધારા કરવા જઈ રહી છે. અા સુધારાઅોને ચેમ્બરની અાગામી ચૂંટણી પહેલાં બહાલી અાપવા માટે ચેમ્બરની એજીએમ પણ બોલાવવાનું અાયોજન કરવામાં અાવ્યું છે. અાગામી તા. 11 એપ્રિલના રોજ ચેમ્બરની કારોબારીની બેઠકમાં સુધારા કરાશે.

ચેમ્બરની કારોબારીમાં કોઈપણ સભ્ય કમિટીમાં કે અન્ય હોદ્દા પર ત્રણ કે ચાર ટર્મ સુધી જ રહી શકે તેવો સુધારો કરાય તેવી શક્યતા છે. જ્યારે સભ્ય નોંધણી માત્ર નવેમ્બરથી જાન્યુઅારી સુધી એટલે કે ત્રણ મહિના સુધી જ કરવામાં અાવે છે જે સમગ્ર વર્ષ દરમિયાન થઈ શકશે. અા ઉપરાંત એક જ પેઢીનાં નામ ઉપર એકથી વધુ ભાગીદાર વ્યક્તિગત સભ્ય બની શકે છે તે નિયમમાં સુધારો કરીને એક જ પેઢીનાં નામ ઉપર એક જ ભાગીદાર વ્યક્તિગત સભ્ય બની શકશે તેવો સુધારો કરવામાં અાવશે.

ચેમ્બર દ્વારા કારોબારી કમિટીની બેઠકમાં બંધારણમાં સુધારા કરવાના ઠરાવ કર્યા બાદ તેને બહાલી અાપવા માટે ચૂંટણીની જાહેરાત થાય તે પહેલાં એન્યુઅલ જનરલ મિટિંગ (એજીએમ) બોલાવવામાં અાવશે અને તેમાં સ્પેશિયલ કારોબારીમાં કરાયેલા ઠરાવને બહાલી અાપવામાં અાવશે. અા એજીએમમાં બંધારણીય સુધારાઅોને બહાલી અપાયા બાદ તેને પુન: કારોબારીની બેઠકમાં બહાલી અાપીને બંધારણીય સુધારાને માન્ય રાખવાનું અાયોજન કરાયું છે.

અા અંગે જીસીસીઅાઈના પ્રમુખ રોહિત જે. પટેલે જણાવ્યું હતું કે 11મીએ ચેમ્બરની કારોબારીની બેઠક બોલાવવામાં અાવી છે. અા બેઠકમાં અગાઉ કમિટી દ્વારા બંધારણીય સુધારાને લગતાં ઠરાવ કરાયા છે તેને બહાલી માટે રજૂ કરાશે. ચેમ્બરની ચૂંટણી જૂનમાં યોજાય તેવી સંભાવના  ગુજરાત ચેમ્બર અૉફ કોમર્સ એન્ડ ઈન્ડસ્ટ્રીઝના સિનિયર વાઈસ પ્રેસિડેન્ટ, વાઈસ પ્રેસિડેન્ટ તેમજ કારોબારી સમિતિના વિવિધ કેટેગરીના 24 સભ્યની ચૂંટણી અા વખતે મે મહિનાના બદલે જૂનના ત્રીજા સપ્‍તાહમાં યોજાય તેવી સંભાવના છે. કારણ કે ચેમ્બરની 11 એપ્રિલે મળનારી કારોબારીમાં કેટલાક બંધારણીય સુધારાઅોને બહાલી અાપવામાં અાવનાર છે.

અા સુધારાને બહાલી અાપવા માટે ચેમ્બરની એજીએમને ચૂંટણીની જાહેરાત કરાયા પહેલાં બોલાવવી પડે. પરંતુ દર વર્ષે ચેમ્બરની ચૂંટણીના મતદાન બાદ અને મતગણતરીના એક દિવસ અગાઉ બોલાવવામાં અાવે છે. જેના કારણે ચેમ્બરની ચૂંટણી અા વખતે મે મહિનાના બદલે જૂનના ત્રીજા સપ્તાહમાં યોજાય તેવી સંભાવના બળવત્તર બની હોવાનું સૂત્રોએ જણાવ્યું હતું.

divyesh

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

8 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

8 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

8 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

9 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

9 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

9 hours ago