Categories: Business

જીએસટીને ત્રણ મહિના પૂરા છતાં પ્રાથમિક મુશ્કેલીઓ યથાવત્

જીએસટી લાગુ થયાને ત્રણ મહિના કરતા વધુનો સમય થઇ ચૂક્યો છે. તેમ છતાંય કેટલીક પ્રાથમિક મુશ્કેલીઓ વચ્ચે વેપારીઓ અને ટેક્સ નિષ્ણાતો સહિત સરકારી અધિકારીઓ પણ અટવાયેલા જોવા મળી રહ્યા છે. ખાસ કરીને વેપારીઓને રિટર્ન ભરવાની અને બિલ અપલોડ કરવા જેવી સામાન્ય મુશ્કેલીઓનો ઉકેલ આવી શક્યો નથી.

ઉલ્લેખનીય છે કે ૧ જુલાઇથી ગુડ્સ એન્ડ સર્વિસ ટેક્સનો અમલ થયો હતો. ટેકનિકલ ખામીઓ તથા જીએસટી નેટવર્ક સર્વરની ધીમી કામગીરીના કારણે રિટર્ન ભરવાની અંતિમ તારીખોમાં વારંવાર વધારો કરાયો છે. તે જ બતાવે છે કે વેપારીઓને જીએસટી ભરવામાં પ્રાથમિક મુશ્કેલીઓનો સામનો કરવો પડી રહ્યો છે.

ટેક્સ બાર એસોસિયેશનના જણાવ્યા પ્રમાણે જીએસટીના અમલને ત્રણ મહિના વીતી ગયા હોવા છતાં વેપારીઓને રિટર્ન ભરવામાં બેથી ત્રણ કલાક જેટલા સમયનો ભોગ આપવો પડી રહ્યો છે. ખાસ કરીને સર્વર નેટવર્કની તકલીફને કારણે વેપારીઓ રિટર્ન ભરી શકતા નથી. જુલાઇ મહિનાના રિટર્ન ભરવામાં વિલંબ થવાના કારણે પેનલ્ટી માફ કરવામાં આવી હતી, જોકે આ પેનલ્ટી માફી પણ ટેક્સ બાર એસોસિયેશનની માગણીના કેટલાક દિવસો બાદ અપાઇ હતી. ઓગસ્ટ મહિનામાં માફી આપવાના સમાચાર વહેતા થયા છે. તેમ છતાં આ અંગે સત્તાવાર રીતે કોઇ સર્ક્યુલર બહાર પડાયો નથી અને તેના કારણે હજુ પણ ટેક્સ નિષ્ણાતો મુશ્કેલી અનુભવી રહ્યા છે.

જીએસટી કાઉન્સિલની આગામી છઠ્ઠી તારીખે મિટિંગ મળી રહી છે, જેમાં રિટર્ન સહિત કેટલાક પ્રશ્નો ઉકેલાય તેવી શક્યતાઓ છે. આ અંગે ટેક્સ બાર એસોસિયેશનના હોદ્દેદારોના જણાવ્યા પ્રમાણે રિટર્ન અપલોડ કરવામાં હજુ પણ મુશ્કેલીઓ અનુભવવી પડી રહી છે. વેપારીઓને કાયદા મુજબ ત્રણ જ રિટર્ન ભરવાના થતા હતા, પરંતુ એક યા બીજા કારણસર વેપારીને મહિને ચાર રિટર્ન ભરવાના થાય છે, જેના કારણે ટેક્સ નિષ્ણાતો તથા વેપારીઓને પારાવાર મુશ્કેલી અનુભવવી પડી રહી છે.

Dhruv Brahmbhatt

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

8 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

9 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

9 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

9 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

9 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

9 hours ago