Categories: Business

સિંગતેલના ભાવમાં વધુ ઘટાડોઃ રૂ.૧૪૫૦ની સપાટી તોડી નીચે

અમદાવાદ: ખાદ્યતેલના ભાવમાં ઘટાડાની ચાલ જોવા મળી રહી છે. વૈશ્વિક બજારમાંથી પામ તેલ સહિત વિવિધ આયાતી ખાદ્યતેલની આવક વધતાં તો બીજી બાજુ સિઝનની સિંગદાણાની નવી આવકો આવવાની શરૂઆત થતાની સાથે જ સ્થાનિક બજારમાં સિંગતેલના ભાવમાં વધુ ગાબડાં પડ્યાં છે. આજે શરૂઆતે સિંગતેલના ભાવ રૂ. ૧,૪૫૦ની સપાટી તોડી નીચે જોવા મળ્યા છે.

ઉલ્લેખનીય છે કે પાછલા બે મહિનામાં ડબે સિંગતેલના ભાવમાં ૧૫૦થી ૧૭૦ રૂપિયાનો ઘટાડો નોંધાઇ ચૂક્યો છે. એક બાજુ પાછલા ચાર-છ મહિનામાં ડોલર સામે રૂપિયામાં જોવા મળી રહેલી ઘટાડાની ચાલના પગલે આયાતી ખાદ્યતેલની પડતરમાં જોવા મળેલ ઘટાડો તો બીજી બાજુ વૈશ્વિક બજારમાં પણ જોવા મળી રહેલા ખાદ્યતેલના ભાવમાં ઘટાડાના પગલે સિંગતેલના ભાવમાં સતત નરમાઇ જોવા મળી રહી છે.

સ્થાનિક હોલસેલ વેપારીઓના જણાવ્યા પ્રમાણે સૌરાષ્ટ્રના હળવદ સહિતના વિસ્તારોમાં પિલાણ માટેની સિંગદાણાની નવી આવક આવવાની શરૂ થઇ ગઇ છે.

આગામી એકથી બે સપ્તાહમાં રાજકોટ તથા ગોંડલ બાજુથી પણ પિલાણ માટેની મગફળીની આવક શરૂ થઇ જવાની ગણતરી સેવાઇ રહી છે ત્યારે દશેરા સુધીમાં સિંગતેલના ભાવમાં ડબે વધુ ગાબડાં પડે તેવી શક્યતા વેપારીઓ દ્વારા વ્યક્ત કરાઇ રહી છે. તેમના જણાવ્યા પ્રમાણે આગામી બેથી ત્રણ સપ્તાહમાં સિંગતેલના ભાવ ૧૪૦૦થી ૧૪૨૦ની સપાટીએ પહોંચે તેવી મજબૂત સંભાવનાઓ જોવા મળી રહી છે.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

23 mins ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

56 mins ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

1 hour ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

1 hour ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

2 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

3 hours ago