Categories: India

ગોરખપુરઃ ઓક્સિજન સિલિન્ડરમાં ભ્રષ્ટાચાર અને નિષ્કાળજીનો પર્દાફાશ

ગોરખપુર: ગોરખપુરની બાબા રાઘવદાસ (બીઆરડી) મેડિકલ કોલેજ એન્ડ હોસ્પિટલમાં ઓક્સિજનના અભાવે થયેલાં સંખ્યાબંધ માસૂમ બાળકોનાં મોતના મામલે ગોરખપુરના કલેક્ટરે પોતાનો રિપોર્ટ રાજ્ય સરકારને સોંપી દીધો છે. અહેવાલો અનુસાર કલેક્ટર રાજીવ રૌતેલાએ આ ઘટના માટે ઓક્સિજન સિલિન્ડર સપ્લાય કરનાર કંપની પુષ્પા સેલ્સ અને ઓક્સિજન યુનિટના ઇન્ચાર્જ ડો.સતીશને આ લાપરવાહી અને નિષ્કાળજી માટે જવાબદાર ઠેરવ્યા છે. આ ઉપરાંત મેડિકલ કોલેેજના સસ્પેન્ડ કરવામાં આવેલ પ્રિન્સિપાલ આર.કે. મિશ્રાને પણ રિપોર્ટમાં જવાબદાર ઠેરવવામાં આવ્યા છે.

રિપોર્ટમાં જણાવાયું છે કે આ અંગે ડો.સતીશને લેખિત રીતે વાકેફ કરવામાં આવ્યા હતા, પરંતુ તેમણે ઓક્સિજન સિલિન્ડરના પુરવઠામાં અવરોધો પેદા કર્યા હતા. ઓક્સિજન સિલિન્ડરના પુરવઠા માટે તેમની જવાબદારી હોવાથી તેઓ પણ દોષિત છે. અા ઉપરાંત સ્ટોક બુકમાં તેમણે સિલિન્ડરના પુરવઠાનો સંપૂર્ણ રેકોર્ડ પણ જાળવ્યો નહોતો. ડો.સતીશ દ્વારા સ્ટોક બુક જોવામાં પણ આવી નહોતી કે તેના પર તેમણે સહીઓ પણ કરી નહોતી. જે સતીશના પક્ષે ઘોર નિષ્કાળજી દર્શાવે છે.

કલેક્ટરના રિપોર્ટમાં ઓક્સિજન સપ્લાયર કંપનીને પેમેન્ટ નહીં થવા પાછળ નાણાકીય ગેરરીતિની ઇચ્છાનો પણ ઉલ્લેખ કર્યો છે. રિપોર્ટમાં જણાવાયું છે કે કંપની પણ ઓક્સિજન સિલિન્ડરનો પુરવઠો રોકવા બદલ જવાબદાર છે. માસૂમ બાળકોની જિંદગીને જોતાં કંપનીએ ઓક્સિજન સિલિન્ડરનો સપ્લાય બંધ કરવો જોઇતો નહોતો.

દરમિયાન બુધવારે ગોરખપુરમાં બાળકોના મૃત્યુની ટ્રેજેડીને લઇને અલ્હાબાદ હાઇકોર્ટમાં એક જનહિતની અરજી પણ દાખલ કરવામાં આવી છે. આ અરજીમાં અદાલતી તપાસ અને મૃતક બાળકોના પરિવારોને વળતર આપવાની માગણી કરવામાં આવી છે. પિટિશનમાં ડોક્ટરોની ખાનગી પ્રેકિ્ટસ પર પ્રતિબંધ મૂકવાની પણ માગણી કરાઇ છે. આ પિટિશન પર મુખ્ય ન્યાયમૂર્તિ ડી.બી. ભોંસલે અને ન્યાયમૂર્તિ એમ. કે. ગુપ્તાની બેન્ચ ૧૮ ઓગસ્ટ સુનાવણી કરશે.

divyesh

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

2 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

2 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

2 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

2 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

2 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

2 hours ago