Categories: Gujarat

ગણેશ વિસર્જન દરમિયાન બ્રિજ પર ધક્કામુક્કી થઈ અને વિદ્યાર્થી નદીમાં પડ્યો

અમદાવાદ: ગઈ કાલે વિઘ્નહર્તા ગણપતિને લોકોએ ધામધૂમથી વિદાય આપી વિસર્જન કર્યું હતું. આ ગણપતિ વિસર્જન જોવા આવેલો એક મૂકબધિર સગીર એલિસબ્રિજ પરથી નદીમાં પટકાતાં તેનું ડૂબી જવાથી મોત નીપજ્યું હતું. ફાયર બ્રિગેડે સગીરને બચાવવા પ્રયત્ન કર્યાે હતાે, પરંતુ સગીર બચી શક્યો ન હતો. અન્ય એક યુવક પણ સરદારબ્રિજ પરથી નદીમાં પડ્યો હતો, પરંતુ તેની લાશ મળી આવી ન હતી.

પોલીસસૂત્રો પાસેથી મળતી માહિતી મુજબ વાસણા ટેલિફોન એક્સચેન્જ પાછળ આવેલા પૂનમપરિતા ફલેટમાં જય પરાગભાઈ રાવલ (ઉ.વ.૧૬) રહેતો હતો. જય અંકુર સ્કૂલમાં ધો.૯માં અભ્યાસ કરતો હતો. ગઈ કાલે જય તેનાં માતા-પિતા સાથે ગણપતિ વિસર્જન જોવા રાત્રે એલિસબ્રિજ પર આવ્યો હતો.

ગણપતિ વિસર્જન જોવા બ્રિજ પર શહેરમાંથી ઘણા લોકો આવ્યા હોઈ બ્રિજ ઉપર ભીડ હતી. દરમિયાનમાં લાલદરવાજા તરફથી લોકો વધુ આવતાં ભીડ વધી ગઈ હતી અને ધક્કામુક્કી દરમિયાન જય બ્રિજ પરથી નીચે નદીમાં પડ્યો હતો. નદીમાં સગીર પડતાં લોકોએ બૂમાબૂમ કરી હતી. વિસર્જન માટે હાજર ફાયર બ્રિગેડનો સ્ટાફ તાત્કાલિક ત્યાં પહોંચી ગયો હતો, પરંતુ ફાયરની ટીમ જયને બચાવવામાં સફળ રહી નહોતી અને તેનું મોત નીપજ્યું હતું. વિસર્જન દરમિયાન આ ઘટનાના પગલે લોકોમાં શોકની લાગણી ફેલાઈ ગઈ હતી.

રાત્રે ૧૦.૩૦ વાગ્યાની આસપાસ પણ એક યુવક સરદારબ્રિજ પરથી સાબરમતી નદીમાં પટકાયો હતો. ફાયરની ટીમે તેની શોધખોળ શરૂ કરી હતી, પરંતુ તેની લાશ મળી આવી ન હતી. ગઈ કાલે સાબરમતી નદીમાં મોટી ગણપતિની મૂર્તિઓને વિસર્જન કરવા કોર્પોરેશન દ્વારા ક્રેન મૂકવામાં આવી હતી.

એલિસબ્રિજ પર મૂકવામાં આવેલી એક ક્રેનમાં ગઈ કાલે રાત્રે ગણપતિની મૂર્તિને નદીમાં ઉતાર્યા બાદ ક્રેન ઉપર આવી રહી હતી ત્યારે પટ્ટો તૂટતાં ક્રેન પર ઊભેલા ચાર યુવક નીચે નદીમાં પટકાયા હતા. ચારેય યુવકોને ઈજા થતાં સારવાર માટે હોસ્પિટલ ખસેડાયા હતા, જેમાં સંકેત ગોપાલભાઈ કંથારિયા (ઉ.વ.૨૪, રહે. ઘીકાંટા)નું સારવાર દરમિયાન મોત નિપજ્યું હતું.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

3 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

3 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

3 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

3 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

3 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago