Categories: India

કોલસા કૌભાંડઃ ઝારખંડના પૂર્વ સીએમ મધુ કોડાને ત્રણ વર્ષ જેલઃ રપ લાખનો દંડ

નવી દિલ્હી: દિલ્હીની પટિયાલા હાઉસ ખાતેની સીબીઆઇની સ્પેશિયલ કોર્ટે ઝારખંડના પૂર્વ મુખ્ય પ્રધાન મધુ કોડા સહિત તમામ દોષિતોને આજે સજાનું એલાન કર્યું હતું. ભ્રષ્ટાચાર અટકાયત ધારા હેઠળ ઝારખંડના પૂર્વ મુખ્ય પ્રધાન મધુ કોડાને ત્રણ વર્ષની સજા જાહેર કરી છે. તેમજ તેમને રૂ.રપ લાખનો દંડ પણ ફટકાર્યો છે.

આ ઉપરાંત કોલસા વિભાગના પૂર્વ સચિવ એચ.સી.ગુપ્તાને ત્રણ વર્ષની જેેલની સજા અને રૂ.એક લાખનો દંડ ફટકારવામાં આવ્યો છે. કોલકાતાની કંપની વિની આયર્ન એન્ડ સ્ટીલ ઉદ્યોગ લિ.ને રૂ.પ૦ લાખનો દંડ ફટકારવામાં આવ્યો છે.

બે દિવસ અગાઉ કોલસા કૌભાંડમાં ઝારખંડના પૂર્વ મુખ્ય પ્રધાન મધુ કોડા સહિત ચાર લોકોને દોષિત જાહેર કરવામાં આવ્યા હતા. આ ઉપરાંત કોલસા વિભાગના પૂર્વ સચિવ એચ.સી. ગુપ્તા, ઝારખંડના પૂર્વ મુખ્ય સચિવ અશોક બસુ અને એક અન્ય અધિકારીને પણ અપરાધી જાહેર કરવામાં આવ્યા છે.

આ અગાઉ સીબીઆઇના સ્પેશિયલ જજે ઝારખંડના પૂર્વ મુખ્યપ્રધાન મધુ કોડા સહિત ચાર આરોપીઓને સાજિશ અને ગુનાઇત કાવતરું રચવા માટે દોષિત જાહેર કર્યા હતા. મધુ કોડા ઉપરાંત એચ.સી. ગુપ્તા અને કોલકાતાની કંપની વિની આયર્ન એન્ડ સ્ટીલ ઉદ્યોગ લિ. ઉપરાંત ઝારખંડના પૂર્વ મુખ્ય સચિવ એ.કે. બસુ, વસંતકુમાર ભટ્ટાચાર્ય, બિપીન બિહારી સિંહ, વિની આયર્ન એન્ડ સ્ટીલ ઉદ્યોગ લિ.ના ડાયરેકટર વૈભવ તુલશ્યાન, મધુ કોડાના નિકટના સહયોગી વિજય જોશી અને ચાર્ટર્ડ એકાઉન્ટન્ટ નવીનકુમાર તુલશ્યાન પણ આ કેસના મુખ્ય આરોપી હતા.

આ મામલો ઝારખંડમાં રાજહરા નોર્થ કોલ બ્લોક, કોલકાતાની વીની આયર્ન એન્ડ સ્ટીલ ઉદ્યોગ લિ. (વીઆઇએસયુએલ)ને ફાળવણી કરવામાં કહેવાતા ગેરરીતિઓ સંબંંધિત હતો. આરોપીઓ પર આરોપ છે કે તેમણે ઝારખંડમાં વીઆઇએસયુએલને ફાળવણી કરવામાં નિયમોેનું પાલન કરવામાં આવ્યું નથી.

કેસની સુનાવણી દરમિયાન સીબીઆઇએ રજૂઆત કરી હતી કે કંપનીએ ૮ જાન્યુઆરી, ર૦૧૭ના રોજ રાજહરા નોર્થ કોલ બ્લોકની ફાળવણી માટે અરજી કરી હતી. સીબીઆઇએ એવો આરોપ મૂકયો હતો કે ઝારખંડ સરકાર અને સ્ટીલ મંત્રાલયે વીની આયર્ન એન્ડ સ્ટીલ ઉદ્યોગ લિ.ને કોલ બ્લોક ફાળવવાની મંજૂરી આપી નહોતી, પરંતુ સ્કીનિંગ કમિટીએ ભલામણ કરી દીધી હતી. પટિયાલા હાઉસ કોર્ટ દોષિતો સામે કલમ ૧ર૦-બી (ગુનાઇત કાવતરું), ૪ર૦ (છેતરપિંડી) અને ૪૦૯ (સરકારી કર્મચારીઓ દ્વારા ગુનાઇત વિશ્વાસઘાત) અને ભ્રષ્ટાચાર અધિનિયમની જોગવાઇઓ હેઠળ સજાનું એલાન કરશે.

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

12 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

13 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

13 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

13 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

13 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

15 hours ago