Categories: India

તમિળનાડુમાં પૂર, વરસાદથી એલર્ટ

ચેન્નાઈ : તમિળનાડુના ચેન્નાઈ અને અન્ય કેટલાક વિસ્તારો તથા કેન્દ્ર શાસિત પ્રદેશ પુડુચેરીમાં ભારે વરસાદને લીધે જનજીવન ખોરવાઈ ગયું હતું અને કેટલાક વિસ્તારો પાણીમાં ગરકાવ થઈ ગયા હતા. ભારે વરસાદથી વાહન વ્યવહાર અને હવાઈ સેવા તેમજ ટ્રેનોની અવરજવરને અસર પડી હતી. દક્ષિણ રેલ્વેએ બીચ-તંબારામ રૂટની ૧૧ ટ્રેનો રદ કરી દીધી હતી. ચેન્નાઈ-તિરુવલુર રૂટની મોટાભાગની ટ્રેનો અવાડી સુધીની કરી દેવાઈ હતી.

એક રેલ્વે અધિકારીએ જણાવ્યું હતું કે ટ્રેનોની ગતિ મર્યાદિત કરી દેવાઈ છે અને તેને લીધે તેમાં વિલંબ થઈ રહ્યો છે. કેટલાક સ્થળોએ પાણી ભરાઈ જવાને લીધે પરાંવિસ્તારની ટ્રેનસેવાને અસર પહોંચી હતી. ભારે વરસાદને લીધે હવાઈ સેવાને પણ અસર પહોંચી છે. સંખ્યાબંધ ફ્લાઈટ તેના નિર્ધારિત સમયથી મોડી પડી રહી છે.ચેન્નાઈ તરફ આવતી ૧૦ ફ્લાઈટ એક કલાક મોડી પડી હતી.

જ્યારે કોલંબો-ચેન્નાઈ મિહિન લંકા ફ્લાઈટને ચેન્નાઈમાં ભારે વરસાદને લીધે કોલંબો પાછી વાળવાની ફરજ પડી હતી. વિમાનો મોડા પડતા ચેન્નાઈથી ઉપડતી ફ્લાઈટસ પણ એકથી બે કલાક મોડી પડી હતી. તમિળનાડુના છ જિલ્લા અને પુડુચેરીમાં શાળા કોલેજો બંધ રહી હતી. ચેન્નાઈ, તિરુવલ્લુર અને કાંચીપુરમ જિલ્લાઓમાં શાળાઓ આવતીકાલે પણ બંધ રહેશે.

ચેન્નાઈના કેટલાક વિસ્તારોમાં પાણી ભરાઈ જવાને લીધે વાહન વ્યવહારને પણ અસર પહોંચી હતી.મુખ્યમંત્રી જયલલિતાએ પરિસ્થિતિની સમીક્ષા માટે કેબિનેટના મંત્રીઓ અને સચિવો સાથે બેઠક યોજી હતી. બંગાળના અખાતમાં હવાના હળવા દબાણને લીધે તમિળનાડુમાં આગામી ચાર દિવસ સુધી ભારે વરસાદ થવાની હવામાન વિભાગે આગાહી કરી છે તેને જોતાં લોકોને તત્કાળ રાહત મળે તેમ લાગતું નથી.

રાજ્યમાં અતિ ભારે વરસાદના પરિણામ સ્વરૂપે નુકશાન ખૂબ વધારે થયું છે. રોગચાળાની દહેશત પણ પ્રવર્તી રહી છે. નવેમ્બર મહિનામાં ચેન્નાઈ શહેરમાં ૧૧૯.૭૩ મીમી જેટલો વરસાદ નોંધાઈ ચુક્યો છે જે ૧૯૧૮માં થયેલા વરસાદનો રેકોર્ડ તોડે છે.

૧૯૧૮માં નવેમ્બર મહિનામાં ૧૦૮.૮ મીમી વરસાદ થયો હતો. રાજ્યમાં ખાસ કરીને દરિયાકાંઠાના જિલ્લામાં હાલ કોઈ રાહત મળવાની શક્યતા દેખાઈ રહી નથી. સ્કુલો અને કોલેજોમાં રજા જાહેર કરાઈ છે.

Navin Sharma

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

2 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

2 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

2 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

2 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

4 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

4 hours ago