શાપર-વેરાવળ નજીક હુમલાખોરોનાં ત્રણ રાઉન્ડ ફાયરિંગઃ છરીના ઘા પણ માર્યા

અમદાવાદ: રાજકોટ જિલ્લાના શાપર-વેરાવળ નજીક ઢોલરાની સીમમાં આવેલી વાડીમાં સૂતેલા આધેડ પર બે અજાણ્યા શખ્સોએ ત્રણ રાઉન્ડ ફાયર કરી છરીના ઘા ઝીંકી દીધા હતા. ગંભીર રીતે ઘવાયેલા આધેડને અમદાવાદ હોસ્પિટલમાં ખસેડાયા છે. પોલીસે હત્યાના પ્રયાસનો ગુનો નોંધી હુમલો કરનાર શખ્સોની શોધખોળ શરૂ કરી છે.

મળતી માહિતી મુજબ રાજકોટના મવડી પ્લોટ વિસ્તારની લાભદીપ સોસાયટીમાં રહેતા હંસરાજભાઇ ટીંબાભાઇ સખિયા (ઉં.વ.પ૦) શાપરના ઢોલરાની સીમમાં આવેલી પોતાની વાડીના પટમાં રાત્રીના સમયે સૂતા હતા.

દરમ્યાનમાં બે અજાણ્યા શખ્સ વાડીનો ડેલો કૂદી અંદર આવ્યા હતા. અજાણ્યા માણસો વાડીમાં ઘૂસતાં અવાજના કારણે હંસરાજભાઇ જાગી ગયા હતા. વાડીના રૂમની લાઇટ ચાલુ કરવા જતાં બે પૈકી એક શખ્સે પોતાની પાસે રહેલી રિવોલ્વરમાંથી ત્રણ રાઉન્ડ ફાયર કર્યા હતા.

ફાયરિંગ કર્યા બાદ બંને શખ્સ હંસરાજભાઇની નજીક પહોંચી ગયા હતા અને છરીના ઉપરાછાપરી ઘા ઝીંકી દીધા હતા. અચાનક ફાયરિંગ અને છરીથી હુમલો થતાં હંસરાજભાઇએ બૂમાબૂમ કરી મૂકી હતી. બૂમાબૂમના પગલે બંને હુમલાખોરો નાસી ગયા હતા. અવાજ થતાં આસપાસના લોકો દોડી આવ્યા હતા.

હુમલામાં ગંભીર રીતે ઈજાગ્રસ્ત હંસરાજભાઇને સૌપ્રથમ રાજકોટ અને બાદમાં અમદાવાદ હોસ્પિટલમાં ખસેડ્યા હતા. ઘટનાના પગલે શાપર પોલીસ ઘટનાસ્થળે પહોંચી ગઈ હતી.

પોલીસે બે અજાણ્યા શખ્સ સામે હત્યાની કોશિશ અને આર્મ્સ એક્ટ હેઠળ ગુનો નોંધ્યો હતો. પોલીસે હંસરાજભાઇ પર લૂંટના ઇરાદે હુમલો કર્યો કે પછી અંગત અદાવતમાં કોઈ શખસો તેમની હત્યા કરવા આવ્યા હતા કે કેમ તે મુદ્દે તપાસ શરૂ કરી હતી.

અત્રે ઉલ્લેખનીય છે કે રાજકોટ શહેર અને જિલ્લામાં ફાયરિંગ અને લૂંટના બનાવો બનતા રહે છે. મોડી રાતે વાડીમાં સૂતેલા હંસરાજભાઇ પર થયેલા હુમલાને લઇ ગ્રામ્ય એલસીબીની ટીમે પણ તપાસનો ધમધમાટ શરૂ કરી દીધો છે. અંગત અદાવતમાં પણ હુમલો કરાયાનો શંકા પોલીસે સેવી છે.

divyesh

Recent Posts

OMG! વહેલના પેટમાંથી નીકળ્યો 40 કિલોનો પ્લાસ્ટિક કચરો

(એજન્સી)વોશિંગ્ટન: સમુદ્રમાં વધતા પ્લાસ્ટિકના કચરાના કારણે માછલીઓનો દમ ઘૂંટાઈ રહ્યો છે. તાજેતરનું ઉદાહરણ ફિલિપાઈન્સમાં પકડાયેલી માછલીનું છે, જેના પેટમાં ૪૦…

18 hours ago

શેત્રુંજય પર્વતની ટોચ પરનું જૈન તીર્થ સ્થળ પાલિતાણા

એક એવો પર્વત કે જેનાં બંને શિખર પર નવસો મંદિરોની ભવ્ય પતાકાઓ લહેરાતી હોય અને જેનાં દર્શન ભવ્ય અને અલૌકિક…

18 hours ago

પ્રિયંકાએ કહ્યું હું ખૂબ જ ખરાબ પત્ની કેમ કે મને રસોઈ બનાવતાં આવડતું નથી

(એજન્સી)વોશિંગ્ટન: અમેરિકાના ચેટ શો 'ધ વ્યૂ'માં પ્રિયંકા ચોપરાએ પોતાની પર્સનલ લાઈફને લઈને વાત કરી હતી. તેને કહ્યું કે હું ખૂબ…

18 hours ago

2019માં અમેરિકન ફેડ રિઝર્વ વ્યાજદરમાં કોઈ વધારો નહીં કરે

(એજન્સી)લોસ એન્જલ્સ: અમેરિકન ફેડ રિઝર્વના ચેરમેન જેરોમ પોવેલે એવી જાહેરાત કરી છે કે વર્તમાન સ્થિતિને ધ્યાને લેતા નાણાકીય વર્ષ ૨૦૧૯-૨૦માં…

18 hours ago

કાલથી IPLનો નોનસ્ટોપ રોમાંચ શરૂઃ આ યોદ્ધા રણશિંગું ફૂંકશે

ચેન્નઈ: તાજેતરમાં ભારત અને ઓસ્ટ્રેલિયા વચ્ચે રમાયેલી ટી-૨૦ અને વન ડે શ્રેણીની સાથે ભારતીય ક્રિકેટ સિઝનનું સમાપન થઈ ગયું. હવે…

18 hours ago

જમીનના કેસમાં ચેડાં કરી બેંચ ક્લાર્કે બોગસ નોટિસ ઇશ્યૂ કરી

શહેરની મીરજાપુર ખાતે આવેલા ગ્રામ્ય કોર્ટમાં ચાલતા દીવાની દાવાના એક કેસમાં કોર્ટમાં થતી રોજ કામના શેડ્યૂલમાં ખોટો રેકોર્ડ ઊભાે કરીને…

19 hours ago