દિલ્હીમાં રબરનાં ગોડાઉનમાં લાગેલી આગ ૧૫ કલાક પછી પણ બેકાબૂ

નવી દિલ્હી: દિલ્હીના માલવીય નગર વિસ્તારમાં ખીડકી એક્સટેન્શન પાસે રબરના એક ગોડાઉનમાં મંગળવારે સાંજે ૫.૦૦ વાગ્યે લાગેલી ભીષણ આગ ૧૫ કલાક કરતાં વધુ જહેમત બાદ પણ હજુ સુધી કાબૂમાં આવી નથી. અત્યાર સુધી ફાયરબ્રિગેડની ૮૦ ગાડીઓ ઘટનાસ્થળે પહોંચી ગઈ છે. ૧૫ કલાક કરતાં વધુ સમયથી આગ બુઝાવવાના સઘન પ્રયાસો છતાં હજુ આગની જ્વાળાઓ ભભૂકી રહી છે અને આગ કાબૂમાં આવતી નથી.

ફાયરબ્રિગેડના જણાવ્યા પ્રમાણે આગને કાબૂમાં આવતાં હજુ પણ પાંચેક કલાકનો સમય લાગશે. દિલ્હી ડિઝાસ્ટર મેનેજમેન્ટ ઓથોરિટીએ આગ બુઝાવવા માટે એરફોર્સની મદદ માગી છે. આગ બુઝાવવા હેલિકોપ્ટરની પણ મદદ માગવામાં આવી છે.

જે સ્થળે આગ લાગી છે તેની એક બાજુ નિરંકારી પબ્લિક સ્કૂલ આવેલી છે તો બીજી બાજુ રહેણાક વિસ્તાર આવેલો છે. આ આગ આસપાસનાં મકાનોને પણ ચપેટમાં લઈ શકે છે અને તેથી આસપાસના મકાનોને ખાલી કરાવવામાં આવ્યાં છે.

જ્યાં આગ લાગી છે તે રબરના ગોડાઉન તરફ જતો રસ્તો સાંકડો હોવાથી ફાયરબ્રિગેડની ગાડીઓને પહોંચવામાં મુશ્કેલી પડી રહી છે અને તેને વધુ સમય લાગી રહ્યો છે. આ વિસ્તાર સિલેક્ટ સિટીમોલની નજીક છે. આગના કારણે ધુમાડાના ગોટેગોટા દૂરથી જોઈ શકાય છે.

સ્થળ પર હાજર રહેલા લોકોએ જણાવ્યું હતું કે આગ પહેલા એક ટ્રકમાં લાગી હતી જે ફેલાઈને નજીકના રબરના ગોડાઉનમાં પ્રસરી ગઈ હતી. આગથી ફેલાયેલા ધુમાડાના ગોટેગોટા પાંચ કિ.મી. દૂર નહેરુ પ્લેસ પરથી પણ દેખાતા હતા.

સૌથી મોટો સવાલ એ છે કે રહેણાક વિસ્તારમાં રબર અને કેમિકલનું ગોડાઉન બનાવવાની મંજૂરી કોણે આપી હતી. આ ગોડાઉન ગેરકાયદે રીતે બનેલું છે અને પોલીસ તેની તપાસ કરી રહી છે.

આગ ઝડપથી ફેલાવવાનું એક કારણ ગોડાઉનમાં રાખેલા કેમિકલ અને રબરનાં ડ્રમ છે. આગ વધુ ન ફેલાય તે માટે રાત્રે પ્રશાસને કેમિકલના ડ્રમને બહાર કાઢ્યાં હતાં.

divyesh

Recent Posts

ચૂંટણી આવતાં વિપક્ષો EVMનો રાગ આલાપે છે

હાલમાં લોકસભા ચૂંટણીનો માહોલ બરાબર જામ્યો છે ત્યારે રાજકીય પક્ષો અને કેટલાક લોકોએ ઇવીએમને બદનામ કરવાનો જાણે કે ઠેકો લીધો…

14 hours ago

મેન્ટેનન્સના ઝઘડામાં 600 હાઈરાઈઝ બિલ્ડિંગમાં ફાયર સેફ્ટી ટલ્લે ચડી

પ્રહ્લાદનગર વિસ્તારના દેવઓરમ ટાવરમાં સર્જાયેલી આગની દુર્ઘટના બાદ મ્યુનિસિપલ સત્તાવાળાઓએ કુંભકર્ણી નિદ્રામાંથી જાગ્રત થઈને શહેરની હાઈરાઈઝ બિલ્ડિંગોની ફાયર સેફ્ટીની ચકાસણી…

15 hours ago

ચૂંટણી આચારસંહિતા હળવી થતાં મ્યુનિ. વહીવટી તંત્રમાં તોળાઇ રહેલા ફેરફાર

ગઇ કાલે લોકસભાની અમદાવાદ શહેર જિલ્લાની ત્રણ બેઠક સહિત રાજ્યની તમામ ર૬ બેઠકોની ચૂંટણી શાંતિપૂર્ણ રીતે પતી ગયા બાદ જિલ્લા…

15 hours ago

નરોડા વિધાનસભા મત વિસ્તારમાં સૌથી વધુ 25 ઇવીએમ-વીવીપેટ ખોટકાયાં

ગઇકાલે અમદાવાદ શહેર-જિલ્લામાં દિવસભર મતદાન શાંતિપૂર્ણ રીતે સંપન્ન થયું હતું. જો કે જિલ્લા ચૂંટણી પંચ દ્વારા મતદાન મથકોમાં મેડિકલ ટીમ…

15 hours ago

ધો.12 સાયન્સનું 9 મે, ધો.10નું પરિણામ તા. 23 મેએ જાહેર થશે

ગુજરાત માધ્યમિક શિક્ષણ બોર્ડ દ્વારા લેવાયેલ ધોરણ ૧૦ અને ૧૨વિજ્ઞાન પ્રવાહની પરીક્ષાનાં પરિણામો આગામી મે માસના અંત સુધીમાં આવી જશે.…

15 hours ago

ઈન્દ્રપ્રસ્થ ટાવરના દસમા માળેથી અજાણ્યા યુવકે મોતની છલાંગ લગાવી

શહેરના ડ્રાઇવઇન રોડ પર આવેલા ઇન્દ્રપ્રસ્થ ટાવરમાં આજે વહેલી સવારે એક યુવકની લાશ મળી આવતાં સમગ્ર વિસ્તારમાં ચકચાર મચી ગઇ…

15 hours ago