Categories: Lifestyle

ગરમીમાં કરો જાતનું જતન

ઉનાળામાં સૂકા પવન અને ભેજવાળા વાતાવરણનું મિશ્રણ થતાં તમે ગરમીથી રાહત મેળવવાના પ્રયાસોમાં લાગી જાવ છો, પરંતુ આ ગરમીથી તમારી સ્કિનને લગતી સમસ્યાઓ વધી જાય છે. ખાસ કરીને સનબર્નની સમસ્યા વધે છે. આવા વાતાવરણમાં કેટલાક ઘરગથ્થુ ઉપાયો અજમાવીને તમે સ્કિનને રાહત આપી શકો છો. આ અંગે અક્ષર બ્યુટી પાર્લરનાં સુશીલા રાઠોડ જણાવે છે કે, ગરમીના દિવસોમાં સ્કિન વધુ સંભાળ માગી લે છે. રસોડામાં વપરાતી કેટલીક હાથવગી વસ્તુઓ તેમ જ ડ્રેસિંગ ટેબલ પર પડેલી કેટલીક બ્યુટી પ્રોડકટ્સનો ઉપયોગ કરતા શીખી જાવ તો કાળઝાળ ઉનાળામાં પણ તમે ટેન્શન વગર બહાર ફરી શકશો.

પગની ખાસ સંભાળ લોઃ
ઉનાળામાં ગરમીની સૌથી વધુ અસર ચહેરાને અને પગને થાય છે. ગરમીથી બચવા મહિલાઓ ચહેરાને તો કોઈ ને કોઈ રીતે ઢાંકી દે છે, પરંતુ મોટા ભાગે પગની અવગણના જ થતી હોય છે, જેના કારણે લાંબા ગાળે પગમાં ફોલ્લા કે પછી વાઢિયા થવાની સમસ્યા થાય છે. તેનાથી બચવા માટે ચપ્પલ કે સેન્ડલ પહેરતાં પહેલા પગનો જે ભાગ ખુલ્લો રહેતો હોય તે ભાગ પર પેટ્રોલિયમ જેલી એપ્લાય કરો. અંગૂઠાથી શરૂ કરીને પગની પાની સુધી પેટ્રોલિયમ જેલી લગાવો, જેથી
પગનાં તળિયાં ચપ્પલ કે સેન્ડલ સાથે ઘસાવાથી ચામડીને થતી અસરમાં પણ રાહત રહેશે.

વાળની સંભાળ
લાંબા વાળની ઉનાળામાં દરકાર કરવાનું અઘરું બની જાય છે. પરસેવાના કારણે વાળ ડ્રાય બની જાય છે. ખાસ કરીને ડોકના ભાગે વધુ પરસેવો થાય છે અને તેનાથી વાળને પણ નુકસાન થાય છે. આ નુકસાનથી બચવા ડોકના ભાગે એન્ટી પરસ્પાઇરન્ટ ડીઓડરન્ટ લગાવો. ડોકના ભાગે મુખ્યત્વે વાળ ટચ થતાં હોય છે, તેથી આ ભાગ પર પરસેવો અટકાવે તેવું ડીઓ લગાવવાથી ડોકના ભાગે પરસેવો નહિ થાય અને હેર સ્ટાઇલ પણ ન બગડે.

સ્કિનની સંભાળઃ
ગરમીને કારણે ડ્રાય બનેલી અને ક્યારેક ઓઇલી બનેલી ત્વચાને પણ કેરની જરૂર પડે છે. આ માટે એક જગ પાણીમાં લીંબુ અને કાકડીની સ્લાઇસ નાખો અને તે મિશ્રણમાં એલોવેરાનો જ્યુસ ઉમેરો. બાદમાં આ મિશ્રણને આઇસ ટ્રેમાં ભરી દો. જ્યારે તમે તડકામાંથી ફરીને ઘરે આવો અને તમને સનબર્નનો અનુભવ થાય ત્યારે આ મિશ્રણવાળા આઇસ ક્યુબને ચહેરા પર ઘસો, જે તમને ક્વિક હીલિંગ આપશે.

હેર સ્ટાઇલ માટે હેરસ્પ્રે વાપરોઃ
ઉનાળામાં ડ્રાય હેર હોય ત્યારે હેરસ્ટાઇલ કરવાનું આકરું બને છે. આ માટે હેરસ્પ્રે વાપરો, પરંતુ એક ટૂથબ્રશમાં લઈને તેને એપ્લાય કરો. હેરસ્પ્રેના નોઝલ નજીક ટૂથબ્રશ લઈ જાવ અને ટૂથબ્રશ પર સ્પ્રે એપ્લાય કરો. બાદમાં આ બ્રશ તમારા વાળ પર ફેરવો, જેનાથી નાનામાં નાના વાળને હેરસ્પ્રે લગાવી શકાશે.

મેકઅપની સંભાળઃ
ઉનાળામાં પરસેવો વધુ થતો હોવાથી મેકઅપની સંભાળ રાખવાનું સૌથી વધુ અઘરું છે. પરસેવાથી મેકઅપ રેલાઈ ન જાય તે માટે બેઝ મેકઅપ લગાવ્યા બાદ આંખ નીચે અને હોઠની આજુબાજુ લૂઝ પાઉડર લગાવો. જે એક્સેસ ઓઇલ શોષી લેશે.

ક્લીન શેવ કરોઃ
પગ પરથી રુવાંટી દૂર કરવા માટે જો તમારી પાસે શેવિંગ ફોમ ખૂટી ગયું હોય તો તમે કન્ડિશનરનો ઉપયોગ કરી શકો છો. જરૂરિયાત મુજબનું કન્ડિશનર લઈ તેમાં થોડું પાણી ઉમેરો અને તે મિશ્રણને શેવિંગ ફોમના સ્થાને વાપરો. કન્ડિશનરથી તમારા પગ સ્મૂધ બનવાની સાથે સુગંધ આપશે.

સોનલ અનડકટ

divyesh

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

1 day ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

1 day ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

1 day ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

1 day ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

1 day ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

1 day ago