Categories: Gujarat

બોગસ પાસપોર્ટ સાથે પેરિસ જતા બે શ્રીલંકન સહિત ત્રણની ધરપકડ

અમદાવાદ: અમદાવાદ ઇન્ટરનેશનલ એરપોર્ટ પર બોગસ પાસપોર્ટ બનાવીને પેરિસ જતા બે શ્રીલંકન સહિત ત્રણ શખ્સોની સેન્ટ્રલ બ્યૂરો ઓફ ઇન્વસ્ટિગેશન (સીબીઆઇ)એ ધરપકડ કરીને સમગ્ર ઘટનાનો ભેદ ખોલ્યો છે. મૂળ શ્રીલંકાના વતની અને દેશમાં રેફ્યૂજી બનીને રહેતા બન્ને શખ્સોએ ખોટા ડોક્યુમેન્ટ ઊભા કરીને બોગસ પાસપોર્ટ બનાવ્યો હતો, જેના આધારે વિઝા લઇને પે‌િરસ ફરાર થઇ જવાની ફિરાકમાં હતા.

સેન્ટ્રલ બ્યૂરો ઓફ ઇન્વસ્ટિગેશનના ડીસીપી પી. કે. ગોડેશ્વરે સરદારનગર પોલીસ સ્ટેશનમાં બે શ્રીલંકન નાગ‌િરક અને તામિલનાડુમાં રહેતા એક યુવક વિરુદ્ધમાં ખોટા ડોક્યુમેન્ટના આધારે બોગસ પાસપોર્ટ બનાવીને વિદેશમાં ભાગી જવાનું કવાતરું ઘડવાનો કેસ નોંધ્યો છે. ઉલ્લેખનીય છે કે શ્રીલંકામાં રહેતા જોન્સન પીટર અને જોન્સન યુટાઇ લત્તા છેલ્લા ઘણા સમયથી તામિલનાડુ તથા ચેન્નઇમાં રેફ્યૂજી બનીને રહેતા હતા.

તામિલનાડુમાં રહેતા અકબર અબ્દુલ કરીમની મદદથી બન્ને વ્યકિતઓએ ખોટા દસ્તાવેજો ઊભા કરીને બોગસ પાસપોર્ટ બનાવ્યો હતો. બોગસ પાસપોર્ટના આધારે પેરિસના વિઝા લઇને વિદેશમાં ફરાર થઇ જવાનું કાવતરું ઘડતા હતા. આ ઘટના સીબીઆઇ સમક્ષ આવતાં તેમણે ત્રણેય શંકમદ પર વોચ ગોઠવી હતી. બે દિવસ પહેલાં ત્રણેય વ્યકિતઓ ઇન્ટરનેશનલ એરપોર્ટ પર આવી હતી. જ્યાં બાતમીના આધારે સીબીઆઇની ટીમે તેમની ધરપકડ કરી હતી. ત્રણેયની પૂછપરછ કરતાં ત્રણેય જણા ભાંગી પડ્યા હતા અને સીબીઆઇ સમક્ષ બોગસ પાસપોર્ટ બનાવ્યા હોવાની કબૂલાત કરી હતી.

સરદારનગર પોલીસે ત્રણેય આરોપી વિરુદ્ધમાં છેતર‌િપંડી, વિશ્વાસઘાત તથા કાવતરાનો ગુનો નોંધી તપાસ શરૂ કરી છે. આરોપીઓએ કોની મદદથી પાસપોર્ટ બનાવ્યો છે જેવા અનેક મુદ્દા લઇને તેમના 4 દિવસના રિમાન્ડ કોર્ટ પાસેથી મેળવ્યા છે.

divyesh

Recent Posts

એપલની ત્રણ ટકા કેશબેકવાળી પેમેન્ટકાર્ડ સેવા ઉપરાંત ન્યૂઝ પ્લસ અને સ્ટ્રીમિંગ પણ લોન્ચ

(એજન્સી)કેલિફોર્નિયા: કેલિફોર્નિયા સ્થિત સ્ટીવ જોબ્સ થિયેટરમાં એપલની શો ટાઈમ ઈવેન્ટમાં ગઈ કાલે મોડી રાતે કંપનીએ પેમેન્ટ માટે એપલ-પે, એપલકાર્ડ, એપલ…

12 hours ago

દિલથી હું બહુ બોલ્ડ છુંઃ અદા શર્મા

વર્ષ ૨૦૦૮માં રિલીઝ થયેલી વિક્રમ ભટ્ટની ફિલ્મ '૧૯૨૦'થી અદા શર્માએ કરિયર શરૂ કરી હતી. ફિલ્મ સફળ થઇ છતાં પણ અદાને…

12 hours ago

રામાયણમાં સુંદરકાંડ સૌથી શ્રેષ્ઠ છે….

સુંદરકાંડનો પ્રાદુર્ભાવ લંકામાં થયો છે. લંકા ત્રિકૂટ પર્વત પર આવેલો છે. ત્રિકૂટ એટલે ત્રણ શિખર. જેમાં એક શિખરનું નામ નલ…

12 hours ago

જીતીને હારી ગયેલા અશ્વિને કહ્યુંઃ મેં કંઈ ખોટું નથી કર્યું

(એજન્સી) જયપુર: કિંગ્સ ઈલેવન પંજાબે ગઈ કાલે રાજસ્થાન રોયલ્સની ટીમને IPLની પોતાની પ્રથમ મેચમાં 'વિવાદિત' રીતે ૧૪ રને હરાવી દીધી.…

13 hours ago

પેમેન્ટમાં ડિફોલ્ટ થતાં આરકોમ-જિઓ સ્પેક્ટ્રમ ડીલની DOT દ્વારા તપાસ શરૂ

(એજન્સી)નવી દિલ્હી: અનિલ અંબાણીની કંપનીએ રૂ.૨૧ કરોડના સ્પેક્ટ્રમ પેમેન્ટ પર ડિફોલ્ટ કર્યા બાદ ટેલિકોમ વિભાગ (DOT)એ રિલાયન્સ કોમ્યુનિકેશન્સ (RCOM) અને…

13 hours ago

US જવા પતિ એરપોર્ટ પર રાહ જોતો રહ્યો, પત્ની પોલીસ સ્ટેશન પહોંચી

(પ્રતિનિધિ દ્વારા) અમદાવાદ: શહેરના ચાંદખેડા વિસ્તારમાં રહેતી એક NRI યુવતી તેના પતિની જાણ બહાર તેના પાસપોર્ટ અને અગત્યના ડોક્યુમેન્ટ લઇને…

13 hours ago