Categories: India

ઉમેદવારોએ ચૂંટણીપંચને ટિ્વટર-ફેસબુક એકાઉન્ટની માહિતી આપવી પડશે

નવી દિલ્હીઃ સરકારે ચૂંટણીને લગતા નિયમોમાં ફેરફાર કર્યા છે, જેમાં આગામી દિવસોમાં ઉમેદવારો માટે જે ઉમેદવારીપત્ર ભરવાનું થાય છે તેમાં કેટલાક વધારાના સવાલ સામેલ કર્યા છે. ચૂંટણીપંચે ઉમેદવારીપત્ર ભરવાના નિયમમાં ફેરફાર કરી જે તે ઉમેદવારોએ હવે ફેસબુક અને ટિ્વટર સહિત સોશિયલ મીડિયા પરના તેમના એકાઉન્ટ અંગેની માહિતી આપવાની રહેશે.

ચૂંટણીપંચે આ અંગે કેન્દ્રીય કાયદા મંત્રાલય સાથે ચર્ચા કર્યા બાદ ઉમેદવારી અંગેના નિયમોમાં વિવિધ પ્રકારના ઉમેદવારી ફોર્મમાં કેટલાક વધારાના સવાલ સામેલ કરીને ઉમેદવારો માટે સોશિયલ મીડિયા પર તેમનાં વિવિધ અેકાઉન્ટ અંગે માહિતી આપવી ફરજિયાત બનાવી છે. આ અંગે મંત્રાલય દ્વારા નવા નિયમો લાગુ કરવાનું જાહેરનામું બહાર પાડવામાં આ‍વ્યું છે, જેમાં ચૂંટણીના નિયમ-૧૯૬૧ હેઠળ ઉમેદવાર દ્વારા ભરવામાં આ‍વતા ફોર્મ-૨૬માં સોશિયલ મીડિયા સંબંધી માહિતીનું કોલમ ઉમેરવામાં આવ્યુ છે, જેમાં ઉમેદવારોને તેમનો ટેલિફોન નંબર અને ઈ-મેઈલ આઈડી ઉપરાંત ત્રણ સોશિયલ મીડિયા એકાઉન્ટ અંગેની માહિતી આપવી પડશે, જેમાં ટિ્વટર, ફેસબુક આઈડી અને ઈન્સ્ટાગ્રામ અથવા અન્ય કોઈ સોશિયલ મીડિયા એકાઉન્ટની આઈડી આપી શકાશે.

જેમાં ફોર્મ-૨૬માં જ ઉમેદવારને તેમની અને જીવનસાથીની આવકના સ્રોત અંગેનો ખુલાસો કરવો પડશે. આ માટે ઉમેદવારી માટે ફોર્મ ૨-એમાં આઠ સવાલ સામેલ કરવામાં આવ્યા છે, જેમાં ઉમેદવારને રાજ્ય અથવા કેન્દ્ર સરકારમાં લાભના પદ પર તહેનાતી અંગે માહિતી આપવી પડશે. સાથોસાથ એ પણ જણાવવું પડશે કે શું તેમની સામે અદાલતમાં દેવાળિયાનો આરોપ હતો કે કેમ? તેમણે એ પણ જણાવવાનું રહેશે કે તેમને અગાઉ લોકપ્રતિનિધિત્વ કાનૂન હેઠળ રાષ્ટ્રપતિ અથવા ચૂંટણીપંચ દ્વારા ચૂંટણી લડવામાં અયોગ્ય જાહેર કરવામાં આવ્યા હતા કે નહિ ? સાથોસાથ એ પણ જણાવવાનું રહેશે કે સરકારી નોકરી દરમિયાન તેમને ભ્રષ્ટાચારના આરોપસર અગાઉ બરતરફ કરવામાં આવ્યા હતા કે કેમ? આવી તમામ માહિતી ઉમેદવારે ફરજિયાત આપવાની રહેશે.

http://sambhaavnews.com/

Navin Sharma

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

15 hours ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

15 hours ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

15 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

16 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

16 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

17 hours ago