Categories: Gujarat

ગુજરાતની મ્યુનિ. ચૂંટણી માટે માત્ર ૧૨૦૦૦ ઇ-વોટર નોંધાયા

અમદાવાદ: ગુજરાતમાં સ્થાનિક સંસ્થાઓની ચૂંટણી માટેનો તખ્તો ગોઠવાઇ ચુક્યો છે ત્યારે ઇ-વોટરને લઇને ખાસ ગણતરી કરવામાં આવી રહી છે. સ્થાનિક ચૂંટણી માટે ૧૨૦૦૦થી વધારે મતદારો નોંધાઇ ચુક્યા છે. જો કે આંકડો હજુ પણ ખુબ ઓછો દેખાઇ રહ્યો છે. ઇ-વોટરની વાત કરવામાં આવે તો આ યાદીમાં સુરત પ્રથમ ક્રમાંક પર છે. સુરતમાં ઇ-વોટરની સંખ્યા ૪૭૦૦થી વધારે છે.

જ્યારે અમદાવાદ આ મામલે બીજા ક્રમાંક પર છે. તેમના ઘર પરથી મતદાન કરનારની સંખ્યા રાજ્યમાં હવે સૌથી વધારે રહી છે. અમદાવાદ, સુરત, વડોદરા, રાજકોટ, ભાવનગર અને જામનગરમાં મ્યુનિસિપલ કોર્પોરેશનની ચૂંટણી યોજનાર છે. જેની તમામ તૈયારી કરી લેવામાં આવી છે.

છ મ્યુનિસિપલ કોર્પોરેશનની ચૂંટણીને લઇને પ્રચારની કામગીરી હાલમાં ચાલી રહી છે. તમામ જગ્યાએ ઇ-વોટરની સંખ્યાને વધારી દેવાના પ્રયાસ કરવામાં આવી રહ્યા છે. ઇવોટરની સંખ્યામાં હજુ વધારો થઇ શકે છે. કારણ કે ઇ-વોટર તરીકે નોંધણી કરાવવા માટેની અવધી ૧૦મી નવેમ્બર સાંજ સુધી ચાલનાર છે.

રવિવાર સુધીના આંકડાને ધ્યાનમાં લેવામાં આવે તો આ આંકડો ૧૧૪૬૦નો હતો. રાજ્ય ચૂંટણી પંચ સમક્ષ આની નોંધણી કરવામાં આવી રહી છે.તાજેતરમાં જ ઇ-વોટર નોંધણી માટે ચૂંટણી પંચ દ્વારા એન્ડ્રોઇડ મોબાઇલ એપ્લિકેશનની શરૂઆત કરવામાં આવી હતી. સુરતમાં ઇ-વોટરની સંખ્યા સૌથી વધારે દેખાઇ રહી છે.

આશ્ચર્યજનક બાબત એ છે કે ગુજરાતમાં સૌથી મોટી મ્યુનિસિપલ સંસ્થા અમદાવાદ મ્યુનિસિપલ કોર્પોરેશનમાં માત્ર ૧૮૦૦ ઇ-વોટર છે. જ્યારે વડોદરામાં આ સંખ્યા ૧૭૦૦ની આસપાસ છે. આંકડા દર્શાવે છે કે અમદાવાદ સહિત છ મ્યુનિસિપલ કોર્પોરેશનમાં ૯૫ લાખથી વધારે મતદારો છે. વર્ષ ૨૦૧૦ બાદથી રાજ્ય ચૂંટણી પંચ દ્વારા ઓનલાઇન વોટિંગને પ્રોત્સાહન આપવા માટેના પ્રયાસ કરવામાં આવી રહ્યા છે. અગાઉ ઇ-વોટર માટે મતદારોને ફોર્મ ભરવાની ફરજ પડતી હતી. ત્યારબાદ સરકારી ઓફિસ પર જવાની ફરજ પડતી હતી.

divyesh

Recent Posts

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

8 mins ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

16 mins ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

26 mins ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

28 mins ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

29 mins ago

પત્રકાર મર્ડર કેસમાં આજે રામરહીમને સજા સંભળાવાશે

ચંડીગઢ: પંચકુલાની સીબીઆઈ કોર્ટ આજે પત્રકાર રામચંદ્ર છત્રપતિ મર્ડર કેસમાં ડેરા સચ્ચા સૌદા પ્રમુખ ગુરમિત રામરહીમ સહિત અન્યને સજા સંભળાવશે.…

42 mins ago