Categories: Gujarat

ITના ઈ-મેઈલનો રિપ્લાય કર્યો ને ખાતામાંથી ૨.૧૦ લાખ ઉપડી ગયા

અમદાવાદ: બોપલના સ્ટર્લિંગ સિટીમાં રહેતા અને ચાંગોદરની કંપનીના સિનિયર મેનેજરને રિફંડ કલેમ અંગે આવેલા ઈ-મેઇલમાં આવકવેરા ખાતાના પેજમાં પોતાના બેન્કની માહિતી આપતાં બીજા દિવસે ખાતામાંથી રૂ. ૨.૧૦ લાખ ઉપડી ગયા હોવાનો કિસ્સો સામે આવ્યો છે. આ અંગે બોપલ પોલીસે અજાણી વ્યક્તિ સામે આઇટી એક્ટ મુજબ ગુનો નોંધી તપાસ શરૂ કરી છે.

મળતી માહિતી મુજબ મૂળ પશ્ચિમ બંગાળના અને હાલ બોપલ વિસ્તારમાં આવેલી સ્ટર્લિંગ સિટીમાં રહેતા શુભાશિષ પૌલ ચૌધરી ચાંગોદરની ખાનગી કંપનીમાં સિનિયર મેનેજર તરીકે નોકરી કરે છે. તેઓના ઈ-મેઇલ આઈડી પર ગત ગુરુવારે noreplay@incometaxofindiafilling.com પરથી ઈ-મેઈલ આવ્યો હતો. આ ઇમેલમાં રૂ. ૧૪.૪૮ લાખના રિફંડ ક્લેમ અંગેની રિકવેસ્ટ આવી હતી. આ રિકવેસ્ટમાં તેઓએ સબમિટ કરતાં આવકવેરા ખાતાનું એક પેજ ખૂલ્યું હતું. જેમાં તેઓના બેન્કના ખાતાની માહિતી માગી હતી. શુભાશિષે પોતાના એક્સિસ બેન્કના ખાતાની માહિતી આપી હતી. તેઓના મોબાઇલમાં ઈન્ટરનેટ બેન્કિંગનું લોગ ઇન પેજ ખૂલ્યું હતું તેઓએ ફોનમાં લોગ ઈન આઇડી અને પાસવર્ડ નાખ્યો હતો.

મોબાઇલ ફોનમાં એક્સિસ બેન્ક ટેક્સ રિફંડનું પેજ ખૂલ્યું હતું. જેમાં બેન્ક એકાઉન્ટ નંબર, ડેબિટ કાર્ડ, પાન નંબર, આધાર નંબર સહિતની માહિતી માગવામાં આવી હતી. જેથી તેઓએ આ તમામ માહિતી આપતાં મોબાઈલમાં AD- ITDEPT પરથી મેસેજ આવ્યો હતો? જેમાં મોબાઈલ વેરિફિકેશન સર્ટિફિકેટની લિંક આવી હતી. જે ખોલતાં એક એપ ઇન્સ્ટોલ થઇ થઇ હતી અને મોબાઈલ વેરિફિકેશન થયેલું લખાણ આવી બંધ થઇ ગયું હતું.

બીજા દિવસે સવારે શુભાશિષના મોબાઈલમાં એક્સિસ બેન્કના ખાતામાં પાંચ અલગ અલગ રકમના ટ્રાન્ઝેક્શનનાં મેસેજ આવ્યા હતા. જેમાં ૫૦ હજારના બે ૪૯,૯૦૦ના બે અને એક ૧૧ હજારનું મળી કુલ રૂ. ૨.૧૦ લાખનું ટ્રાન્ઝેક્શન થયું હતું. એકાએક મોબાઈલ પણ ઑટોમેટિક સાઇલન્ટ અને હેન્ગ પણ થઇ ગયો હતો. આ અંગે શુભાશિષે બેન્કના કસ્ટમર કેરમાં ફોન કરતાં તેઓને જાણવા મળ્યું હતું કે ઇન્ટરનેટ બેન્કિંગથી ચાર ટ્રાન્ઝેકશન થયાં છે જ્યારે એક ટ્રાન્ઝેકશન એટીએમ કાર્ડ થયું હતું. પોતાની જાણ બહાર ટ્રાન્ઝેકશન થતાં તેઓએ પોતાનું એટીએમ કાર્ડ બંધ કરાવી દીધું હતું. અજાણી વ્યક્તિએ ઈન્ટરનેટ બેન્કિંગથી ખાતામાંથી રૂ. ૨.૧૦ લાખ ઉપાડી લીધા હોઈ આ અંગે બોપલ પોલીસે ગુનો નોંધી તપાસ શરૂ કરી છે.

અવારનવાર અમદાવાદ સાયબર ક્રાઇમ બ્રાન્ચ તેમજ પોલીસ દ્વારા લોકોને અજાણ્યા ઇ-મેઇલ આઇડી ઉપરથી આવતાં મેઇલ તેમજ કોઇપણ પ્રકારના બેન્કમાંથી આવતાં ફોન પર પોતાની બેન્ક એકાઉન્ટની તેમજ ખાનગી માહિતી ન આપવામાં જણાવવામાં આવે છે. છતાં લોકો પોતાની બેન્ક એકાઉન્ટની માહિતી આપી દેતાં બેન્ક ખાતામાંથી લાખોની રકમ ઉપડી જાય છે અને લોકો છેતરપિંડીનો ભોગ બને છે. બેન્ક એકાઉન્ટ સહિતની વિગતો ક્યારેય કોઇ પણ બેન્ક દ્વારા ફોન કરી માગવામાં આવતી નથી છતાં લોકો ફોન ઉપર માહિતી આપી દે છે અને છેતરપિંડીનો ભોગ બને છે બેન્ક દ્વારા જણાવવામાં આવે છે કે બેન્ક સાથે ક્રોસ ચેક કરી કોઇ પણ માહિતી પૂરી પાડવી પરંતુ લોકો તેને ધ્યાને ન લેતા આવા કિસ્સા આવે છે. આવકવેરા ખાતા દ્વારા મેઈલ કરી અને માહિતી માગવામાં આવી હોય અને બેન્ક ખાતામાંથી પૈસા ઉપડી ગયાના કિસ્સા બની ગયા છે જેથી લોકોએ સાવચેત રહેવું જરૂરી છે.

divyesh

Recent Posts

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

42 mins ago

મતદાન માટે પીએમ મોદીની અપીલ: પોલિંગ બૂથ પર મચાવો ‘ટોટલ ધમાલ’

(એજન્સી) નવી દિલ્હી: લોકસભા ચૂંટણી પહેલાં વડા પ્રધાન નરેન્દ્ર મોદીએ દેશની જાણીતી હસ્તીઓને ફરી એક વખત અપીલ કરી છે કે…

1 hour ago

ફતેહવાડીના રો હાઉસમાં ચાલતા જુગારધામ પર દરોડોઃ 20 પકડાયા

(અમદાવાદ બ્યૂરો) અમદાવાદ: અમદાવાદના ફતેહવાડી વિસ્તારમાં રો હાઉસમાં ચાલતા જુગારધામ પર પોલીસે દરોડા પાડી ૨૦ જુગારિયાઓને ઝડપી લીધા હતા. મળતી…

1 hour ago

હિતરુચિવિજયજી મહારાજ સાહેબની પાલખીયાત્રામાં હજારો ભાવિકો જોડાયા

(અમદાવાદ બ્યૂરો) અમદાવાદ: સુવિશાલ ગચ્છાધિપતિ દીક્ષાયુગપ્રવકતા આચાર્ય ભગવંત શ્રીમંત વિજયરામચંદ્રસૂરિશ્વરજી મહારાજ સાહેબના અંતિમ શિષ્ય મુનિરાજ હિત રુચિવિજયજી મહારાજ સાહેબ ગઈ…

1 hour ago

ત્રણ કરોડ રૂપિયા માટે ‘બિગ બ્રધર’ શોમાં ગઈ હતી શિલ્પા શેટ્ટી

(એજન્સી)મુંબઈ: ફિલ્મ અભિનેત્રી શિલ્પા શેટ્ટીએ જીવનમાં ઘણીવાર રિજેકશનનો સામનો કર્યાની વાત કબૂલી હતી. તેણે કહ્યું હતું કે મારી કેરિયરના પ્રારંભિક…

1 hour ago

ગુજરાતની બાકી 10 બેઠકના ઉમેદવાર BJP આજે જાહેર કરે તેવી શક્યતા

(પ્રતિનિધિ દ્વારા) અમદાવાદ: ગુજરાતમાં લોકસભાની ચૂંટણી માટેની ર૬ બેઠકો માટે ભાજપે ગઇ કાલે ૧પ ઉમેદવારો જાહેર કર્યા બાદ બાકી રહેલી…

2 hours ago