Categories: Gujarat

બોટલ પ્રીમિયમ વ્હિસ્કીની, અંદરનો માલ ‘ટિંચર’

અમદાવાદ: જૂની બોટલમાં નવો દારૂ આ કહેવત તો આપણે અનેક વાર સાંભળી જ છે, પરંતુ ૩૧ ડિસેમ્બરની વિશેષ તૈયારીઓના ભાગરૂપે શહેરના બુટલેગરોએ આ કહેવતને સાર્થક કરી બતાવી છે. મોંઘી બ્રાન્ડના શોખીન મદિરાપ્રેમીઓ પાસેથી તગડી રકમ પડાવવા માટે અનેક બુટલેગરોએ હાલ મોટા પાયે જૂની બોટલમાં દારૂ ભરવાની પ્રવૃત્તિ આરંભી છે. સસ્તો પરંતુ મોંઘી બ્રાન્ડનો શોખ ખિસ્સા ઉપરાંત સ્વાસ્થ્ય માટે પણ જોખમી નિવડી શકે છે. સસ્તો વ્હીસ્કી પીવાના શોખીનોમાં ‘ટાંચર’ તરીકે અોળખાય છે. બુટલેગરો પાસેથી મળતી મોંઘાભાવની વ્હીસ્કીમાં પણ ટાંચરની ભેળસેળ હોય છે.

બુટલેગરો દિલ્હી ચકલા, મેમનગર, ભાવસાર હોસ્ટેલ, માધવપુરા, બાપુનગર વિસ્તારમાં આવેલી ભંગાર-પસ્તીની દુકાનેથી મોંઘીદાટ બ્રાન્ડની ખાલી બોટલો ખરીદી હતી. શહેરના ઘણા બુટલેગરો આ રીતે ખાલી બોટલોમાં સસ્તા દારૂથી માંડી પેપ્સી, પાણી, સોડા વગેરે જેવી મિલાવટ શરૂ કરીને શોખીનો પાસેથી હજારો રૂપિયા પડાવે છે. ક્યારેક તેમાં હાનિકારક પદાર્થોની પણ મિલાવટ થાય છે. માત્ર અમદાવાદમાં જ નહીં, સમગ્ર રાજ્યમાં બુટલેગરો આ પ્રકારની છેતરપિંડી ચલાવે છે અને દરેક વખતે પોલીસના દાવાઓને પોકળ સાબિત કરે છે. તાજેતરમાં જ ગાંધીનગર જિલ્લામાંથી વિદેશી દારૂ બનાવવાની આખી ફેકટરી પકડાઈ હતી, જેમાં અમદાવાદના કેટલાક બુટલેગર ગાંધીનગર જિલ્લામાંથી દારૂ લાવી વેચાણ કરતા હતા.

એક બુટલેગરે નામ નહીં આપવાની શરતે જણાવ્યું હતું કે, ‘સસ્તા દારૂવાળી કીમતી બોટલો પણ દરેક ગ્રાહકને મળશે નહીં એટલે કે કાયમી ન હોય તેવા ગ્રાહકો માટે ઠંડાં પીણાં, પાણી કે દેશી દારૂની મિલાવટ દ્વારા દારૂ બનાવવામાં આવશે. સામાન્ય રીતે આ પ્રકારની મિલાવટમાં ૨૫ ટકા દારૂ, જ્યારે બાકીના ભાગમાં ઠંડાં પીણાં-પાણી કે દેશી દારૂ હોય છે, જોકે મોટા ભાગના લોકોને કંઈ ખબર પડતી ન હોવાથી આ ચાલાકી પકડાતી નથી.’

ન્યૂ યર માટે ઠલવાયેલો ૭૫ ટકા દારૂ ભેળસેળિયો હશે
૩૧ ડિસેમ્બરની ઉજવણીને નશીલી બનાવવા માટે દારૂની કુ-પ્રથા જાણે કે અનિવાર્ય બની છે. આ પ્રસંગે પોલીસનું સઘન ચેકિંગ હોવા છતાં આ બદી દિન-પ્રતિદિન વધુ પ્રસરતી જાય છે. ન્યુ યર સેલિબ્રેશનમાં રૂ.૩૦૦થી માંડીને રૂ.૧૫,૦૦૦ સુધીની વિવિધ બ્રાન્ડની ભરપૂર માગ રહેતી હોય છે. આ તકનો લાભ લેવા મોટા ભાગના બુટલેગરો કોઈ અવાવરું જેવા દેખાતા મકાન પર પસંદગી ઉતારે છે. બુટલેગર ઘરની અંદર પોતાનું ‘કામ’ કરતો હોય ત્યારે મકાનને બહારથી તાળું મારીને બહાર તેનો સાગરીત ચોકી કરતો હોય છે. એક અંદાજ મુજબ ૩૧ ડિસેમ્બરના રોજ મળતા કીમતી દારૂમાંથી ૭૫ ટકા દારૂ આ પ્રકારનો હશે.

એક ખાલી બોટલના ૩૫ રૂપિયા
સસ્તી કિંમતમાં મોંઘી બોટલો તૈયાર કરી આપવા માટે બુટલેગરે પસ્તીની વિવિધ દુકાનો પરથી રૂ. ૧૫૦૦થી રૂ.૨૦૦૦માં વેચાતા દારૂની એક ડઝન ખાલી બોટલો ખરીદી હતી. આ બોટલો પરના સ્ટીકર યથાવત્ હોય તો બુટલેગરો ખાલી બોટલદીઠ રૂ.૩૫ ચૂકવે છે. તદુપરાંત બૂચના ૨૦ રૂપિયા અને ખાલી ખોખાના ૨૦ રૂપિયા અલગ!

admin

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

16 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

17 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

17 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

18 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

18 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

19 hours ago