Categories: Gujarat

શહેરની ગટર લાઇનો ચોમાસામાં પરેશાન કરે તેવી શક્યતા

અમદાવાદ: અમદાવાદમાં ચોમાસાની ઋતુ દરમિયાન શહેરમાં વરસાદી પાણી ભરાઇને હાહાકાર મચાવે છે. ખાસ કરીને પૂર્વના વિસ્તારો આજે પણ કરોડો રૂપિયાના ખર્ચે સ્ટ્રોમ વોટર ડ્રેનેજ લાઇન બિછાવ્યા બાદ પણ સામાન્ય વરસાદમાં જળબંબાકાર થઇ રહ્યા છે. કોર્પોરેશન દ્વારા રાબેતા મુજબ પ્રી-મોન્સૂન એકશન પ્લાન બનાવાય છે અને પ્રી-મોન્સૂન એકશન પ્લાન હેઠળ ગટરોની સાફસફાઇ કરાતી હોવાના બણગાં ફુંકાય છે. જોકે દર વર્ષની જેમ આ ચોમાસામાં પણ શહેરની ગટર લાઇનો ચોકઅપ થાય તેવી પૂરેપૂરી શકયતા છે.

નાગરિકોને તો ચોમાસાના સામાન્ય વરસાદમાં એવો અનુભવ રહ્યો છે કે તંત્રના પ્રી-મોન્સૂન એકશન પ્લાન ‘કાગળ પરનો વાઘ’ જ હોય છે. ચાલુ ચોમાસામાં પણ મ્યુનિસિપલ તિજોરીમાંથી આશરે રૂ.૧૦ કરોડ પ્રી-મોન્સૂન એકશન પ્લાન હેઠળ ખર્ચાઇ રહ્યા છે, પરંતુ જે કોન્ટ્રાકટરોને ગટરોની સાફ-સફાઇનું કામ સોંપાય છે તે કોન્ટ્રાકટરો કામગીરીમાં રીતસરની વેઠ ઉતારે છે.

દરમિયાન પ્રી-મોન્સૂન એકશન પ્લાન હેઠળ હજુ કુલ ૧.રપ લાખ મેનહોલ પૈકી અંદા‌િજત ૬૦ ટકા મેનહોલની જ સાફસફાઇ કરાઇ હોવાનું જાણવા મળ્યું છે. બીજી બાજુ ચોમાસું ધીમે ધીમે જમાવટ કરી રહ્યું હોઇ ખુદ શાસકો તંત્રની ધીમી ગતિની કામગીરીથી ચિંતામાં ગરકાવ થયા છે. શાસક પક્ષ દ્વારા સંંબંધિત વિભાગના અધિકારીઓને મેનહોલની સફાઇમાં ઝડપ લાવવાની કડક તાકીદ કરાતાં જે તે જોનનો ઇજનેર વિભાગ દોડતો થયો છે. દરમિયાન સૂત્રો કહે છે કે કેચપીટની સફાઇનો પ્રશ્ન નથી. પ્રી-મોન્સૂન એકશન પ્લાન હેઠળ તા.૧પ જૂન પહેલાંના બે રાઉન્ડમાં અંદાજિત ૪૦,૦૦૦ કેચપીટની બે-બે વખત સફાઇ થઇ ચૂકી છે.

ફકત મેનહોલની સફાઇમાં તંત્ર નબળું પુરવાર થયું છે. જોકે કેચપીટ અને મેનહોલની સફાઇ વખતે જે તે વોર્ડના કોર્પોરેટરને તંત્ર વિશ્વાસમાં લેતું નથી તેવી ફરિયાદ પણ આ વખતે મોટા પ્રમાણમાં ઊઠી છે. ખુદ શાસક પક્ષના કોર્પોરેટરો પણ આવી બૂમો પાડી રહ્યા છે. અલબત્ત દિલ્હી હવે દૂર નથી. કોર્પોરેશનનો પ્રી-મોન્સૂન એકશન પ્લાન સફળ નીવડ્યો છે કે હંમેશ મુજબ વરસાદી પાણીમાં ધોવાયો છે તેની ટૂંક સમયમાં ખબર પડી જશે.
http://sambhaavnews.com/

divyesh

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

4 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

4 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

4 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

4 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

4 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

4 hours ago