Categories: Gujarat

ડોન રવિ પૂજારી સામે વધુ એક ખંડણીની ફરિયાદ

અમદાવાદ: કુખ્યાત ગેંગસ્ટર રવિ પૂજારીનાં નામે વધુ એક બિલ્ડરને ખંડણી મળ્યાની ફરિયાદ અમદાવાદ ક્રાઈમબ્રાંચમાં નોંધાઈ છે. અગાઉ પાલડીમાં રહેતાં અને આણંદમાં રહેતા બિલ્ડરને પણ ડોન રવિ પૂજારીના નામે કરોડોની ખંડણીનાં ફોન ગયાં હતાં અને તે બાબતે ક્રાઈમ બ્રાંચ તપાસ કરી રહી છે. નવાઈની વાત એ છે કે જેટલાં વ્યક્તિને ફોન ગયાં છે તેઓ અંદર અંદર સંબંધી જ હોવાનું બહાર આવ્યું છે. જેથી ક્રાઈમ બ્રાંચે તે દિશામાં પણ તપાસ શરૂ કરી છે.

ક્રાઈમ બ્રાંચના સૂત્રો પાસેથી મળતી માહિતી સોસાયટીમાં રિમ્પલ હર્ષદભાઈ પટેલ (ઊં.વ. ૩૬) રહે છે. રિમ્પલભાઈ બિલ્ડર અને ડાયમંડનાં વેપારી છે. ગત ૨૭ ડિસેમ્બર ૨૦૧૫નાં રોજ રિમ્પલભાઈને ફોન આવ્યો હતો અને તેઓનાં વ્યવસાય વિશે પૂછી અને રવિ પૂજારીનાં નામે રૂ. પાંચ કરોડની ખંડણીની માંગ કરી હતી તેથી રિમ્પલભાઈએ પૈસા ન હોવાનું કહી ફોન કટ કરી નાખ્યો હતો બાદમાં ૧૯મી જાન્યુઆરી ૨૦૧૬નાં રોજ ફરી તેમના પર ફોન આવ્યો હતો અને તેમના પિતાનાં નામ લઈ વાત કરવાનું કહ્યું હતું.

બાદમાં એ જ દિવસે વારંવાર રવિ પૂજારી બોલું છું પૈસા આપવા જ પડશે નહી તો તારા ફેમિલીને મારી નાંખીશું તેવી ધમકી આપી હતી. જેથી રિમ્પલ ભાઈએ આ અંગે ક્રાઈમબ્રાંચમાં ફરિયાદ કરી હતી.

અગાઉ પાલડીમાં જ રહેતા બિલ્ડર પરેશ પટેલને ગત ડિસેમ્બર ૨૦૧૫માં જ ડોન રવિ પૂજારીનાં નામે વિદેશનાં નંબરોથી ફોન કરી કરોડોની ખંડણીની માંગ કરી હતી. ઉપરાંત આણંદમાં રહેતાં અને પટેલ ઈન્ફ્રાસ્ટ્રકચર ધરાવતાં અરવિંદ પટેલને પણ ડોન રવિ પૂજારીનાં નામે ૨૫ કરોડ જેટલી ખંડણી માટે ફોન આવ્યો હતો.

પોલીસ તપાસમાં ડોન રવિ પૂજારીનાં નામે ખંડણી અંગેનાં જેટલા ફોન ગયાં છે તે દરેક એકબીજાનાં સંબંધી હોવાનું બહાર આવ્યું છે. જેથી કોઈ વ્યક્તિ આ ફેમિલીને ડોન રવિ પૂજારીના નામે ફોન કરી ટાર્ગેટ બનાવે છે. કે કેમ તે દિશામાં પોલીસે તપાસ શરૂ કરી દીધી છે. ઉપરાંત અનેક મોટા બિલ્ડરોની વિગતો પણ ડોન રવિ પૂજારી પાસે હોવાનું જાણવા મળ્યું છે. રવિ પૂજારી દ્વારા બિલ્ડર અને તેના પરિવારને જાનથી મારી નાખવા અંગેની ફરિયાદ નોંધાતા હવે બિલ્ડરો પણ પ્રોટેકશન માગે તો નવાઈ નહીં.

admin

Recent Posts

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

14 mins ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

19 mins ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

20 mins ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

31 mins ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

40 mins ago

PM મોદીએ વારાણસીમાં 15મા પ્રવાસી ભારતીય દિવસ સંમેલનને ખુલ્લું મૂક્યું

(એજન્સી): વડા પ્રધાન નરેન્દ્ર મોદીએ પોતાના સંસદીય ક્ષેત્ર વારાણસીમાં આજે ૧૫મા પ્રવાસી ભારતીય દિવસ સંમેલનનું ઉદ્ઘાટન કર્યું. તેઓ ઉદ્ઘાટન સત્ર…

51 mins ago