Categories: Gujarat

દિવાળીની ફેવરિટ કાજુ કતરીની ગુણવત્તા જાતે જ ચકાસી લેજો

અમદાવાદ: તહેવારોનો રાજા એટલે કે મહાપર્વ દિવાળીના સપરમા દિવસો નજીક અાવતા જાય છે. પ્રકાશોત્સવને ઉમળકાભેર ઉજવવા ગૃહિણીઓ ઘરનું રંગ-રોગાનથી લઇને સાફ સફાઇ અને સજાવટ પ્રત્યે સજાગ બની છે. દિવાળી જેમ ફટાકડાની ધામધૂમનો અવસર છે તેમ તેમ નીત નવી મીઠાઇઓને લહેરથી માણવાનો પણ લહાવો આપે છે. જો દિવાળીની ફેવરિટ મીઠાઇ કાજુ કતરીની ગુણવત્તા દર વર્ષે દિવાળીની જેમ આ વખતે પણ પોતાની રીતે ચકાસી લેવી હિતાવહ રહેશે.

આમ તો દિવાળીના તહેવારોને અનુલક્ષીને ગત તા.૩ ઓકટોબરથી તા.૧૦ ઓકટોબર સુધી મ્યુનિસિપલ આરોગ્ય વિભાગે શહેરના વિભિન્ન વિસ્તારોમાં આવેલા ધંધાકીય એકમોની તપાસ કરી કુલ ૬૬ સ્થળેથી શંકાસ્પદ ખાદ્ય પદાર્થના નમૂના લઇને તેને તપાસ અર્થે નવરંગપુરાની પબ્લિક હેલ્થ લેબમાં મોકલી આપ્યા છે. આ ઉપરાંત ૮૦ એકમોને નોટિસ ફટકારી છે પરંતુ તંત્રની આ કામગીરી દેખાવ પૂરતી જ છે. એક બે અપવાદ બાદ કરતાં કોઇ જાણીતી દુકાનમાંથી નમૂના લેવાયા નથી.

તેમાં પણ અમદાવાદીઓ માટે દિવાળીની ફેવરિટ ગણાતી કાજુ કતરીની મીઠાઇની ઉપર ભેળસેળખોરો ચાંદીની વરખ લગાડવાને બદલે એલ્યુમિનિયમ ફોઇલના વરખ લગાવે છે. આ પ્રકારની ગેરરીતિ લેભાગુ વેપારીઓ લાંબા સમયથી કરતા આવ્યા છે. કેમ કે આવા નફાખોરો ઉપર મ્યુનિસિપલ આરોગ્ય વિભાગની કોઇ ધાક નથી. મ્યુનિસિપલ સત્તાવાળાઓ કાગળ પર આંકડા ચિતરવા પૂરતી કામગીરી કરતા હોઇને મોંઘા ભાવની અને ઘર ઘરની પસંદ કાજુ કતરી મીઠાઇની ગુણવત્તા જળવાતી નથી.

તંત્રની કહેવા પૂરતી કામગીરીનું ઉત્તમ ઉદાહરણ ગઇ દિવાળીના આરોગ્ય વિભાગના સત્તાવાર આંકડઓએ પૂરું પાડ્યું છે. ખુદ સત્તાવાળાઓ એવો એકરાર કરે છે કે, ગઇ દિવાળીએ શહેરભરમાંથી માત્ર અને માત્ર છ દુકાનમાંથી વરખવાળી કાજુ કતરીના નમૂના લેવાયા હતા અને મ્યુનિસિપલ લેબની તપાસમાં તમામ નમૂના પ્રમાણિત નીકળ્યા હતા. જોકે આમાં એક પણ જાણીતી દુકાન ન હતી આ અંગે મ્યુનિસિપલ હેલ્થ વિભાગના ઇન્ચાર્જ ડો. ભાવિન સોલંકીને પૂછતાં કહે છે, આ દિવાળીએ એક પણ જાણીતી દુકાન બાકી નહીં રખાય પછી તે ભોગીલાલ મૂલચંદ હોય કે જયહિન્દ સ્વીટ હોય પરંતુ એ બધી જાણીતી દુકાનોમાંથી નમૂના લેવાશે.

divyesh

Recent Posts

દેશદ્રોહના કેસમાં જેએનયુના કનૈયાકુમાર, ઉમર સહિત નવ વિરુદ્ધ ચાર્જશીટ દાખલ

નવી દિલ્હી: જવાહરલાલ નહેરુ યુનિવર્સિટી (જેએનયુ)માં ૯ ફેબ્રુઆરી, ર૦૧૬ના રોજ લગાવવામાં આવેલા દેશવિરોધી સૂત્રોચ્ચાર અને નારાબાજીના કેસમાં દિલ્હી પોલીસના સ્પેશિયલ…

22 hours ago

મહાનિર્વાણી-અટલ અખાડાના શાહીસ્નાન સાથે બ્રાહ્મમુહૂર્તમાં કુંભમેળાનો ભવ્ય પ્રારંભ

પ્રયાગરાજ: તીર્થરાજ પ્રયાગમાં ૪૯ દિવસ માટે ચાલનારા કુંભમેળાનો આજે સવારે બ્રાહ્મમુહૂર્તમાં ભવ્ય પ્રારંભ થયો છે. ગંગા નદીના સંગમતટ પર શ્રી…

22 hours ago

કર્ણાટક ભાજપના ધારાસભ્યોના ગુરગ્રામમાં ધામા, કોંગ્રેસ-જેડીયુના ૧૩ MLA ગાયબ

બેંગલુરુ: વિધાનસભા ચૂંટણીના લગભગ સાત મહિના બાદ કર્ણાટકમાં ફરી એક વખત સત્તાનું નાટક શરૂ થઈ ગયું છે. રાજ્યમાં સત્તારૂઢ કોંગ્રેસ-જેડીએસ…

22 hours ago

દુબઈના શાસકની ગુમ પુત્રીને સોંપવાના બદલામાં ભારતને મળ્યો મિશેલઃ રિપોર્ટ

લંડન: અગસ્તા વેસ્ટલેન્ડ હેલિકોપ્ટર સોદાના આરોપી ક્રિિશ્ચયન મિશેલના પ્રત્યર્પણની અવેજીમાં ભારતે સંયુક્ત આરબ અમિરાતના શાસકને તેમની ગુમ થયેલી પુત્રી સોંપવી…

22 hours ago

ખોટા રન-વેના કારણે ઈરાનમાં સેનાનું કાર્ગો પ્લેન ક્રેશ થયુંઃ 15નાં મોત

તહેરાન: ઈરાનની રાજધાની તહેરાન પાસે સેનાનું એક કાર્ગો પ્લેન ક્રેશ થઈ ગયું હતું. આ વિમાનમાં લગભગ ૧૦ લોકો સવાર હતા.…

22 hours ago

કમુરતાં પૂરાંઃ આજથી હવે લગ્નની સિઝન પુરબહારમાં

અમદાવાદ: હિંદુ સમુદાયમાં લગ્ન સહિતનાં શુભ કાર્ય માટે વર્જિત ગણવામાં આવતાં કમુરતાં ગઇ કાલે ૧૪ જાન્યુઆરીએ હવે પૂરાં થયાં છે.…

23 hours ago