Categories: Gujarat

દિનેશ અને ધર્મેન્દ્ર પટેલે સામસામે મારામારી અને લૂંટની ફરિયાદ નોંધાવી

અમદાવાદ: પાટીદાર અનામત આંદોલન સમિતિની કોર કમિટીના સભ્ય દિનેશ બાંભણિયા પર કલોલના ધર્મેન્દ્ર પટેલ સહિતના શખ્સો દ્વારા કરાયેલા હુમલા મામલે સામસામે મારામારી અને લૂંટની ફરિયાદ અડાલજ પોલીસ સ્ટેશનમાં નોંધાઈ છે.

ફરિયાદમાં દિનેશ બાંભણિયાએ આક્ષેપ કર્યો છે કે પાંચ ઓગસ્ટે અમદાવાદમાં પાસનું કાર્યકર સંમેલન ન યોજાવા મુદ્દે ધારાસભ્ય બાબુભાઈ પટેલે ધમકી અાપી હતી અને એસપીજીના કાર્યકરોએ મારામારી કરી કારમાં તોડફોડ કરી રૂ. 2 લાખ રોકડા અને સોનાની ચેઇનની લૂંટ કરી હતી. જયારે ધર્મેન્દ્ર પટેલે આક્ષેપ કર્યો છે કે પાસના અલ્પેશ કથીરિયાએ પાસની મહિલા કાર્યકર સાથે પ્રેમસંબંધ બાધી યુવતી સાથે લગ્ન કરવાની ના પાડતાં તેને સમજાવવા જતાં દિનેશ અને તેના સાથીઓએ મારામારી કરી રોકડા રૂ.70 હજાર અને દાગીનાની લૂંટ કરી હતી. પોલીસે સામસામે ફરિયાદ નોંધી તપાસ હાથ ધરી છે.

મળતી માહિતી મુજબ પાંચ ઓગસ્ટે અમદાવાદના સોલા ઉમિયાધામ ખાતે યોજાનારા સંમેલનની તૈયારી માટે દિનેશ બાંભણિયા સહિતના કાર્યકરો હાજર હતા ત્યારે ધારાસભ્ય બાબુભાઈ જમનાદાસ પટેલ અને ઉમિયાધામ ટ્રસ્ટના નારણભાઈ પટેલે તમારે અહીંયા કાર્યક્રમ કરવાનો નથી અને તમારા ઝંડા અહીયાથી ઉતારી લો તેવું જણાવ્યું હતું. પાસના અલ્પેશ કથીરિયાએ પટેલ સમાજની યુવતી સાથે લગ્નની ના પાડતા ધર્મેન્દ્ર પટેલ સહિત એસપીજીના કાર્યકરો તેઓને સમજાવવા ઉમિયાધામ ગયા હતા. દરમિયાનમાં મોડી સાંજે એસજી હાઇવે પર વૈષ્ણોદેવી સર્કલ નજીકથી કારમાં દિનેશ બાંભણિયા, વરુણ પટેલ સહિતના પાસના અગ્રણીઓ પસાર થઇ રહ્યા હતા ત્યારે એકાએક પાંચેક જેટલી કાર દ્વારા આગળનો રસ્તો રોકી દેવાયો હતો. તેમાંથી કલોલના ધર્મેન્દ્ર પટેલ,વિપુલ પટેલ સહિત 20 જેટલા લોકો લાકડી અને દંડા સાથે દોડી આવ્યા હતા અને ગાડીની તોડફોડ શરૂ કરી હતી. તેમને પાસના કાર્યકરો દ્વારા રોકવાનો પ્રયાસ કરવામાં આવતાં તેમણે દિનેશ બાંભણિયાના માથા પર લાકડી ફટકારી દીધી હતી જેના કારણે તેમને લોહી નીકળ્યું હતું અને શરીર પર લાઠીઓ ફટકારાઇ હતી.

બીજી તરફ કલોલના વિપુલ અને ધર્મેન્દ્ર પટેલ સહિતના લોકો અલ્પેશ કથીરિયાએ પાસની મહિલા કાર્યકર સાથે પ્રેમસંબંધ બાંધી લગ્ન કરવાની ના પાડતાં તેને સમજાવવા ગયા હતા. જેથી પાસના કાર્યકરોએ ઉશ્કેરાઈ જઈ મારામારી કરી હતી. જેમાં ધર્મેન્દ્ર પટેલને ઇજા થઇ હતી અને રૂ. 70 હજાર રોકડા અને સોનાની લકી તેમજ ચેઇન લૂંટી લીધી હતી.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

2 days ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

2 days ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

2 days ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

2 days ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

2 days ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

2 days ago