Categories: Business

ડાયમંડ પોલિશિંગનાં એકમો ઉપર GST ન લાદવા માગણી

મુંબઇ: ગુડ્સ એન્ડ સર્વિસ ટેક્સમાં જ્વેલર્સે સરકારને રત્ન કલાકારો દ્વારા નાના અને મધ્યમ કદના એકમોમાં તૈયાર થતાં પોલિશ્ડ ડાયમંડને ટેક્સની જાળમાંથી મુક્ત રાખવાની માગ કરવામાં આવી છે. મિનિસ્ટ્રી ઓફ કોમર્સ એન્ડ ઇન્ડસ્ટ્રીઝ અંતર્ગત આવતું જેમ્સ એન્ડ જ્વેલરી એક્સપોર્ટ પ્રમોશન કાઉન્સિલના ચેરમેન પ્રવીણશંકર પંડ્યાએ કહ્યું કે હાલ ગુજરાતમાં એક અંદાજ મુજબ એક લાખથી વધુ રત્ન કલાકારો નાનાં અને મધ્યમ કદના એકમોમાં ડાયમંડ પોલિશિંગનું કામ કરે છે.

આ એકમો ડી-બિયર્સ, રિયો ટિંટો અને અલરોસા જેવી વૈશ્વિક માઇનિંગ કંપનીઓ પાસેથી રફ ડાયમંડ ખરીદે છે. પોલિશ થયેલા ડાયમંડને કારોબારીઓ, મોટા વેપારીઓ, નિકાસકારોને જ્વેલરીના મેન્યુફેક્ચરિંગ માટે પૂરા પાડે છે. રાજ્યમાં સુરત અને અમદાવાદમાં મોટા પ્રમાણમાં ડાયમંડ પોલિશિંગના એકમો આવેલા છે ત્યારે જીએસટી કાઉન્સિલના પ્રતિનિધિઓ સામે ડાયમંડ એસોસિયેશનના ઉચ્ચ અધિકારીઓની થયેલી મુલાકાત દરમિયાન ડાયમંડ પોલિશિંગ એકમોને જીએસટીમાંથી બહાર રાખવાનો અનુરોધ કરવામાં આવ્યો છે.

પંડ્યાના જણાવ્યા પ્રમાણે ડાયમંડ જ્વેલરીની નિકાસ નાણાકીય વર્ષ ૨૦૧૫-૧૬માં ઘટીને ૩૧ અબજ ડોલરની સપાટીએ આવી ગઇ છે. ગુજરાતમાં નાના પોલિશિંગ એકમોમાં તૈયાર થયેલા ડાયમંડને રાજ્ય બહાર મહારાષ્ટ્ર કે અન્ય રાજ્યમાં મોકલવામાં આવે તો તેના ઉપર જીએસટી લગાવવાનું સરકારનું કોઇ પણ પગલું એકથી વધુ ટેક્સ બોજો પડશે, જેના કારણે વૈશ્વિક લેવલે હરીફાઇમાં ટકી રહેવું મુશ્કેલ થશે. તેમણે જણાવ્યું નિકાસ માટે તૈયાર કરવામાં આવેલા ડાયમંડ તથા જ્વેલરી પર કોઇ ટેક્સ લાગતો નથી. જ્યારે સ્થાનિક વેચાણ પર બે ટકા ટેક્સ એટલે કે એક ટકો વેટ અને એક ટકો એક્સાઇઝ ડ્યૂટી લાદવામાં આવે છે. આ ટેક્સ સિસ્ટમ જીએસટીમાં પણ ચાલુ રાખવાની માગ કરવામાં આવી છે.
http://sambhaavnews.com/

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

7 hours ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

7 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

9 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

9 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

9 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

9 hours ago