Categories: Gujarat

GST ઘટવા છતાં રેસ્ટોરાંમાં જમનારાને કોઇ ફાયદો થશે નહીં…જાણો કેમ?

અમદાવાદ: રેસ્ટોરાંમાં ભોજન પર જીએસટી રેટ ૧૩ ટકા ઘટાડવાનો ગ્રાહકોને કોઈ ખાસ મોટો ફાયદો થનાર નથી, તેનું કારણ એ છે કે સરકાર વેપારીઓને મળનાર ઈનપુટ ટેક્સ ક્રેડિટની છૂટ સંપૂર્ણપણે બંધ કરી રહી છે. આ સંજોગોમાં રેસ્ટોરાંના માલિકોને ખૂબ ઓછો ફાયદો થશે, તેના કારણે જીએસટીનો દર ઘટ્યા બાદ પણ લોકોને સસ્તા ભોજનનો સ્વાદ મળશે નહીં. રેસ્ટોરાંના માલિકો આ વધારો નવા વર્ષ સુધીમાં કરી શકે છે અને ભોજનની કિંમતમાં પાંચથી સાત ટકા વધારો થઈ શકે છે.

ગુવાહાટીમાં યોજાયેલ જીએસટી કાઉન્સિલની બેઠકમાં રેસ્ટોરાંમાં ભોજનના બિલ પર લાદવામાં આવતો જીએસટી ૧૮થી ઘટાડીને પાંચ ટકા કરી દીધો છે. બીજી બાજુ સરકારે રેસ્ટોરાંના માલિકોને મળતી ઈનપુટ ટેક્સ ક્રેડિટ બંધ કરી દીધી છે. ફેડરેશન ઓફ હોટલ અને રેસ્ટોરન્ટ એસોસિયેશનના પદાધિકારીઓના જણાવ્યા પ્રમાણે ઈનપુટ ટેક્સ ક્રેડિટ બંધ થવાથી થનારું નુકસાન ખાદ્ય ચીજવસ્તુઓની કિંમત વધારીને જ ભરપાઈ થઈ શકશે. આમ, હવે રેસ્ટોરાંના માલિકો દરેક વાનગીના ભાવ વધારી દેશે અને તેના કારણે લોકોને જીએસટી ઘટવાથી જે લાભ થવો જોઈએ તે થશે નહીં.

ઈનપુટ ટેક્સ ક્રેડિટ નાબૂદ થવાના કારણે રેસ્ટોરાંના માલિકોના પ્રોફિટ પર અસર પડશે અને આ જ કારણસર હવે રેસ્ટોરાંના માલિકો દરેક ખાદ્ય વાનગીઓની કિંમત વધારી દેશે. રેસ્ટોરાંના કુલ ખર્ચના પાંચથી સાત ટકા ટેક્સ ક્રેડિટથી રિકવર થઈ જાય છે, પરંતુ હવે ટેક્સ ક્રેડિટ બંધ થવાથી રેસ્ટોરાંના માલિકના પ્રોફિટ પર અસર પડશે.

જોકે બીજી બાજુ એક મુદ્દો એવો પણ છે કે જીએસટી ઘટવાથી રેસ્ટોરાંમાં જતા ગ્રાહકોની સંખ્યા વધી શકે છે તો તેના કારણે રેસ્ટોરાંના માલિકોને થતું નુકસાન ભરપાઈ થઈ શકે છે. આમ, રેસ્ટોરાંના બિઝનેસ પર કેવી અસર પડે છે તેના પર બધો આધાર રહેશે અને ત્યાર જ વાનગીઓના ભાવ વધારવાનો નિર્ણય લેવાશે એવું એક રેસ્ટોરાંના માલિકે જણાવ્યું હતું.

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

3 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

3 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

3 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

3 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

3 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

4 hours ago