Categories: Gujarat

ડિલિવરી બોયને છેતરીને બે ગઠિયા ૧.૫૩ લાખના મોબાઈલ લઈ છૂ

અમદાવાદ: ઓનલાઈન શોપિંગ કરી છેતરપિંડી આચરવાનો નવો કીમિયો સામે આવ્યો છે. ઓનલાઈન શોપિંગ કરી સામાનની ડિલિવરી કરવા આવનાર વ્યક્તિને અન્ય જગ્યાએ બોલાવી ૧૫૩ લાખની કિંમતના નવ મોબાઈલનું પાર્લસ લઈને બે ગઠિયા ફરાર થઇ ગયા હતા. યુવકને પૈસા આપવા માટે ઓફિસ જવું પડશે તેમ કહી બાઈક લઈ પાછળ આવવા જણાવ્યું હતું અને ગઠિયા રસ્તામાંથી મોબાઈલ સાથે ફરાર થઇ ગયા હતા. આ અંગે માધવપુરા પોલીસે ગુનો નોંધી તપાસ હાથ ધરી છે.

મળતી માહિતી મુજબ નરોડાના મેમ્કો રોડ પર શાયોના એસ્ટેટમાં વુલકન એક્સપ્રેસ નામની કંપની આવેલી છે. આ કંપની ઓનલાઈન શોપિંગનો માલસામાન ગ્રાહકો સુધી પહોંચાડવાનું કામ કરે છે. કંપનીમાં ડિલિવરીનું કામ કરતો રાહુલ પ્રજાપતિ નામનો યુવક ગત ૨૮ માર્ચના રોજ નવ મોબાઈલ ફોનના પાર્સલ પર બારોટ હાઉસ એન્ડ સનસાઈન કન્સ્ટ્રક્શન કંપની, શાહીબાગ સાબરમતી રિવરફ્રન્ટના સરનામા પર ડિલિવરી કરવા ગયો હતો. સરનામું ખોટું નીકળતાં રાહુલે આપેલા નંબર પર ફોન કરતાં કેશઓન ડિલિવરીનો ઓર્ડર આપનાર વ્યક્તિએ શિલાલેખ ટાવર પાછળ ઊભા હોવાનું જણાવ્યું હતું.

રાહુલ બતાવેલી જગ્યાએ પહોંચતાં નંબર પ્લેટ વગરના સફેદ એક્ટિવા પર બે અજાણ્યા શખ્સ આવ્યા હતા. એક શખ્સે પાર્સલ માટે રોકડા પૈસા નથી, માટે કાર્ડ સ્વાઇપ કરાવવું પડશે, જેથી રાહુલને અમારી ઓફિસે આવવું પડશે તેમ કહ્યું હતું. બંને શખ્સોએ નવ મોબાઈલ ફોનનું પાર્સલ લીધું હતું અને એક્ટિવા લઈ રાહુલની તેમની પાછળ પાછળ મેઘાણીનગર મેન્ટલ બારી સુધી આવ્યાે હતાે. ત્યાંથી તેઓ રાહુલની નજર ચૂકવી એક્ટિવા લઈ ફરાર થઈ ગયા હતા. રાહુલે આસપાસ તપાસ કરતાં બંને યુવક મળી આવ્યા ન હતા. આ અંગે માધવપુરા પોલીસે અરજી લીધી હતી અને ગઈ કાલે આ અંગે અજાણ્યા શખ્સો સામે છેતરપિંડીનો ગુનો નોંધી તપાસ શરૂ કરી છે.
http://sambhaavnews.com/

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

11 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

11 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

12 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

12 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

12 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

12 hours ago