ઘરે બનાવો આ રીતે ચટપટી દહીંપૂરી, લોકો આંગળા ચાટતા રહી જશે

આપણાં ગુજરાતીઓની જો વાત કરીએ તો આપણાં દરેક ગુજરાતીઓ ખાવાપીવાનાં ખૂબ જ શોખીન હોય છે. અને એમાંય પાણીપૂરી, દાબેલી, વડાપાંઉ જેવાં ફાસ્ટફુડ ખાવાનાં તો લોકો ખૂબ જ શોખીન હોય છે.

ત્યારે એમાંય પાણીપૂરી અને સેવપૂરી પછી જો કોઇને સૌથી લોકપ્રિય કોઈ વસ્તુ હોય તો તે છે ચાટ અને એમાંય મહિલાઓને તો સૌથી પ્રિય હોય છે દહીંપૂરી. તેમાંય જો ચટાકેદાર દહીંપૂરી સૌથી વધુ ટેસ્ટી બની હોય તો તેનો સ્વાદ તો લોકોને દાઢમાં રહી જાય છે.

તો આજે અમે તમને શીખવીશું આપણે ઘરે જ પાણીપૂરીની જેમ દહીંપૂરી કંઇ રીતે બનાવવી. દહીંપૂરીની આ ખાટી-મીઠી અને ચટાકેદાર ડિશ ચોક્કસથી ઘરે ટ્રાય કરવા જેવી છે. આ રેસિપીથી જો તમે ઘરે દહીં પૂરી બનાવશો તો જરૂરથી તમારા ઘરે ફેમિલી મેમ્બરની વારંવાર ડિમાન્ડ જરૂરથી થશે.

દહીં પૂરી બનાવવા માટેની જરૂરી સામગ્રીઃ

પાણીપૂરીની પૂરીઃ 40 નંગ
બાફેલા બટેટાઃ 200 ગ્રામ
બાફેલા ચણા (બાફતી વખતે ચણાનાં ભાગનું મીઠુ નાંખવું): 100 ગ્રામ
લીલા મરચાની પેસ્ટઃ 1 મોટી ચમચી
જેટલી બૂંદીઃ 1 કપ
ઝીણી સમારેલી ડુંગળીઃ અડધો કપ
લસણની વાટેલી ચટણીઃ અડધો કપ
કોથમીર-ફુદીનાની ચટણીઃ અડધો કપ
ગળ્યું દહીં: 1 કપ
શેકેલા જીરાનો ભૂક્કોઃ 1 ચમચી
સંચળઃ અડધી ચમચી
ઝીણી સમારેલી કોથમીર
ઝીણી સેવ
સ્વાદ અનુસાર મીઠું

સૌ પ્રથમ માવો બનાવવા માટેની રીતઃ
સૌ પ્રથમ તમે બાફેલા બટેટા અને ચણા લો. તેને એક બાઉલમાં લઈને બરાબર મસળી નાંખો. આમ કરવાથી પાણીપૂરી જેવો જ માવો તૈયાર થઈ જશે. હવે આ માવાને બરાબર મસળી લો. ને બાદમાં તેમાં લીલા મરચાંની પેસ્ટ, સ્વાદ અનુસાર મીઠું, લાલ મરચું અને બુંદી નાંખીને તેને બરાબર મિક્ષ કરો.

મસાલાવાળી ડુંગળીઃ
હવે દહીંપુરીમાં જો ઝીણી સમારેલી સાદી ડુંગળી હોય તેને બદલે જો તે જ ડુંગળી મસાલાવાળી નાખવામાં આવે તો તે વધુ સ્વાદિષ્ટ લાગે છે. જેથી ડુંગળીમાં તમે ચાટ મસાલો અને ઝીણી સમારેલી કોથમીર નાંખીને તેને બરાબર મિક્ષ કરો.

દહીં પૂરી તૈયાર કરવા માટેની રીતઃ
પાણીપૂરીની પૂરીમાં વચ્ચે સૌ પ્રથમ મોટું કાણું પાડો. તેમાં બટેટાનું મિશ્રણ ઉમેરો અને તેનાં પર મસાલા-કોથમીરવાળી ડુંગળી ઉપરથી ભભરાવો.

હવે આ રીતે ચટણીનું ઉમેરણ કરોઃ
પહેલા દહીંપૂરીમાં આપ ખાંડ નાંખેલુ અને બરોબર વલોવેલું દહીં નાંખો. ત્યાર બાદ કોથમીર-ફૂદીનાની લીલી ચટણી અને લસણની ચટણી તેમાં નાખો. છેલ્લે ફરી વાર તેમાં દહીં ઉમેરો.

હવે જ્યારે આ જ પ્રકારે દરેક પૂરીમાં માવો અને ચટણી ઉમેરાઈ જાય પછી તેની ઉપર જીરું પાવડર, લાલ મરચું અને સંચળ ઉમેરો. ત્યાર બાદ બિલકુલ છેલ્લેથી સેવને ભભરાવો. તેની ઉપર તમે ઝીણી સમારેલી કોથમીરથી તેને ગાર્નિશ કરી શકો છો. હવે જ્યારે આ પૂરી સંપૂર્ણ આ રીતે તૈયાર થઈ જાય એટલે તુરત એક ડીશમાં સર્વ કરો.

Dhruv Brahmbhatt

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

11 hours ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

11 hours ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

12 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

12 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

12 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

13 hours ago