Categories: Gujarat

500 અને 1000ની નોટ રદ થયા બાદ શહેરમાં પહેલી લૂંટ

અમદાવાદ: 500 અને 1000 રૂપિયાની નોટ રદ કર્યા બાદ શહેરમાં પ્રથમ લૂંટનો બનાવ બન્યો છે. સરદારનગર વિસ્તારમાં બાઈક પર આવેલા લૂંટારુઓ વેપારી પિતા-પુત્રને લૂંટી સવા લાખ રૂપિયા ભરેલી બેગ લઈ ફરાર થઈ ગયા હતા.  કુબેરનગર વિસ્તારમાં આવેલી ભાગ્યોદય સોસાયટીમાં રહેતા 44 વર્ષીય રાજેશ માખીચાએ સરદારનગર પોલીસ સ્ટેશનમાં 1.25 લાખ રૂપિયાની લૂંટની ફરિયાદ દાખલ કરાવી છે. રાજેશ માખીચાના પિતા શ્રીચંદભાઇ માખીચા તેમના ઘરમાં ભેગી કરેલી 1.25 લાખ રૂપિયાની 500 અને 1000ના દરની ચલણી નોટો બદલવા માટે ગઇ કાલે તેમની સ્ટેશનરીની દુકાને લઇ ગયા હતા.

જ્યાં શ્રીચંદભાઇએ તેમના પુત્ર વિનોદને બેન્કમાં રૂપિયા બદલવા માટે જણાવ્યું હતું. બપોરે વિનોદ બેન્કમાં 1.25 લાખ રૂપિયા બદલાવવા ગયો હતો, જ્યાં બેન્કના કર્મચારીઓએ 25 હજાર રૂપિયા બદલી આપતાં 50 અને 100ના દરની નોટો આપી હતી. મોડી રાતે શ્રીચંદભાઇ બેગમાં 500 અને 1000ના દરની એક લાખ રૂપિયાની નોટ તથા 50 અને 100ના દરની 25 હજારની નોટ લઇને તેમના પુત્ર રાજેશ સાથે ઘરે જઇ રહ્યા હતા ત્યારે ભાગ્યોદય સોસાયટીના ગેટ પાસે બાઇક પર આવેલા બે લૂંટારુઓએ શ્રીચંદભાઇના હાથમાંથી બેગ ઝૂંટવી હતી.

શ્રીચંદભાઇએ રૂપિયા ભરેલી બેગનો પટ્ટો જોરથી પકડી રાખતાં તેઓ બાઈક પરથી જમીન પર પટકાયા હતા. લૂંટારુઓએ પુરઝડપે બાઇક ચલાવતાં શ્રીચંદભાઇ 7 ફૂટ જેટલા ઘસડાયા હતા. જ્યાં તેમને માથાના ભાગે ઇજા પહોંચતાં તેઓએ બેગનો પટ્ટો છોડી દીધો હતો. આ સમયે રાજેશભાઇ તેમનું બાઈક ઊભું રાખીને લૂંટારુઓને પકડવા દોડ્યા હતા, જોકે લૂંટારુઓ ફરાર થઈ ગયા હતા. ઈજાગ્રસ્ત પિતાને સારવાર માટે ખાનગી હોસ્પિટલમાં ખસેડવામાં આવ્યા હતા. ઘટનાની જાણ થતાં સરદારનગર પોલીસ સહિત ડીસીપી, એસીપી અને પોલીસનો કાફલો ઘટનાસ્થળે દોડી આવ્યો હતો અને તપાસ શરૂ કરી હતી. સરદારનગર પોલીસે ફરિયાદ દાખલ કરીને તપાસ શરૂ કરી છે ત્યારે લૂંટારુઓને પકડવા માટે વિસ્તારના સીસીટીવી ફૂટેજ ચકાસવાનું શરૂ કર્યું છે. ઉલ્લેખનીય છે કે 500 અને 1000ની નોટ રદ કરવાના કેન્દ્ર સરકારના નિર્ણય પછી અમદાવાદ શહેરમાં પહેલી લૂંટની ઘટના ઘટી છે.

divyesh

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

2 days ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

2 days ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

2 days ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

2 days ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

2 days ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

2 days ago