Categories: Gujarat

CSKLને આવકનો હિસ્સો આપીને બીસીસીઆઇ ફસાઈ

નવી દિલ્હીઃ ભારતીય ક્રિકેટ કન્ટ્રોલ બોર્ડ (બીસીસીઆઇ) શરૂઆતથી જ બીસીસીઆઇના ભૂતપૂર્વ અધ્યક્ષ શ્રીનિવાસનની માલિકીવાળી ચેન્નઈ સુપર કિંગ્સ (સીએસકે)ના શેરને પાંચ લાખ રૂપિયામાં પોતાના જ સહયોગી ટ્રસ્ટ ચેન્નઈ સુપર કિંગ્સ ક્રિકેટ લિમિટેડ (સીએસકેએલ)ને વેચવાના સોદાને યોગ્ય નથી માનતું. બોર્ડ સુપ્રીમ કોર્ટ અને મદ્રાસ હાઈકોર્ટમાં પણ સીએસકેએલને કાયદાકીય એકમ માનવાથી ઇનકાર કરી ચૂક્યું છે, પરંતુ તેમના અધિકારી આઇપીએલની આવકમાં સીએસકેના િહસ્સાને સીએસકેએલના નામે આપીને ફસાઈ ગયા છે.બીસીસીઆઇના કોષાધ્યક્ષ અનિરુદ્ધ ચૌધરી તરફથી ગત ૨૪ એપ્રિલે સીએસકેએલના નામે ચેક જારી કરવામાં આવ્યો છે, જ્યારે આ ચેક સીએસકેના નામે જવો જોઈતો હતો. શ્રીનિવાસનની માલિકીવાળી ઇન્ડિયા સિમેન્ટ્સે આ વર્ષે ફેબ્રુઆરીમાં પાંચ લાખ રૂપિયામાં સીએસકેને પોતાના જ સહયોગી ટ્રસ્ટ સીએસકેએલને વેચી દીધી હતી. હજુ સુધી આ વેચાણને બીસીસીઆઇની મંજૂરી મળી નથી. બોર્ડના એક વરિષ્ઠ અધિકારીએ કહ્યું કે ચેક જારી થઈ ચૂક્યો છે. ભૂલ થઈ  ગઈ છે અને શ્રીનિવાસન એન્ડ કંપની તેનો ફાયદો પણ ઉઠાવી શકે છે. તેઓ કોર્ટમાં કહી શકે છે કે બોર્ડે સીએસકેના શેરોને આ ટ્રસ્ટને વેચવાના સોદાનો યોગ્ય માની લીધો છે. અધિકારીએ એવું પણ કહ્યું કે આ બહુ જ ગંભીર મામલો છે અને બધા અધિકારીઓ આ અંગે જાણે છે, પરંતુ આ બાબત અંગે હજુ સુધી એક્ઝિક્યુટિવ કમિટીમાં કોઈ ચર્ચા થઈ નથી એટલું જ નહીં, શ્રીનિવાસનને કારણે વાર્ષિક સામાન્ય સભા પણ સ્થગિત થઈ ચૂકી છે.આઇપીએલ ફિક્સિંગ મામલામાં શ્રીનિવાસનને કોર્ટમાં ધસડી જનારા આદિત્ય વર્માએ જણાવ્યું કે, ”અમે બાબત સુપ્રીમ કોર્ટ અને જસ્ટિસ લોઢા સમિતિ સમક્ષ ઉઠાવીશું. બોર્ડના કોષાધ્યક્ષને આવું કરવાની મંજૂરી કોણે આપી? હું બીસીસીઆઇ અધ્યક્ષ જગમોહન દાલમિયા અને સચિવ અનુરાગ ઠાકુરને પૂછવા માગું છું કે તેમણે શી કાર્યવાહી કરી?” બીસીસીઆઇના કોષાધ્યક્ષ અનિરુદ્ધ ચૌધરી કહે છે, ”બીસીસીઆઇના કોષાધ્યક્ષ તરફથી કોઈ ચૂકવણી થતી નથી. જે કંઈ થાય છે તે મંજૂરી બાદ બીસીસીઆઇ તરફથી થાય છે. બોર્ડ તરફથી ઘણી ચૂકવણીઓ થાય છે અને આ ચૂકવણીઓની વિગતો મારી પાસે નથી.”
admin

Recent Posts

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

1 min ago

PM મોદીએ વારાણસીમાં 15મા પ્રવાસી ભારતીય દિવસ સંમેલનને ખુલ્લું મૂક્યું

(એજન્સી): વડા પ્રધાન નરેન્દ્ર મોદીએ પોતાના સંસદીય ક્ષેત્ર વારાણસીમાં આજે ૧૫મા પ્રવાસી ભારતીય દિવસ સંમેલનનું ઉદ્ઘાટન કર્યું. તેઓ ઉદ્ઘાટન સત્ર…

12 mins ago

મમતાના ગઢમાં મહાગઠબંધન વિરુદ્ધ બ્યૂગલ ફૂંકવાં પહોંચશે અમિત શાહ

(એજન્સી) કોલકાતા: ભારતીય જનતા પાર્ટીના રાષ્ટ્રીય અધ્યક્ષ અમિત શાહ આજે પશ્ચિમ બંગાળના માલદામાં એક વિશાળ જનસભા સંબોધિત કરશે. આજે પશ્ચિમ…

30 mins ago

CBIમાં ઊથલપાથલ જારીઃ વધુ 20 અધિકારીની બદલી કરાઈ

(એજન્સી) નવી દિલ્હી: સીબીઆઇમાં બદલીનો સિલસિલો અટકવાનું નામ લેતો નથી. સીબીઆઇના વચગાળાના ડાયરેકટર નાગેશ્વર રાવે ફરી એક વખત ર૦ અધિકારીઓની…

30 mins ago

ઉત્તર ભારતમાં વરસાદ-બરફ વર્ષાનો ‘ડબલ એટેક’: 26 જાન્યુઆરી સુધી ઠંડી થિજાવશે

(એજન્સી) નવી દિલ્હી: પંજાબ, હરિયાણા અને રાજધાની દિલ્હી-એનસીઆર સહિત અન્ય મેદાની વિસ્તારોમાં હવામાન ઓચિંતું પલટી ગયું છે અને ઉત્તર ભારતના…

30 mins ago

Vibrant Gujarat: એક અનોખુ મોડલ, ઘર બેઠા મળશે 50 ટકા સસ્તા ફળ, 10 હજારને મળશે રોજગારી

અમદાવાદમાં રહેનારાઓ માટે આવ્યાં છે ખુશખબર. જો તમે ઓછી કિંમતમાં તાજા ફળ ખાવા ઇચ્છો છો તો તમારી આ ઇચ્છા જલ્દીથી…

23 hours ago