Categories: Gujarat

crime brief: જાણો એક ક્લિક પર

ઘાટલોડિયામાં અકસ્માતે દાઝી જતાં યુવતીનું મોત
અમદાવાદ: ઘાટલોડિયા વિસ્તારમાં અકસ્માતે દાઝી જવાથી એક યુવતીનું મોત નિપજતાં પોલીસે અા અંગે ગુનો દાખલ કર્યો છે. અા અંગેની વિગત એવી છે કે ઘાટલોડિયામાં કે.કે.નગર રોડ પર અાવેલ ઈશ્વરકાકાનગર ખાતે સોસાયટીમાં રહતી હેતલ પીયૂષભાઈ બારોટ નામની ૨૫ વર્ષીય યુવતી પ્રાઇમસ સળગાવતી હતી ત્યારે કેરોસીનના કારણે ભડકો થતાં અા યુવતીનું ગંભીરપણે દાઝી જવાના કારણે વીએસ હોસ્પિટલમાં સારવાર દરમિયાન મોત થયું હતું. પોલીસે આગળની તપાસ હાથ ધરી છે.

અલ્ટો કાર, રિક્ષા, બાઈકની ઉઠાંતરી
અમદાવાદઃ શહેરના જુદા જુદા વિસ્તારમાંથી અલ્ટો કાર, રિક્ષા અને બાઈકની ઉઠાંતરી થતાં પોલીસે ગુના દાખલ કર્યા છે. વસ્ત્રાપુરમાં એસજી હાઈવે પર એરટેલની ઓફિસ સામેથી અલ્ટો કારની, નારોલ ચોકડી પાસેથી રિક્ષાની અને જશોદાનગર બસ સ્ટેન્ડ પાસેથી એક બાઈકની ઉઠાંતરી થઈ હતી.

દેશી વિદેશી દારૂનો જથ્થો કબજે
અમદાવાદઃ શહેરના જુદા જુદા વિસ્તારમાં ચાલતા દારૂ અને જુગારના અડ્ડા પર પોલીસે દરોડા પાડી ૧૫૦ લિટર દેશી દારૂ, ૧૦૦ બોટલ વિદેશી દારૂ, ૧૨૪ બિયરનાં ટીન, બે બાઈક, એક કાર, રોકડ રકમ અને જુગારનાં સાધનો કબજે કરી ૩૪ શખસની ધરપકડ કરી હતી.

તકેદારીરૂપે ૧૯૧ શખસની અટકાયત
અમદાવાદઃ શહેરમાં કાયદો અને વ્યવસ્થાની પરિસ્થિતિ જાળવવાના હેતુથી શહેર પોલીસે જુદા જુદા વિસ્તારમાંથી ૧૯૧ શખસની તકેદારીનાં પગલાંરૂપે અટકાયત કરી હતી. અા ઉપરાંત દારૂ અને જુગારની ગેરકાનૂની પ્રવૃત્તિમાં સંડોવાયેલા બે શખસને પાસા હેઠળ પકડી જેલ હવાલે કર્યા છે.

સાબરમતી નદીમાંથી લાશ મળી
અમદાવાદઃ સરદારબ્રિજ નીચે સાબરમતી નદીમાંથી એક અાધેડની લાશ મળી અાવી હતી. મરનારનું નામ સરનામું કે અન્ય કોઈ વિગત જાણવા મળી નથી. પોલીસે લાશને ફાયરબ્રિગેડની મદદથી બહાર કાઢી પીએમ માટે વીએસ હોસ્પિટલ ખાતે મોકલી અાપી હતી.

નાસતો ફરતો ગુનેગાર ઝડપાયો
અમદાવાદઃ વાહનચોરી અને ઘરફોડ ચોરીમાં સંડોવાયેલા અને છેલ્લા કેટલાક વખતથી નાસતા ફરતા રીઢા ગુનેગાર અારિફ અહેમદમિયાંને પોલીસે સીટીએમ ચાર રસ્તા નજીકથી ઝડપી લીધો હતો. અા શખસે જુદા જુદા વિસ્તારમાં છ જેટલા ગુના અાચર્યા હોવાની કબૂલાત કરી હતી.

ત્રણ મહિલાઓએ સોનાના દોરા ગુમાવ્યા
અમદાવાદઃ શહેરના જુદા જુદા વિસ્તારમાં સોનાના દોરાની તફડંચીના ત્રણ બનાવ બનતાં પોલીસે અા અંગે ગુના દાખલ કરી અાગળની કાર્યવાહી હાથ ધરી છે. સાબરમતી વિસ્તારમાં કાળીગામ ખાતે રહેતી હંસાબહેન કેશાજી ઠાકોરના રેલવે ટેશન પાસેથી પસાર થઈ રહી હતી ત્યારે તેના ગળામાંથી સોનાના દોરાની ચીલઝડપ થઈ હતી જ્યારે બોડકદેવમાં સમકિત બંગલા પાસેથી પસાર થઈ રહેલ મીરાંબહેન ભાગચંદાના ગળામાંથી બાઈક પર અાવેલા બે ગઠિયા સોનાનો દોરો તોડી ફરાર થઈ ગયા હતા. વેજલપુરમાં વિશ્વામિત્રી સોસાયટી પાસેથી પસાર થઈ રહેલ કંચનબહેન ચુનીભાઈ જાવિયાના ગળામાંથી બાઈક પર અાવેલા ગઠિયા સોનાનો દોરો તોડી ફરાર થઈ ગયા હતા.

Navin Sharma

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

28 mins ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

29 mins ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

40 mins ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

45 mins ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

48 mins ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

55 mins ago