Categories: Gujarat

ક્રાઇમ બ્રિફઃ શહેરના ક્રાઇમ ન્યુઝ વાંચો માત્ર એક ક્લિક પર

તસ્કરોનો તરખાટઃ બે દુકાન અને એક ઓફિસનાં તાળાં તૂટ્યાં
અમદાવાદઃ શહેરના પાલડી, સરખેજ અને મેમ્કો વિસ્તારમાં તસ્કરોએ બે દુકાન અને એક ઓફિસના તાળાં તોડી ચોરી કરતાં પોલીસે ગુના દાખલ કર્યા છે. અા અંગેની વિગત એવી છે કે પાલડી વિસ્તારમાં પ્રીતમનગરના ઢાળ પાસે અાવેલ નકોડા ભૈરવનાથ સ્ટોર નામની ત્રણ નંબરની દુકાનના તસ્કરોએ તાળાં તોડી પાન-મસાલાના બોક્સ, સિગારેટનો જથ્થો, બીડીના બંડલો મળી અાશરે રૂપિયા એક લાખની માલમતાની ચોરી કરી હતી. જ્યારે સરખેજમાં રેલવે ફાટક પાસે અાવેલ શ્રી માતાજી નોવેલ્ટી નામની કટલરીની દુકાનનું શટલ તોડી ચોરોએ દુકાનના ડ્રોવરમાંથી રૂ. ૪૧ હજારની રોકડ રકમ અને મોબાઈલ મળી અાશરે રૂ. ૪૫ હજારની મતાની ચોરી કરી હતી. અા ઉપરાંત મેમ્કો પ્રેમનગર વિસ્તારમાં ક્રોકરી માર્કેટમાં અાવેલ અાશા લેબ નામની ઓફિસનું તાળું તોડી તસ્કરોએ લેપટોપ અને રોકડ રકમની ચોરી કરી હતી.

બે વ્યક્તિએ ઝેર પીધુંઃ મહિલાએ ગળાફાંસો ખાઈ જીવન ટૂંકાવ્યું
અમદાવાદઃ શહેરના જુદા જુદા વિસ્તારમાં અાત્મહત્યાના ત્રણ બનાવ બન્યા છે. જેમાં બે વ્યક્તિએ ઝેર પી લઈ અને એક મહિલાએ ગળાફાંસો ખાઈ જીવન ટૂંકાવી નાખતા પોલીસે અા અંગે ગુના દાખલ કરી અાગળની કાર્યવાહી હાથ ધરી છે. અા અંગેની વિગત એવી છે કે બાપુનગર વિસ્તારમાં ઈન્ડિયા કોલોની ખાતે અાવેલ કૃષ્ણનગર સોસાયટીમાં રહેતા નંદકિશોરભાઈ ભાવસારે ઝેરી ફિનાઈલ પી અાત્મહત્યા કરી હતી. જ્યારે માધુપુરામાં અાવેલ જશરાજ હોટલમાં ઊતરેલા નવસારીના રાકેશ બાબુભાઈ સઘવી નામના યુવાને અગમ્ય કારણસર ઝેરી દવા પી અાપઘાત કર્યો હતો. અા ઉપરાંત નિકોલમાં અાવેલી દલવાડી છોટાલાલની ચાલીમાં રહેતી સરિતા શ્રીકાંત પટેલ નામની મહિલાએ માનસિક બીમારીથી કંટાળી જઈ પોતાના ઘરમાં જ ગળાફાંસો ખાઈ અાત્મહત્યા કરી હતી.

સાબરમતી નદીમાંથી યુવાનની લાશ મળી
અમદાવાદ: સાબરમતી નદીમાં રિવરફ્રન્ટ ઈસ્ટ નારણઘાટ પાસેથી એક યુવાનની લાશ મળી અાવતાં પોલીસે ગુનો દાખલ કર્યો છે. નારણઘાટ પાસે સાબરમતી નદીમાં યુવાનની લાશ તરતી જોવા મળતા પોલીસે ફાયરબ્રિગેડની મદદથી લાશને બહાર કાઢી પીએમ માટે મોકલી અાપી હતી. પોલીસ તપાસ દરમિયાન અા યુવાનનું નામ હર્વેન્દ્ર ઉર્ફે કાલીચરણ ઓઝા (ઉં.વ.૨૪) હોવાનું અને તે શાહીબાગ અસારવા વિસ્તારમાં હોળી ચકલા પાસે અાવેલી ભોગીલાલની ચાલીમાં રહેતો હોવાનું જાણવા મળ્યું હતું. પ્રાથમીક તપાસમાં અા યુવાને અગમ્ય કારણસર નદીમાં પડતું મૂકી અાપઘાત કર્યું હોવાનું ખુલ્યું છે.

એંગલ ભરેલ ટ્રકની ઉઠાંતરી
અમદાવાદઃ રામોલ વિસ્તારમાંથી લોખંડની એન્ગલો ભરેલ ટ્રકની ઉઠાંતરી થતાં પોલીસે તપાસ હાથ ધરી છે. રામોલમાં ખટિક ચાર રસ્તા પાસે રૂ. પાંચ લાખની લોખંડની એન્ગલો ભરેલ ટ્રકની મોડી રાતે કોઈ તસ્કરોએ ઉઠાંતરી કરતાં તપાસ હાથ ધરવામાં અાવી છે.

વટવા જીઅાઈડીસીમાં તસ્કરો ત્રાટક્યા
અમદાવાદઃ વટવા જીઅાઈડીસીમાં ઈન્ડસ્ટ્રીમાં તસ્કરોએ ત્રાટકી રૂ. બે લાખની એસિડની ચોરી કરતાં પોલીસે ગુનો દાખલ કર્યો છે. જીઅાઈડીસીમાં અાવેલ અાલ્ફા ઈન્ડસ્ટ્રીઝમાંથી તસ્કરોએ રૂ. બે લાખનું એસિડ અને અન્ય ચીજવસ્તુઓની ચોરી કરતાં પોલીસે તપાસ હાથ ધરી છે.

સોનાના દોરાની ચીલઝડપ
અમદાવાદઃ અાંબાવાડી વિસ્તારમાં સોનાના દોરાની ચીલઝડપનો બનાવ બનતા પોલીસે ગુનો દાખલ કર્યો છે. અાંબાવાડી વિસ્તારમાં નહેરુનગર એસબીઅાઈ નજીકથી પસાર થઈ રહેલ ઈરફાનખાન પઠાણની પત્નીના ગળામાથી સોનાના દોરાની ચીલઝડપ થતાં પોલીસે તપાસ હાથ ધરી છે.

દારૂ અને જુગારના અડ્ડા પર દરોડા
અમદાવાદઃ શહેરના જુદા જુદા વિસ્તારમાં ચાલતા દારૂ અને જુગારના અડ્ડા પર પોલીસે દરોડા પાડી ૩૪૦ લીટર દેશા દારૂ, ૧૩૦ બોટલ વિદેશી દારૂ, ૫૦૧ ઈંગ્લીશ દારૂના ક્વોટર્સ, ૪૦ બિયરના ટીન, એક કાર, એક રિક્ષા, રૂ. અઢી લાખની રકમ અને જુગારના સાધનો કબજે કરી ૧૫૫ શખસની ધરપકડ કરી છે.

તકેદારીરૂપે ૨૨૫ ઈસમની અટકાયત
અમદાવાદઃ શહેરમાં કાયદો અને વ્યવસ્થાની પરિસ્થિતિ જાળવવાના હેતુથી પોલીસે તકેદારીના પગલારૂપે જુદા જુદા વિસ્તારમાંથી ૨૨૫ ઈસમોની અટકાયત કરી લોકઅપ ભેગા કરી દીધા છે. જ્યારે નશાબંધીના ભંગ બદલ સાત શખસની ધરપકડ કરવામાં અાવી હતી.

http://sambhaavnews.com/

Navin Sharma

Recent Posts

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

1 hour ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

1 hour ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

1 hour ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

1 hour ago

વારાણસીમાં પીએમ મોદીનો મેગા રોડ શો: નીતીશ-ઉદ્ધવ સહિતના દિગ્ગજોની હાજરી

વારાણસી બેઠક માટે વડા પ્રધાન નરેન્દ્ર મોદી આવતી કાલે ર૬મીએ ફોર્મ ભરશે તે પહેલાં આજે મેગા રોડ શોનું આયોજન કરવામાં…

2 hours ago

J&K: અનંતનાગમાં સુરક્ષા દળો સાથે અથડામણમાં બે આતંકી ઠાર

દક્ષિણ કાશ્મીરમાં અનંતનાગ જિલ્લાના બીજબહેરામાં આજે સવારે થયેલી અથડામણમાં બે આતંકવાદી ઠાર મરાયા છે. સુરક્ષા દળોને અહીંના બાગેન્દ્રર વિસ્તારમાં કેટલાક…

2 hours ago