ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે પત્રકારો સાથેની વાતચીત દરમિયાન આ અંગેની જાહેરાત કરી. તેમણે કહ્યું, ”ન્યૂઝીલેન્ડ ક્રિકેટે જે કેટલાક નિર્ણય કર્યા છે તેમાં પોતાનાં ખેલાડીઓને આઇપીએલના અંત સુધી રમવાની મંજૂરી આપવાનો છે.”

આઇપીએલ બાદ તરત જ આઇસીસી વિશ્વકપ યોજાવાનો છે. આ સ્થિતિમાં ન્યૂઝીલેન્ડ બોર્ડના આ નિર્ણય અંગે વિચરે કહ્યું, ”અમે અમારા ખેલાડીઓને બને એટલો વધુ દુનિયામાં રમવાનો અનુભવ આપવા ઇચ્છીએ છીએ. અમારા ખેલાડીઓને આઇપીએલમાં શાનદાર અનુભવ મળશે.”

વિયરે વધુમાં કહ્યું, ”આઇપીએલની ગત સિઝનમાં અમારા ૧૧ ખેલાડી રમ્યા હતા, જે અમારા માટે શાનદાર છે અને અમે આ સ્થિતિ ચાલુ રાખવા ઉત્સુક છીએ.” ન્યૂઝીલેન્ડના કેપ્ટન કેન વિલિયમ્સન ઉપરાંત ફાસ્ટ બોલર ટિમ સાઉથી, એડમ મિલ્ને, ટ્રેન્ટ બોલ્ટ અને મિશેલ મેક્લેનાઘન નિયમિત રીતે આ લોભામણી લીગમાં રમે છે.
ન્યૂઝીલેન્ડ આગામી વર્ષની શરૂઆતમાં પાંચ વન ડે અને ત્રણ ટી-૨૦ મેચની શ્રેણી માટે ભારતીય ટીમની યજમાનીની તૈયારી કરી રહ્યું છે. પ્રથમ આંતરરાષ્ટ્રીય મેચ નેપિયરમાં ૨૩ જાન્યુઆરીથી રમાશે.

વર્લ્ડકપનાં કારણે ૧૧ વર્ષ બાદ આગામી IPL વહેલી યોજાશે?
આઈપીએલની ૧૧ સિઝન અત્યાર સુધીમાં રમાઈ ચૂકી છે. હવે ૨૦૧૯ની સિઝન માટે ટ્રેડિંગ વિન્ડોની પ્રક્રિયા ચાલુ છે. ભારતીય ટીમના કેપ્ટન વિરાટ કોહલીએ ૨૦૧૯માં ઈંગ્લેન્ડમાં યોજાનારા આઈસીસી વન ડે વર્લ્ડ કપને ધ્યાનમાં રાખી COAને ફાસ્ટ બોલરો-ખાસ કરીને ભુવનેશ્વરકુમાર અને જસપ્રીત બૂમરાહને આરામ આપવાનું સૂચન કર્યું છે, જેથી તેઓ વર્લ્ડકપ મિશન માટે સંપૂર્ણપણે ફિટ રહી શકે. જો કે ચર્ચા એવી પણ થઈ રહી છે કે, વર્લ્ડકપને ધ્યાનમાં રાખતા આઈપીએલની અગામી સિઝનને એક-બે અઠવાડિયાં વહેલી શરૂ કરવામાં આવે તેવી શક્યતા છે.

ટીમ મેનેજમેન્ટની ફાસ્ટ બોલરોને આરામ આપવાની સલાહના કારણે તા. ૩૦ મેથી શરૂ થતી આઈપીએલ-૨૦૧૯નું આયોજન એક-બે અઠવાડિયાં વહેલું એટલે કે ૨૩ માર્ચની આસપાસ શરૂ થવાની સંભાવના છે, જોકે હજુ સુધી આ અંગેની કોઈ સત્તાવાર જાહેરાત કરવામાં આવી નથી. આમ તો વર્લ્ડકપ તા. ૩૦ મેના રોજ શરૂ થવાનો છે અને ટીમ ઇન્ડિયા પોતાની પ્રથમ મેચ તા. ૫ જૂને રમવાની છે.

એટલું જ નહીં, આઈપીએલનાં ઇતિહાસમાં એવું પહેલી વાર બનશે છે કે ટૂર્નામેન્ટની શરૂઆત માર્ચમાં થશે. ટીમ ઇન્ડિયાનાં કેપ્ટન વિરાટ કોહલી અને હેડ કોચ રવિ શાસ્ત્રીએ તાજેતરમાં જ COA સમક્ષ ફાસ્ટ બોલરોને આઈપીએલથી દૂર રાખવાની પણ સલાહ આપી હતી. દિલ્હીમાં યોજાયેલી એ બેઠકમાં રોહિત શર્મા, અજિંક્ય રહાણે અને BCCIના ચીફ સિલેક્ટર એમ.એસ.કે. પ્રસાદે પણ ભાગ લીધો હતો.

આ એક કારણ પણ હોઈ શકેઃ
થોડાંક દિવસ પહેલાં જ આવેલા મીડિયા રિપોર્ટ અનુસાર ક્રિકેટ ઓસ્ટ્રેલિયા અને ઈંગ્લેન્ડ એન્ડ વેલ્સ ક્રિકેટ બોર્ડે BCCIને જણાવી દીધું છે કે તેમના ખેલાડી આઈપીએલમાં માત્ર એક મહિનો જ રમશે. જ્યારે દક્ષિણ આફ્રિકાના ખેલાડીઓ પણ તા.૧૨ મે સુધી જ ઉપલબ્ધ રહે તેવી શક્યતા છે. એવું બની શકે કે આ જ કારણથી આઈપીએલને વહેલી યોજવાનો નિર્ણય કરવામાં આવે, જેથી દુનિયાભરના ક્રિકેટરને આમાં સામેલ કરી શકાય અને ફ્રેન્ચાઈઝીઓને કોઈ નુકસાન ન થાય.

Dhruv Brahmbhatt

Recent Posts

કોલંબો એરપોર્ટ નજીકથી છ ફૂટ લાંબો પાઈપ બોમ્બ મળી આવ્યો: એરફોર્સે ડિફ્યૂઝ કર્યો

શ્રીલંકામાં રવિવારે ચર્ચ અને હોટલોમાં, સિરિયલ બ્લાસ્ટ બાદ પોલીસને કોલંબો એરપોર્ટ નજીકથી એક શક્તિશાળી પાઈપ બોમ્બ મળી આવ્યો હતો. છ…

13 hours ago

મારાં બાળકોએ પણ ઓડિશન આપવું પડશેઃ આમિર ખાન

બોલિવૂડ અભિનેતા આમિરખાનનું કહેવું છે કે પોતાનાં બાળકો જુનેદ, ઈરા અને આઝાદની પ્રતિભાનું આકલન કરતાં તે ક્યારેય સંતાન મોહમાં નહીં…

13 hours ago

સેન્ટ્રલ એક્સાઈઝની કોલોનીમાંથી GSTની સંખ્યાબંધ ફાઇલો ચોરાઈ

શહેરના પ્રગતિનગર વિસ્તારમાં આવેલ સેન્ટ્રલ એક્સાઇઝ કોલોનીમાં આવેલ જીએસટીના રેકોર્ડ રૂમથી સંખ્યાબંધ ફાઇલો ચોરી થઈ હોવાનું સામે આવતાં સરકારી વિભાગમાં…

13 hours ago

Ahmedabad: ન્યૂ મણિનગરમાં IPL પર સટ્ટો રમાડતા ત્રણ ઝડપાયા

શહેરના ન્યૂ મણિનગર વિસ્તારમાં આવેલા ત્રિમૂર્તિ સાંનિધ્ય ફ્લેટમાં આઇપીએલ ટી-૨૦ મેચ પર ‌સટ્ટો રમાડતા ત્રણ શખસોની રામોલ પોલીસે ધરપકડ કરી…

14 hours ago

RTE પ્રથમ પ્રવેશયાદી તા.6 મેએ જાહેર કરાશે

રાજ્યભરમાં ગરીબ અને વંચિત જૂથનાં બાળકોને ખાનગી શાળાઓમાં પ્રવેશ માટેનાં ફોર્મ ભરાવવાની ઓનલાઇન પ્રક્રિયા રપ એપ્રિલે પૂરી થયા બાદ હવે…

14 hours ago

રાહુલ ગાંધીનું ઉમેદવારી પત્ર ગેરલાયક ઠરશે? ચુકાદા પર બધાની નજર

કોંગ્રેસ અધ્યક્ષ રાહુલ ગાંધી બે બેઠક પરથી લોકસભા ચૂંટણી લડી રહ્યા છે અને આ બંને સ્થળોએ તેમના ઉમેદવારી પત્ર પર…

14 hours ago