Categories: Gujarat

ગુજરાતમાં ઠંડીનું જોર યથાવત નલિયામાં ૩.૨ ડિગ્રી તાપમાન

અમદાવાદ: અમદાવાદ સહિત રાજ્યભરમાં છેલ્લાં બે દિવસથી ગાત્રો થીજવતી ઠંડી પડી રહી છે ત્યારે બુધવારે પણ સમગ્ર રાજ્યમાં સૌથી વધુ ઠંડી નલિયામાં પડી હતી. નલિયામાં ૩.૨ ડિગ્રી તાપમાન નોંધાયુ હતું. જ્યારે ગાંધીનગરમાં ૮.૨ અને ડીસામાં ૮.૩ ડિગ્રી તાપમાન રહ્યું હતુ. હવામાન વિભાગની આગાહી છે કે આજે ગુરૂવારે પણ સૌરાષ્ટ્ર અને કચ્છમાં ઠંડીનું પ્રમાણ યથાવત રહેશે.

રાજયમાં છેલ્લાં દસેક દિવસથી કાતિલ ઠંડી પડી રહી છે ત્યારે અમદાવાદ સહિતના અન્ય શહેરોના તાપમાનમાં નોંધપાત્ર ઘટાડો થયો છે. ઉત્તર ભારતમાં હિમવર્ષા થયા બાદ સતત શીત લહેર ચાલુ રહેતા ગુજરાતના મોટાભાગના વિસ્તારો ઠંડીની લપેટમાં આવી ગયા છે. દિવસે પણ ઠંડો પવન ચાલુ રહેતા લોકોને દિવસભર ગરમ વસ્ત્રોમાં લપેટાઈ રહેવું પડે છે.

લગભગ એક સપ્તાહથી ઠંડીનું જોર વધવા પામ્યુ છે જેના કારણે જનજીવન પર તેની માઠી અસર જોવા મળે છે. લોકોની દિનચર્યામાં પણ ખાસ્સો ફેરફાર થઈ ગયો છે. સવારની શાળા અને કોલેજોમાં જતા વિદ્યાર્થીઓને ફરજિયાત સ્વેટર અને અન્ય ગરમ વસ્ત્રો પહેરવાની ફરજ પડી રહી છે.

અમદાવાદમાં વહેલી સવારે તેમજ રાત્રે રોડ પર લોકોની તેમજ વાહનોની અવરજવર ઓછી જોવા મળે છે. ખાણીપીણીની બજારો તેમજ અન્ય બજારો પણ વહેલી બંધ થઈ જાય છે. બજારમાં કચરિયા અને અન્ય શકિતવર્ધક ચીજોનું વેચાણ વધી રહ્યુ છે. સવારે મોર્નિગવોક પર જતા લોકોની સંખ્યામાં વધારો થઈ રહયો છે. ચાની લારીઓ અને નાસ્તાના સ્ટોલ અને લારીઓ પર તડાકો જોવા મળે છે. ઠંડીના કારણે મોટાભાગના લોકો ઘરમાં જ ભરાઈ રહેવાનું પસંદ કરે છે.

આજે રાજ્યના વિવિધ શહેરોમાં નોંધાયેલું તાપમાન આ મુજબ રહ્યું હતું. જેમાં અમદાવાદમાં ૧૧.૪ ડિગ્રી, વડોદરામાં ૧૧.૬, સુરતમાં ૧૩.૨, વલસાડ ૧૦.૬, અમરેલીમાં ૯.૪, ભાવનગરમાં ૧૧.૮, રાજકોટમાં ૯.૫, ડીસામાં ૮.૩, ગાંધીનગરમાં ૮.૨, સુરેન્દ્રનગરમાં ૧૧.૪, ભુજમાં ૧૦, નલિયામાં ૩.૨, કંડલા પોર્ટમાં ૧૧.૩, કંડલા એરપોર્ટ પર ૬.૩, વેરાવળમાં ૧૫.૯, મહુવામાં ૧૧.૧, દ્વારકામાં ૧૪.૬ અને ઓખામાં ૧૪.૬ તેમજ વલ્લભ વિદ્યાનગરમાં ૧૧.૬ ડિગ્રી તાપમાન રહ્યું હતું.

admin

Recent Posts

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

8 mins ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

16 mins ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

17 mins ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

30 mins ago

વર્લ્ડકપ પહેલાંની અંતિમ શ્રેણીઃ ભારત-ઓસી. ટી-20 મેચને લઇને ચાહકોમાં ઉત્સાહ

(એજન્સી) વિશાખાપટ્ટનમ્: ટીમ ઇન્ડિયા આગામી વર્લ્ડકપ પહેલાં અંતિમ આંતરરાષ્ટ્રીય શ્રેણી રમવા માટે તૈયાર છે. આ શ્રેણી ઓસ્ટ્રેલિયા સામે રમવાની છે.…

30 mins ago

BSNL-MTNL માટે સરકારનો રૂ.8,500 કરોડનો VRS પ્લાન

(એજન્સી)નવી દિલ્હી: આ દેશની સૌથી મોટી વોલેન્ટરી રિટાયરમેન્ટ સ્કીમ (વીઆરએસ) અથવા સમય પૂર્વે પેન્શન સ્કીમ બની શકે છે. દેવાં અને…

1 hour ago