Categories: Gujarat

સાબરમતી જેલમાં કેદી અને પોલીસ વચ્ચે મારામારી !!!

સાબરમતી જેલમાં કેદીઓ અંદરોઅંદર ઝઘડતા હોય તેવી ઘટના અનેકવાર બનતી હોય છે. એવામાં ફરીથી શહેરની સાબરમતી સેન્ટ્રલ જેલમાં કાચા કામના કેદી અને કુખ્યાત આરોપી એવા મનીષ ગોસ્વામીને જેલના સિપાહીઓ અને પાકા કામના કેદીઓએ માર માર્યો હોવાની ફરિયાદ કોર્ટમાં કરવામાં આવી હતી.

કોર્ટે આ મામલે ગુનો નોંધવાનો આદેશ આપતાં કાચા કામના કેદી મનીષ ગોસ્વામીએ સાબરમતી જેલના ૧૦થી ૧૫ સિપાહીઓ અને પાકા કામના કેદીઓ સામે મારામારી અને રાયોટિંગની ફરિયાદ નોંધાવતા અમદાવાદ ક્રાઈમ બ્રાન્ચે ગુનો નોંધી તપાસ શરૂ કરી છે.

જો કે ૩૧ ઓક્ટોબરના રોજ કુખ્યાત આરોપી મનીષ ગોસ્વામી પાસેથી મોબાઈલ ફોન મળી આવતાં જેલ સત્તાધીશ દ્વારા જેલના નિયમ મુજબ સાદી સજા કરવામાં આવતાં જેલ પોલીસ પર દબાણ લાવવા માટે કોર્ટમાં આ ફરિયાદ કરવામાં આવી હોવાનું જેલ સત્તાધીશોએ જણાવ્યું હતું.

અમદાવાદમાં સોનીને ફોન કરી ખંડણી માંગવી અને ખંડણી ન આપે તો તેના પર ફાયરિંગ કરી ધમકાવનાર કુખ્યાત એવા મનીષ ગોસ્વામીએ અમદાવાદ ક્રાઈમ બ્રાન્ચમા નોંધાવેલી ફરિયાદ મુજબ જેલમાં ફરજ બજાવતાં સુબેદાર, કોન્ટેબલ અને ૧૦થી ૧૫ જેલ સિપાહીઓ તથા પાકા કામના કેદીઓએ મનીષ ગોસ્વામી પાસે રૂપિયાની માગ કરી હતી. રૂપિયા આપવાની ના પાડતાં જેલ સિપાહી અન્ય પાકા કામના કેદીઓએ ભેગા મળી અને લાકડી વડે માર માર્યો હતો.

સાબરમતી જેલના ડીવાયએસપી વી.એચ. ડીંડોરે આ અંગે જણાવ્યું હતું કે ૩૧ ઓક્ટોમ્બરના રોજ કેદી મનીષ ગોસ્વામીના બેરેકમાંથી બે મોબાઈલ ફોન મળી આવ્યાં હતાં. જેલ સત્તાધીશ દ્વારા જેલના નિયમ મુજબ સાદી સજા કરવામાં આવતાં તેમજ મોબાઈલ ફોન મળી આવવા બદલ તેની સામે ગુનો નોંધાવવામાં આવતાં જેલ પોલીસ પર દબાણ લાવવા માટે કેદી મનિષ ગોસ્વામીએ કોર્ટમાં આ ફરિયાદ કરી છે. કેદીનો મેડિકલ ટેસ્ટ કરાવવામાં આવશે. જેના રિપોર્ટ પરથી તેને પોલીસ અને કેદીઓએ માર માર્યો હતો કે કેમ તે ખ્યાલ આવશે.

Navin Sharma

Recent Posts

મહાભારત સારઃ ધર્મ તરફ તમારી મતિ રાખો

મૂળ મહાભારત જ કેટલા શ્લોકોનું હતું? તેમાંથી એક લાખ શ્લોકનું મહાભારત કોણે રચ્યું? મહાભારતમાં કેટલાક સવાલો રાજા જનમેજય પૂછે છે…

14 hours ago

17 મહિનામાં 76.48 લાખ લોકોને રોજગાર મળ્યાઃ EPFOના પેરોલ ડેટા

(એજન્સી)નવી દિલ્હી: એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના તાજેતરના પેરોલ ડેટા પરથી જાહેર થયું છે કે છેલ્લા ૧૭ મહિનામાં ૭૬.૪૮ લાખ…

15 hours ago

રોડ કૌભાંડનું ભૂત ફરી ધૂણ્યુંઃ 59 ઈજનેરોને નોટિસ ફટકારાઈ

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના ઇતિહાસમાં પ્રથમવાર ગત વર્ષ ર૦૧૭ના ચોમાસામાં આશરે રૂ.૪પ૦ કરોડના રોડ ઓછા-વત્તા અંશે ધોવાઇ જતાં સમગ્ર…

16 hours ago

પ્રોપર્ટી ટેક્સની ચૂકવણી માટે આજે અને કાલે સિવિક સેન્ટર ચાલુ રહેશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનમાં આવકનો એકમાત્ર સ્ત્રોત પ્રોપર્ટી ટેકસ હોઇ માર્ચ એન્ડિંગના આ છેલ્લા અઠવાડિયામાં તંત્રે ચાલુ નાણાકીય વર્ષ…

16 hours ago

રાજ્યની તમામ આંગણવાડીઓનો વહીવટ હવે ઓનલાઇન થશે

(અમદાવાદ બ્યૂરો) અમદાવાદ: અમદાવાદ સહિત રાજ્યભરમાં ચાલતી પ૩ હજાર આંગણવાડીઓ હવે ઓનલાઇન કરવાનો નિર્ણય હવે સરકારે લઈ લીધો છે આંગણવાડીઓનાં…

16 hours ago

ગર્ભવતી મહિલાને પોલીસ કર્મચારીઓએ લાત મારીઃ હોસ્પિટલમાં દાખલ કરાઈ

અમદાવાદ: શહેરના વાડજ વિસ્તારમાં આવેલ રામાપીરના ટેકરામાં રહેતા એક યુવક અને તેની ગર્ભવતી પત્નીને વાડજ પોલીસ સ્ટેશનમાં પોલીસ કર્મચારીઓએ માર…

16 hours ago