Categories: Gujarat

સિવિલ હોસ્પિટલના ૨૪૨ પૈકી ૭૦ સીસીટીવી કેમેરા પ્રજ્ઞાચક્ષુ

અમદાવાદ: અમદાવાદની સિવિલ હોસ્પિટલમાં નઘરોળ તંત્રના કારણે ગેરવ્યવસ્થાનાં છાશવારે અવનવાં ઉદાહરણ પ્રકાશમાં આવી રહ્યાં છે ત્યારે દર્દીઓની સુખ-સુવિધા માટે નિતનવા પ્રોજેક્ટ લાખો રૂપિયાના ખર્ચે અમલમાં મુકાતા હોવા છતાં સત્તાવાળાઓની આળસના કારણે તેનો ખાસ લાભ મળી શકતો નથી. આનું ઉદાહરણ સિવિલ હોસ્પિટલમાં બંધ પડેલા ૭૦ સીસીટીવી કેમેરા છે. સિવિલ હોસ્પિટલમાં ચોરી, મારામારી જેવા અનેક બનાવ છાશવારે બનતા હોય છે, જેનો ભેદ ઉકેલવામાં પોલીસ લાચાર બની છે, જેનું કારણ માત્ર સીસીટીવી કેમેરા છે. આ સંજોગોમાં બંધ સીસીટીવી કેમેરાને ચાલુ કરવા તંત્ર ક્યારે ગંભીર બનશે તેવો પ્રશ્ન પણ જાણકાર વર્તુળોમાં ચર્ચાઇ રહ્યો છે.

ર૬ જુલાઇ, ર૦૦૮ના રોજ અમદાવાદની સિવિલ હોસ્પિટલ સહિત અલગ અલગ જગ્યાએ શ્રેણીબદ્ધ બોમ્બ વિસ્ફોટ થયા હતા, જેમાં સંખ્યાબંધ લોકોને પોતાનો જીવ ગુમાવવો પડ્યો હતો. આ ઘટના બાદ અમદાવાદ સિવિલ હોસ્પિટલ સહિતની તમામ સરકારી હોસ્પિટલો અને જાહેર જગ્યા પર ફરજિયાતપણે સીસીટીવી કેમેરા લગાવવાનો આદેશ કરવામાં આવ્યો હતો. વર્ષ ર૦૧ર બાદ સિવિલ હોસ્પિટલમાં કરોડો રૂપિયાના ખર્ચે સીસીટીવી કેમેરા લગાવવામાં આવ્યા છે, જે આજે શોભાના ગાં‌ઠિયા સમાન પુરવાર થયા છે.

ઉલ્લેખનીય છે કે તારીખ ર૭ ઓગસ્ટના રોજ સિવિલ હોસ્પિટલમાં એક નવજાત બાળકને ત્યજીને એક વ્યક્તિ ફરાર થઇ ગલ હતી, જેમાં બાળકનું સારવાર દરમિયાન મોત થયું હતું. આ બાળકનાં માતા-પિતા કોણ છે તેની શોધ માટે પોલીસે તપાસ તેજ કરી હતી અને સિવિલ હોસ્પિટલના સીસીટીવી ફૂટેજ ચેક કર્યા હતા, જોકે પોલીસ માટે લાચારીની વાત એ હતી કે હોસ્પિટલમાં સીસીટીવી કેમેરા બંધ હતા. જ્યારે થોડાક દિવસ પહેલાં સિવિલ હોસ્પિટલમાં મે‌િડકલનો અભ્યાસ કરતા એક વિદ્યાર્થીનું લેપટોપ ચોરાયું હતું, જોકે પોલીસને આ ગુનાનો ભેદ ઉકેલવામાં પણ નિરાશા હાથ લાગી હતી, જેનું કારણ બંધ સીસીટીવી કેમેરા છે. આ સિવાય હોસ્પિટલના પાર્કિંગમાં અનેક વખત વાહનો ચોરાય છે, જેમાં આરોપીઓને પકડવા મુશ્કેલ હોય છે.

સિવિલ હોસ્પિટલના સીસીટીવી ઓપરેટર સંજય મરાઠીએ જણાવ્યું છે કે કુલ ર૪ર સીસીટીવી કેમેરા લગાવવામાં આવેલા છે, જેમાં ૭૦ સીસીટીવી કેમેરા બંધ હાલતમાં છે. આ તમામ કેમેરા હાઇ ડે‌િફનેશન અને નાઇટ વિઝનના નથી. સીસીટીવી કેમેરા સિવિલ હોસ્પિટલના સુપરિન્ટેન્ડેન્ટ એમ. એમ. પ્રભાકરની લોબીમાં, નવા ટ્રોમા સેન્ટરમાં, ડી બ્લોક, એફ બ્લોક અને ઓપીડીની બહાર ચાલુ છે જ્યારે બી બ્લોકના ર૦ કેમેરા, સી બ્લોકના ૧૦ કેમેરા, ઓપીડી ૧પ કેમેરા, જૂના ટ્રોમા સેન્ટરના ૧પ કેમેરા અને એ-પના ૧૦ કેમેરા બંધ છે. આ મામલે ‌િસ‌િવલ હોસ્પિટલના સુપરિન્ટેન્ડેન્ટ એમ. એમ. પ્રભાકરે જણાવ્યું છે કે સિવિલ હોસ્પિટલમાં તમામ સીસીટીવી કેમેરા ચાલુ છે. શાહીબાગ પોલીસ સ્ટેશનના પોલીસ ઇન્સ્પેક્ટર એ. કે. પટેલે જણાવ્યું છે કે બાળકને સિવિલ હોસ્પિટલમાં મૂકીને કોણ ગયું તે શોધવા માટે સિવિલ હોસ્પિટલના સીસીટીવી તપાસવા માટે ગયા તો ત્યાં સીસીટીવી કેમેરા બંધ હોવાનું સામે આવ્યું છે.
મૌલિક પટેલ

divyesh

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

12 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

14 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

14 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

14 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

14 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

15 hours ago