Categories: Gujarat

શહેરના પોલીસ સબ ઈન્સ્પેક્ટર્સ શીખે છે સાયબર ક્રાઈમની ABCD

અમદાવાદ: શહેરમાં સાયબર ક્રાઈમના બનાવો સતત વધી રહ્યા છે. બેંકમાંથી બોલું છું તેમ કહી એટીએમ નંબર મેળવવા, ફેસબુક ઉપર કોમેન્ટ, ફેક પ્રોફાઈલ તેમજ વોટ્સએપ, ઈ મેઇલ દ્વારા છેતરપિંડી કરવામાં અાવે છે. સાયબર ક્રાઈમની ફરિયાદ કે અરજી સ્થાનિક પોલીસ મથકમાં લેવામાં આવે છે. જોકે સ્થાનિક પોલીસ સ્ટેશનના કેટલાક પોલીસ કર્મીઓને સાયબર ક્રાઈમ ઉકેલવા અંગેનું પૂરતું જ્ઞાન નથી હોતું, માટે સાયબર સેલ દ્વારા શહેરના તમામ પોલીસ સ્ટેશનના પોલીસ કર્મીઓને સાયબર ક્રાઈમ અંગે ટ્રેનિંગ અપાઇ રહી છે.

સમગ્ર દેશની સાથે સાથે ગુજરાતમાં પણ સાયબર ક્રાઇમ રેટ સતત વધી રહ્યો છે. ગુજરાત સાયબર સુરક્ષા સેલ દ્વારા પણ તે બાબતને ધ્યાને લઇને સોશીયલ મીડિયા દ્વારા નાગરિકમાં જાગરુકતા કેળવવાનો પ્રયાસ થઇ રહ્યો છે. તેમ છતાં નાગરિકો સાયબર ચીટરોનો ભોગ બનતા રહે છે.

જ્યારે સાયબર ક્રાઈમના વધતા જતા આંકડાને જોઇને અમદાવાદ શહેર પોલીસ કમિશનર દ્વારા પરિપત્ર બહાર પડવામાં આવ્યો હતો કે, સાયબર ક્રાઈમનો ભોગ બનનાર નાગરિકો તેમની ફરિયાદ હવે સ્થાનિક પોલીસ સ્ટેશનમાં નોંધાવી શકશે અને તેની તપાસ પણ પોલીસ સ્ટેશને કરવી રહેશે . જો ગંભીર પ્રકારનો સાયબર ગુનો હોય અને જરૂર પડે તો સાયબર સેલમાં ફરિયાદ ટ્રાન્સફર કરવામાં આવશે . પરિપત્ર બાદ સ્થાનિક પોલીસ સ્ટેશનના કર્મચારીઓને સાયબરના ગુનાઓનો ભેદ ઉકેલવા માટે ટ્રેનિંગ આપવાની શરૂઆત કરવામાં આવી છે.

સ્થાનિક પોલીસ સ્ટેશનમાં સાયબર ક્રાઈમના ગુના નોંધાયા બાદ કેસની તપાસ પી. એસ.આઈ વર્ગના પોલીસ કર્મચારીને આપવામાં આવતી હોય છે માટે સ્થાનિક પોલીસ સ્ટેશનમાં કાર્યરત પી. એસ. આઈ ટ્રેનિંગ લઈ રહ્યા છે. આ ટ્રેનિંગ દરમિયાન પોલીસ કર્મચારીને સાયબર ક્રાઈમ શું છે, લોકોને કેવી રીતે જાગૃત કરી શકાય અને જે કોઈ નાગરિક સાયબર ક્રાઈમનો ભોગ બની ફરિયાદ કે અરજી નોંધાવે ત્યાર બાદ સાયબર ક્રાઈમના ગુનાની તપાસ કેવી રીતે કરવી જોઈએ તેની તાલીમ અપાય છે.

થોડા દિવસોમાં કોલેજોમાં પણ સાયબર ક્રાઈમથી બચવા માટે કાર્યક્રમ યોજાવામાં આવશે.કોલેજમાં અભ્યાસ કરતી યુવતીઓના ફેસબુક પર ફેક પ્રોફાઈલ એકાઉન્ટ બનતા હોય છે અને સાથે સાથે વોટ્સએપ પર પણ અજાણ્યા નંબરથી કોલ અને મેસેજ આવતા હોય છે આ પ્રકારના બનાવોને રોકવા માટે કોલેજમાં અભ્યાસ કરતી યુવતીઓને જાણકારી અપાશે.

કોલેજિયન યુવતીઅોને પણ તાલીમ અપાશે
સાયબર સેલ એસીપી રાહુલ પટેલે જણાવ્યું હતું કે, શહેરના સ્થાનિક પોલીસ મથકમાં સાયબરને લગતી ફરિયાદ લેવામાં આવે છે માટે શહેરના તમામ પોલીસ મથકના પી.એસ.આઈને સાયબર અંગે ટ્રેનિંગ આપવામાં આવે છે. અત્યાર સુધીમાં થયેલા સેસન્સમાં 41 પોલીસ કર્મી હાજર રહ્યા છે. જેમાં તેમને સોશિયલ મીડિયા અને એટીએમના ગુનાની તપાસ માટે ટ્રેનિંગ આપવામાં આવી રહી છે. થોડા સમયમાં કોલેજોમાં વિદ્યાર્થીઓને જાગૃત કરવા ખાસ કાર્યક્રમોનું અાયોજન છે.

ટ્રેનિંગમાં ક્યા મુદ્દા પર વાત કરવામાં આવે છે
સાયબર સેલમાં સૌથી વધુ બેંકમાંથી બોલું છું તેમ કહી એટીએમ નંબર મેળવવા, છેતરપિંડી, ફેસબુક ઉપર ગંદી કોમેન્ટ, ફેક પ્રોફાઈલ તેમજ વોટ્સએપ, ઈ મેઇલ દ્વારા છેતરપિંડીના ગુના વધુ આવતા હોય છે. આ ગુનાઓની તપાસ કેવી રીતે કરવી તેની જાણકારી આપવામાં આવે છે. સાથે સાથે કોઈ નાગરિકનું ફેસબુક પર બનેલા ફેક અેકાઉન્ટને બ્લોક કેવી રીતે કરાવી શકાય અને તેના માટે કઈ વસ્તુની જરૂર પડતી હોય છે. એટલું જ નહી એટીએમ સિસ્ટમ દ્વારા થતી છેતરપિંડીને લઈને પણ તેમને સૂચના આપવામાં આવે છે. આ ટ્રેનિંગ બેંકમાં કામ કરતા એક્સપર્ટ દ્વારા આપવામાં આવતી હોય છે.

ધ્રુવી શાહ

admin

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

17 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

18 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

18 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

18 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

18 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

18 hours ago