Categories: Gujarat

શહેરમાં ૧૨ સ્થળે LCD ડિસ્પ્લે તમને હવાનું પ્રદૂષણ બતાવશે

અમદાવાદ: ભારતમાં દર વર્ષે પાંચ લાખ લોકો હવામાંના પ્રદૂષણથી મૃત્યુ પામે છે. અમદાવાદમાં પણ વધતું જતું હવાનું પ્રદૂષણ નાગરિકોમાં ચિંતાનો વિષય બન્યો છે, પરંતુ આશ્ચર્યજનક રીતે શહેરમાં હવાનું પ્રદૂષણ જાણવા જરૂરી એવાં પ્રદૂષણ માપક યંત્ર જ નહોતાં, જોકે હવે મ્યુનિ. સત્તાવાળાઓએ આ દિશામાં કવાયત આરંભી દીધી હોઈ એક મહિનામાં અમદાવાદીઓ હવાના પ્રદૂષણનું પ્રમાણ જાણી શકશે.

હવાના પ્રદૂષણનો આંક શૂન્યથી પાંચસો સુધી હોઈ સો આંકથી નીચો આંક પ્રદૂષણના પ્રમાણને ‘સલામત’ દર્શાવે છે, તેનાથી ઉપરના આંક પ્રદૂષણના પ્રમાણને જોખમી-અતિજોખમી ઓળખાવે છે, જોકે નાગરિકો માટે એક મહિનામાં અમદાવાદ-ગાંધીનગરનાં દસ સ્થળોએ હવાનું પ્રદૂષણ માપતાં યંત્રો મૂકીને તેના દ્વારા મળનારા આંકને તંત્ર બાર સ્થળોએ એલઈડી ડિસ્પ્લે મૂકીને નાગરિકોને પ્રદૂષણની માહિતી પૂરી પાડશે.

મ્યુનિ. હેલ્થ વિભાગના ઈન્ચાર્જ વડા ડો. ભાવિન સોલંકી વધુમાં કહે છે, ‘હાલમાં વિશ્વનાં વીસ સૌથી પ્રદૂષિત શહેરોમાં દેશનું પાટનગર દિલ્હી અગિયારમા સ્થાને છે, પરંતુ અમદાવાદમાં ગુજરાત પોલ્યુશન બોર્ડનું એકમાત્ર હવાનું પ્રદૂષણ માપક યંત્ર હોઈ દેશનાં પ્રદૂષિત શહેરોની યાદીમાં તેનો સમાવેશ થયો નથી, જે માટે ઓછામાં ઓછાં પાંચ યંત્ર જરૂરી છે, જોકે એક મહિનામાં દસ યંત્ર મુકાઈ જશે અને દર આઠ કલાકે હવાના પ્રદૂષણની માહિતી મળવાથી દેશનાં શહેરોમાં અમદાવાદનું પ્રદૂષણનું પ્રમાણ પણ જાણી શકાશે.’ અત્રે ઉલ્લેખનીય છે કે વિશ્વ આરોગ્ય સંસ્થાના વર્ષ ૨૦૧૪ના એક રિપોર્ટ મુજબ દેશનું પાંચમું પ્રદૂષિત શહેર અમદાવાદ છે.

કયાં સ્થળોએ પ્રદૂષણ માપક યંત્ર મુકાશે?
સરદાર પટેલ સ્ટેડિયમ-નવરંગપુરા, એએમસી નર્સરી-ગ્યાસપુર-પીરાણા, શ્રમિક કાંતિ ગાર્ડન, ચકુડિયા મહાદેવ-રખિયાલ, તિલકબાગ-રાયખડ, કાલિ કલ્ચરલ સેન્ટર-ચાંદલોડિયા, ઈસરો-બોપલ, ઈસરો-સેટેલાઈટ, હવામાન કચેરી-નરોડા, સિવિલ હોસ્પિટલ-ગાંધીનગર, આઈઆઈપીએચ-ગાંધીનગર.

કયાં સ્થળોએ LED મુકાશે?
મ્યુનિ. મુખ્ય કચેરી, કાંકરિયા લેક, કાલુપુર રેલવે સ્ટેશન, વસ્ત્રાપુર લેક, આરટીઓ સર્કલ, એરપોર્ટ, વિશાલા ચાર રસ્તા, મેમ્કો ક્રોસ રોડ, વિરાટનગર ક્રોસ રોડ, સ્ટેડિયમ છ રસ્તા, ઈસરો, ગિફ્ટી સિટી.
http://sambhaavnews.com/

divyesh

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

11 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

11 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

11 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

11 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

11 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

11 hours ago