OMG! ચાઈનીઝ ટૂરિસ્ટે ઓસ્ટ્રેલિયાના એરપોર્ટ પર અઢી લિટર દૂધ પી લીધું

એક ચાઇનીઝ ટૂરિસ્ટે એરપોર્ટ પર અઢી લિટર દૂધ ફેંકી દેવાના બદલે પી લેવું યોગ્ય સમજ્યું. આ ટૂરિસ્ટ ઓસ્ટ્રેલિયાથી ચીનના હેનાન  પ્રાંતમાં જઇ રહ્યો હતો. તેની પાસે ત્રણ લિટર દૂધનું કેન હતું, જે તે પોતાની સાથે લઇ જવા ઇચ્છતો હતો, પરંતુ એરપોર્ટ ઓથોરિટીએ તેને ત્યાં રોકી દીધો.

એરલાઇનના નિયમ મુજબ ઓસ્ટ્રેલિયામાં કોઇ પણ યાત્રી ૧૦૦ મિલિગ્રામથી વધુ લિક્વિડ પોતાના લગેજ સાથે લઇ જઇ ન શકે. ત્યારબાદ તેણે દૂધને ફેંકવાના બદલે ચેકિંગ પોઇન્ટ પર તે પીવાનું યોગ્ય માન્યું.  ચીનમાં રહેતા જેન ગાઝુએ જણાવ્યું કે મારી પાસે તેના સિવાય કોઇ ઓપ્શન ન હતો. હું ઇચ્છતો ન હતો કે દૂધને ફેંકી દેવાય. તેથી મેં તે પી જવાનો નિર્ણય લીધો. આ પહેલાં મેં આટલી માત્રામાં દૂધ એકસાથે ક્યારેય પીધું નથી.

ઓસ્ટ્રેલિયાના સુપરમાર્કેટમાં એક લિટર દૂધની કિંમત ૪.૮૧ યુઆન પ્રતિલિટર છે, જ્યારે ચીનમાં ઇમ્પોર્ટ થઇને તેની કિંમત ૬૦ યુઆન પ્રતિલિટર થાય છે. સ્થાનિક સ્તર પર એક લિટર દૂધની કિંમત ૧૧ યુઆનથી ૧૩ યુઆનની વચ્ચે છે.

ચાઇનીઝ ટૂરિસ્ટનો આ વીડિયો સોશિયલ મીડિયા પર વાઇરલ થઇ રહ્યો છે. તેની તુલના ચાઇનીઝ મૂવી ‘લોસ્ટ ઓફ જર્ની’ સાથે થઇ રહી છે. આ ફિલ્મ ૨૦૧૦માં રિલીઝ થઇ હતી, તેમાં એક પ્રવાસી કર્મચારી નિયુ ગેંગને એરપોર્ટ પર રોકવામાં આવે છે તો તે દૂધ પી જાય છે.

You might also like