ચીનનાં કેમિકલ પ્લાન્ટમાં વિસ્ફોટ થતાં 19નાં મોતઃ 12 વ્યકિતને ઈજા

સિચુઆન: ચીનનાં દક્ષિણ-પશ્વિમ પ્રાંત સિચુઆનના ચેંગડુ નજીક આવેલા યિબિન શહેરમાં આવેલી હેંગદા કંપનીના કેમિકલ પ્લાન્ટમાં થયેલા વિસ્ફોટના કારણે ૧૯ લોકોનાં મોત નીપજ્યાં છે. જ્યારે આ ઘટનામાં અન્ય ૧૨ વ્યકિતને ઈજા થઈ છે. વિસ્ફોટ કેમ થયો તે અંગે હજુ કારણ જાણવા મળ્યું નથી.

પરંતુ આ ઘટનાને મોટી ઔદ્યોગિક દુર્ઘટના માનવામાં આવી રહી છે. આ ઘટનાના કારણે પ્લાન્ટ નજીકના રહેણાક વિસ્તારમાં રહેતા લોકોમાં ગભરાટ ફેલાઈ ગયો હતો. અને તેઓ પણ ઘર બહાર દોડી આવતા ભારે અફરાતફરી મચી ગઈ હતી.

સિચુઆનના ચેંગડુ નજીક આવેલા યિબિન હેંગદા ટેકનોલેજી કંપનીના રાસાયણિક પ્લાન્ટમાં થયેલા વિસ્ફોટના કારણે જે ૧૨ લોકોને ઈજા થઈ છે તેમની હાલ સારવાર ચાલી રહી છે અને તેમની સ્થિતિ સ્થિર હોવાનું જણાવવામાં આવી રહ્યું છે. પોલીસે આ ઘટના અંગે કેસ દાખલ કરી તેની તપાસ હાથ ધરી છે.

જોકે આ ઘટના અંગે અત્યાર સુધી કંપની તરફથી કોઈ સત્તાવાર નિવેદન કરવામાં આવ્યું નથી. બીજી તરફ આ બ્લાસ્ટની તસવીરો સોશિયલ મીડિયા પર વાઈરલ થઈ રહી છે. એક સરકારી નિવેદનમાં જણાવ્યા અનુસાર પ્લાન્ટમાં ગઈકાલે સાંજે ૬-૩૦ કલાકે આ બ્લાસ્ટ થયો હતો ત્યારે તેના કારણે આગ લાગી હતી. જે રાત્રે ૧૧-૩૦ કલાકે કાબુમાં આવી હતી.

સરકારી સમાચાર સંસ્થા શિન્હુઆના જણાવ્યા અનુસાર આગ હાલ સંપૂર્ણપણે કાબૂમાં આવી ગઈ છે. અને આ ઘટનાના કારણોની તપાસ ચાલી રહી છે. જોકે આ લખાય છે ત્યાં સુધી કોઈ વિગતો બહાર આવી નથી. પરંતુ જે ૧૨ લોકોને ઈજા થઈ છે તેમની સ્થિતિ સુધારા પર છે.

છેલ્લા કેટલાક સમયથી ચીનમાં ફેકટરી અને ઉદ્યોગક્ષેત્રે કામ કરતા લોકોની સુરક્ષા માટેનાં અનેક પગલાં લેવામાં આવ્યાં છે. જોકે બીજી તરફ એવી વાત પણ બહાર આવી છે કે ચીનના ઔદ્યોગિક વિસ્તારોમાં આવી ઘટના સામાન્ય બાબત બની ગઈ છે. જેમાં મુખ્યત્વે સુરક્ષાને લગતી જોગવાઈઓનું પાલન કરવામાં દાખવાતી બેદરકારીને જવાબદાર માનવામાં આવી રહી છે. અગાઉ પણ આવી ઘટનામાં અનેક લોકોનો ભોગ લેવાઈ ચુક્યો છે.

divyesh

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

2 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

4 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

4 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

4 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

4 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

4 hours ago