Categories: Gujarat

શહેરમાં માથું ઊચકી રહેલો ચિકનગુનિયા વટવાની એક જ સોસાયટીમાં પાંચ કેસ

અમદાવાદ: સમગ્ર શહેરમાં વરસાદે વિરામ લીધો હોવા છતાં મચ્છરજન્ય રોગચાળાનો ઉપદ્રવ વધ્યો છે. ઘરે-ઘરે ડેન્ગ્યુ અને મેલેરિયાના દર્દીના ખાટલા જોવા મળે છે. પશ્ચિમ અને નવા પશ્ચિમ ઝોનમાં મેલેરિયા પર નિયંત્રણ માટે હેલ્થ વિભાગ દ્વારા ઘરથી ઘરનો સર્વે શરૂ કરાયો છે, પરંતુ ચિકનગુનિયાએ પણ માથું ઊંચક્યું છે. વટવામાં ચિકનગુનિયાએ આતંક મચ્યો હોઇ એક જ સોસાયટીમાં ચિકનગુનિયાના પાંચ-પાંચ કેસ મળી આવતાં લોકોમાં ગભરાટ ફેલાયો છે.

હેલ્થ વિભાગ દ્વારા ગત શુક્રવારે શહેરભરમાં મચ્છર નાબૂદી દિવસ ઊજવાયો હતો. તે દિવસે શહેરના ૧,૩૩,પ૩૩ ઘરની અને ૩,૧૮,૬૧૮ કન્ટેનરની ચકાસણી કરાઇને મચ્છરના પોરાનો નાશ કરાયો હોવાની પણ તંત્ર દ્વારા જાહેરાત કરાઇ છે, જોકે મચ્છરોના ઉત્પાતથી નાગરિકો પરેશાન છે. અમદાવાદમાં ચિકનગુનિયાના કેસમાં પણ નોંધપાત્ર વૃદ્ધિ થઇ છે. કોર્પોરેશનના ચોપડે તો ચિકનગુનિયાનો એક જ કેસ નોંધાયો છે, પરંતુ વટવામાં ચિકનગુનિયાએ રીતસરનો આતંક ફેલાવી દીધો છે. વટવાની જય સોમનાથ સોસાયટીમાં ચિકનગુનિયાના પાંચ કેસ મળી આવ્યા છે. વટવામાં ચિકનગુનિયાના વધતા કેસથી સ્થાનિક રહેવાસીઓમાં ફફડાટ ફેલાઇ ગયો છે. આના પગલે હેલ્થ વિભાગના અધિકારીઓ પણ દોડતા થઇ ગયા છે.

માહિતગાર સૂત્રોના જણાવ્યા મુજબ વટવામાં મેલેરિયાએ પણ કાળો કેર વર્તાવ્યો છે. વટવામાં ગંદકીના કારણે મચ્છરજન્ય રોગચાળો લોકોને ભયભીત કરી રહ્યો છે. વટવાની સાથે-સાથે નરોડામાં પણ ઘાતક ડેન્ગ્યુએ ભયજનક રીતે માથું ઊંચક્યું છે. એકલા નરોડામાં ચાલુ મહિનામાં ડેન્ગ્યુના ત્રીસથી વધુ કેસ હોવા છતાં મ્યુનિ. ચોપડે તો શહેરભરના ડેન્ગ્યુના દર્દીના માત્ર સોળ જ કેસ નોંધાયા છે! મ્યુનિ. મેલેરિયા વિભાગને દર વર્ષે કરોડો રૂપિયાનું બજેટ ફાળવાતું હોવા છતાં આ વિભાગની કામગીરીની અસરકારતા સામે પણ અવારનવાર પ્રશ્નાર્થ સર્જાય છે. જોકે તંત્ર તો રાબેતા મુજબ ‘સબસલામત’ની આલબેલ પોકારે છે.

દરમ્યાન મ્યુનિ. હેલ્થ વિભાગના ઇન્ચાર્જ વડા ડો.ભા‌િવન સોલંકી કહે છે કે, વટવાની જય સોમનાથ સોસાયટીના મામલે તપાસ આરંભાઇ છે. તંત્ર સમક્ષ ચિકનગુનિયાના કેસ અંગે લોકો તરફથી ફરિયાદો આવતી હોય છે, પરંતુ ચાલુ મહિનામાં એકમાત્ર શાહપુરમાં ચિકનગુનિયાનો સત્તાવાર કેસ નોંધાયો છે.

divyesh

Recent Posts

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

11 mins ago

યુએનમાં મસૂદ અઝહર પર પ્રતિબંધનો પ્રસ્તાવ લાવશે ફ્રાન્સ-બ્રિટન-અમેરિકા

(એજન્સી) નવી દિલ્હી: પાકિસ્તાન સામે ભારતને મોટી કૂટનૈતિક સફળતા મળી છે. વિશ્વના ત્રણ સૌથી શક્તિશાળી દેશ અમેરિકા, બ્રિટન અને ફ્રાન્સ…

50 mins ago

એરિક્સન કેસમાં અનિલ અંબાણી દોષીઃ ચાર સપ્તાહમાં ૪પ૩ કરોડ ચૂકવવા સુપ્રીમનો આદેશ

(એજન્સી) નવી દિલ્હી: સુપ્રીમ કોર્ટે આરકોમ વિરુદ્ધ એરિક્સન કેસમાં આરકોમના ચેરમેન અનિલ અંબાણીને મોટો ઝાટકો આપીને અદાલતની અવમાનના માટે દોષી…

53 mins ago

ટ્રમ્પે પુલવામા હુમલાને ભયાનક ગણાવ્યો: ‘દોષીઓ સામે પાકિસ્તાન કાર્યવાહી કરે’

(એજન્સી) વોશિંગ્ટન: જમ્મુ-કાશ્મીરના પુલવામામાં થયેલા આતંકી હુમલા માટે પાકિસ્તાન દુનિયાભરમાં આકરી ટીકાનો સામનો કરી રહ્યું છે. હુમલાના છ દિવસ બાદ…

1 hour ago

બેશરમ પાકિસ્તાનઃ સંઘર્ષ વિરામનું ઉલ્લંઘન કર્યું, ભારતનો વળતો જવાબ

(એજન્સી) શ્રીનગર: ગઇ કાલ સાંજના ૭-૦૦ વાગ્યાની આસપાસ પાકિસ્તાનના રાજૌરીના નૌશેરા સેક્ટરમાં નિયંત્રણરેખા પાસે સંઘર્ષ વિરામનું ઉલ્લંઘન કરતાં નાના હથિયારોથી…

1 hour ago

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

22 hours ago