Categories: India

પશ્ચિમ બંગાળમાં મમતા બેનરજીની મુખ્યપ્રધાનપદે બીજી વાર તાજપોશી

કોલાકાતા: પશ્ચિમ બંગાળ વિધાનસભાની ચૂંટણીમાં પ્રચંડ વિજય બાદ તૃણમૂલ કોંગ્રેસના સુપ્રીમો મમતા બેનરજી પશ્ચિમ બંગાળના મુખ્યપ્રધાન તરીકે બીજી વાર શપથ ગ્રહણ કર્યા છે. તેમની સાથે તેમના કેબિનેટના ૪૩ જેટલા પ્રધાનો પણ શપથગ્રહણ કર્યા છે. પશ્ચિમ બંગાળના પ્રદેશ ભાજપ અધ્યક્ષ દિલીપ ઘોષે જણાવ્યું છે કે તેઓ મમતા બેનરજીના શપથ સમારોહમાં હાજર રહેશે. તેમણે જણાવ્યું હતું કે રાજ્યમાં ભાજપ પોલીસ વિરુદ્ધ આંદોલન છેડશે.
કોલકાતાના રેડરોડ પર યોજાનારા સમારોહમાં રાજ્યના રાજ્યપાલ કેસરીનાથ ત્રિપાઠી મમતા બેનરજી અને અન્ય પ્રધાનોને હોદ્દા અને ગુપ્તતાના શપથ લેવડાવશે. મમતા બેનરજીએ ગુરુવારે રાજ્યપાલ કેસરીનાથ ત્રિપાઠીની મુલાકાત લઇને શપથ ગ્રહણ કરનારા પ્રધાનોની એક યાદી સુપરત કરી હતી. નવા પ્રધાનમંડળમાં પૂર્વ ભારતીય ક્રિકેટર લક્ષ્મીરતન શુકલા, સોવનદેબ ચેટરજી જેવા કુલ ૧૭ નવા ચહેરાનો સમાવેશ કરવામાં આવ્યો છે.
મમતા બેનરજીએ જણાવ્યું હતું કે મેં માલદા સિવાય તમામ જિલ્લા, જ્ઞાતિ, ધર્મના લોકોને કેબિનેટમાં પ્રતિનિધિત્વ આપ્યું છે. માલદામાં અમારા કોઇ પ્રતિનિધિ નથી. મારી કેબિનેટમાં આ વખતે કેટલાક નવા ચહેરા પણ છે. આમ દીદી સાથે ૪૩ પ્રધાન શપથ લેશે. આ શપથ સમારોહમાં રાજદના પ્રમુખ લાલુ યાદવ સાથે બિહારના મુખ્યપ્રધાન નીતીશકુમાર, દિલ્હીના મુખ્યપ્રધાન અરવિંદ કેજરીવાલ, ઉત્તર પ્રદેશના મુખ્યપ્રધાન અખિલેશ યાદવ સહિત ૧૪૦ જેટલા વીવીઆપીઓ હાજર રહેશે. નેશનલ કોન્ફરન્સના નેતા ફારુક અબ્દુલ્લા પણ હાજરી આપશે. બાંગ્લાદેશના વડા પ્રધાન શેખ હસીના કાર્યક્રમમાં હાજર રહેશે નહીં, પરંતુ તેમણે પોતાના પ્રતિનિધિ મોકલ્યા છે.
આ ઉપરાંત દીદીના શપથ સમારોહમાં મૂકેશ અંબાણી, અમિતાભ બચ્ચન અને શાહરૂખ ખાન પણ ઉપસ્થિત રહેશે. બીજી બાજુ મમતા બેનરજીના શપથ લેતાં પહેલાં રાજ્યમાં ૩૦ અધિકારીઓની બદલી કરાઇ છે. ચૂંટણીપંચે જે અધિકારીઓને હટાવ્યા હતા તેમને તેમના મૂળ હોદા પર ફરીથી મૂકી દીધા છે..

Krupa

Recent Posts

દુકાનમાં ભીષણ આગઃ ગેસનાં બે સિલિન્ડર બોમ્બની જેમ ફાટ્યાં

(અમદાવાદ બ્યૂરો) અમદાવાદ: શહેરના ઇન્કમટેક્સ ખાતે આવેલ સી.યુ.શાહ કોલેજની સામે ફાસ્ટફૂડની દુકાનમાં મોડી રાત્રે શોર્ટ સર્કિટથી આગ લાગતાં ગેસના બે…

4 hours ago

નવા CBI ડાયરેકટર કોણ? આજે પીએમના અધ્યક્ષપદે બેઠક

(એજન્સી) નવી દિલ્હી: દેશની સૌથી મોટી તપાસ સંસ્થા સીબીઆઇ માટે આજનો દિવસ મહત્ત્વપૂર્ણ છે. એક બાજુ આજે સીબીઆઇના નવા ડાયરેકટરની…

4 hours ago

બિન ખેતી બાદ હવે પ્રીમિયમની કામગીરી પણ ઓનલાઈન થશે

(અમદાવાદ બ્યૂરો) અમદાવાદ: રાજ્ય સરકારે જમીન મહેસૂલ સંહિતાની કલમ-૬૫ હેઠળ અપાતી બિન ખેતી (નોન એગ્રીકલ્ચર-એનએ)ની પરવાનગી મેળવવાની કાર્ય પદ્ધતિને હવે…

4 hours ago

ગળામાં ઈન્ફેક્શન, શરદી, ખાંસીથી હજારો અમદાવાદીઓ પરેશાન

(અમદાવાદ બ્યૂરો) અમદાવાદ: શહેરમાં કાતિલ ઠંડી ભેજના પ્રમાણમાં વધારો ,અને વાતાવરણમાં અચાનક પલટો આવતાં લોકો શરદી,તાવ ગળામાં દુખાવો જેવાં અનેક…

5 hours ago

શંકરસિંહ વાઘેલા 29મીએ અમદાવાદમાં NCPમાં જોડાશે

(અમદાવાદ બ્યૂરો) અમદાવાદ: જનવિકલ્પ મોરચાના અધ્યક્ષ અને રાજ્યના કદાવર નેેતા શંકરસિંહ વાઘેલા આગામી તા.ર૯ જાન્યુઆરીએ એનસીપીમાં જોડાવાના છે. આ અંગે…

5 hours ago

ઈસરો આજે લોન્ચ કરશે દુનિયાનો સૌથી નાનો સેટેલાઈટ ‘કલામસેટ’

(એજન્સી) નવી દિલ્હી: આજે ઈસરો દુનિયાનો સૌથી નાનો સેટેલાઈટ કલામસેટ લોન્ચ કરશે. પોલર સેટેલાઈટ લોન્ચ વિહિકલ (પીએસએલવી) સી-૪૪ હેઠળ કલામસેટ…

5 hours ago