11 રાજ્યમાં 13 સેન્ટ્રલ યુનિવર્સિટીના નિર્માણ માટે કેન્દ્રીય કેબિનેટની મંજૂરી

નવી દિલ્હી: કેન્દ્રીય કેબિનેટે આગામી ત્રણ વર્ષમાં દેશમાં ૧૩ નવી સેન્ટ્રલ યુનિવર્સિટીના નિર્માણને મંજૂરી આપી દીધી છે. આ માટે પ્રધાનમંડળે ૩૬૦૦ કરોડ રૂપિયા પણ મંજૂર કર્યા છે. નવી સેન્ટ્રલ યુનિવર્સિટીની સ્થાપના સેન્ટ્રલ યુનિવર્સિટી એક્ટ-૨૦૦૯ હેઠળ થશે. બિહાર, ગુજરાત, હરિયાણા, હિમાચલ પ્રદેશ, ઝારખંડ, કર્ણાટક, કેરળ, ઓડિશા, પંજાબ, રાજસ્થાન અને તામિલનાડુમાં એક-એક તેમજ જમ્મુ-કાશ્મીરમાં બે સેન્ટ્રલ યુનિવર્સિટીની સ્થાપના થશે.

કેન્દ્રીય પ્રધાન પીયૂષ ગોયલે પ્રેસ કોન્ફરન્સમાં જણાવ્યું કે ૧૩ સેન્ટ્રલ યુનિવર્સિટીના કેમ્પસ અને પાયાકીય માળખાના નિર્માણ માટે કેબિનેટે ૩૬૩૯.૩૨ કરોડ રૂપિયા મંજૂર કર્યા છે. આ કાર્ય ૩૬ મહિનામાં પૂરું થશે.

તેમણે જણાવ્યું કે કેબિનેટે આ સેન્ટ્રલ યુનિવર્સિટી માટે પહેલાંથી જ ૩,૦૦૦ કરોડ રૂપિયા કરતાં વધુ ૧૪૭૪.૬૫ કરોડ રૂપિયાને મંજૂરી આપી છે, તેનાથી વધુ સંખ્યામાં લોકો ઉચ્ચ શિક્ષણ મેળવી શકશે અને શૈક્ષણિક સુવિધાઓમાં ક્ષે‌િત્રય અસંતુલન પણ ઘટશે.

You might also like