Categories: Business Trending

‘સરકારી બાબુ’ ખુશઃ શેરબજારમાં રોકાણનાં ૨૬ વર્ષ જૂનાં નિયમમાં કેન્દ્રએ રાહત આપી

નવી દિલ્હીઃ બજેટમાં ધંધા-રોજગાર, ખેડૂતો અને શ્રમિકોને મોટી રાહત આપ્યા બાદ મોદી સરકારે સરકારી બાબુઓને રાહત આપવાની જાહેરાત કરી છે. કેન્દ્ર સરકારે ૨૬ વર્ષ જૂના એ નિયમમાં ફેરફાર કર્યો છે, જે અંતર્ગત ગ્રૂપ-એ અને ‘બી’ વર્ગમાં આવતા સરકારી કર્મચારી શેરબજાર, ડિબેન્ચર અથવા મ્યુચ્યુઅલ ફંડમાં રૂ. ૫૦,૦૦૦ સુધીનું જ રોકાણ કરી શકતા હતા. એનાથી વધારે રોકાણ કરવા બદલ ગ્રૂપ-એ અને ‘બી’ વર્ગના કર્મચારીઓએ કેન્દ્ર સરકારને એ રોકાણ અંગે જાણકારી આપવી પડતી હતી, પરંતુ હવે નવા નિયમ અંતર્ગત આવા કર્મચારીઓ પોતાના છ મહિનાનું બેઝિક વેતન શેરબજાર અથવા મ્યુચ્યુઅલ ફંડ વગેરેમાં રોકાણ કરી શકશે.

ગ્રૂપ-સી અને ડી માટે રૂ. ૨૫,૦૦૦ની લિમિટઃ
સરળ શબ્દોમાં કહેવામાં આવે તો નવા નિયમ અંતર્ગત ગ્રૂપ-એ અને ‘બી’ના કર્મચારીઓ તા. ૧ એપ્રિલથી ૩૧ માર્ચ (નાણાકીય વર્ષ) દરમિયાન પોતાના છ મહિનાના મૂળ વેતન જેટલું રોકાણ કરી શકશે. એ ઉપરાંત ગ્રૂપ-સી અને ‘ડી’ના કર્મચારીઓ માટે આ મર્યાદા રૂ. ૨૫ હજારની રહેશે. આ ફેરફાર એટલા માટે કરાયો છે, કારણ કે અલગ અલગ વેતન આયોગના જણાવ્યાં અનુસાર દરેક સ્તરના કર્મચારીની સેલરી અગાઉની સરખામણીએ ઘણી વધી ગઈ છે. જોકે રોકાણની મર્યાદા વધારવા છતાં અદિકારીઓએ શેરબજારમાં રોકાણ કરેલી રકમની જાણકારી તો સરકારને આપવી જ પડશે.

સરકારે જાહેરનામું બહાર પાડ્યું:
અહેવાલો અનુસાર સરકાર તરફથી બહાર પાડવામાં આવેલા જાહેરનામામાં જણાવવામાં આવ્યું છે કે જો કોઈ અધિકારી પોતાની બે માસથી વધુની બેઝિક સેલેરીનું રોકાણ શેરબજારમાં કરે તો તેણે સંબંધિત વિભાગને જાણકારી આપવી પડશે. એ બધી જાણકારી એ કર્મચારી અથવા અધિકારીને સંબંધિત નાણાકીય વર્ષમાં ૩૧ જાન્યુઆરી સુધીમાં સબમિટ કરવી પડશે. કેન્દ્ર સરકારના નીચલા સ્તરના અધિકારી પોતાનું મૂળ વેતન ૧૮,૦૦૦ રૂપિયાથી વધારવાની માગણી કરી રહ્યા છે. સૂત્રોની વાત માનવામાં આવે તો ચૂંટણીની જાહેરાત પહેલાં સરકાર કર્મચારીઓની આ માગણી સ્વીકારી લેવાના મૂડમાં છે અને ટૂંક સમયમાં આ અંગેની જાહેરાત સરકાર દ્વારા કરાઈ શકે છે.

Dhruv Brahmbhatt

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

1 week ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

1 week ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

1 week ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

1 week ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

1 week ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago