1 જાન્યુઆરીએ 18 વર્ષ પૂરાં થાય છે? તો પણ મતદારયાદીમાં નામ નોંધાવી શકાશે

અમદાવાદ: આગામી લોકસભાની ચૂંટણીને અનુલક્ષી ૧પ ઓક્ટોબર સુધી ચાલનાર મતદારયાદી સુધારણા કાર્યક્રમમાં આગામી ૧ જાન્યુઆરી, ર૦૧૯ સુધીમાં જે યુવાઓની ઉંમર ૧૮ વર્ષ પૂરી થતી હોય તેવા યુવાઓ ત્રણ મહિના પહેલાં જ પોતાનું નામ મતદારયાદીમાં નોંધાવી શકશે.

૧૮ વર્ષથી નાની વયના યુવાઓને મતદારયાદીમાં નામ નોંધાવવાનો ચૂંટણીપંચે આ પહેલી વાર નિર્ણય લીધો છે. પહેલી વાર યુુવાનીના ઉંબરે ઊભેલા યુવાઓનું ચૂંટણીપંચે ધ્યાન રાખ્યું છે.

૧ સપ્ટેમ્બરથી ફોટાવાળી મતદારયાદીની ખાસ સં‌ક્ષિપ્ત  સુધારણા ઝુંબેશ શરૂ થઇ છે. આગામી દોઢ મહિના એટલે કે ૧પ ઓક્ટોબર સુધી આ કામગીરી ચાલશે. આ સમય દરમિયાન મતદારયાદીમાં નામની નોંધણી, નામ અને સરનામામાં ફેરફાર, ફોટામાં ફેરફાર કે સુધારા, નામ કમી કરાવવા વગેરે તમામ કામગીરી હાથ ધરાઇ છે.

૧૬ સપ્ટેમ્બર, ૩૦ સપ્ટેમ્બર અને ૧૪ ઓક્ટોબર, ર૦૧૮ના રોજ ખાસ મતદાન મથકો પર સવારના ૧૦-૦૦ કલાકથી સાંજના પ-૦૦ વાગ્યા સુધી બીએલઓ આ અંગેની તમામ અરજીઓ સ્થળ પર સ્વીકારશે.

પહેલી વાર ચૂંટણીપંચ દ્વારા યુવાનીના ઉંબરે ઊભેલા યુવાઓ માટે આવો નિર્ણય લેવાયો છે. તેમના માટે ચૂંટણીપંચે ખાસ ધ્યાન રાખીને ૧ જાન્યુઆરી, ર૦૧૯ સુધીમાં ૧૮ વર્ષ પૂરાં થતા હોય તેવા યુવાઓ તેમનાં નામ મતદારયાદીમાં નોંધાવી શકશે.

આ ઉપરાંત મતદારયાદીમાં નામ નોંધાવવા કે પછી તેમનું નામ મતદારયાદીમાં છે કે નહીં તેની ચકાસણી કરવા માટે ઓનલાઇન વેબસાઇટ www.ceo.gujarat.gov.in તથા કચેરીના કામકાજ દરમિયાન હેલ્પલાઇન નં.૧૯પ૦ અથવા ૮પ૧૧૧૯૯૮૯૯ પર એસએમએસ દ્વારા વોટર આઇડી નંબર લખીને જાણી શકશે.

મતદારયાદી સુધારણા ઝુંબેશને શહેરભરની અને જિલ્લાની કોલેજો સુધી લઇ જવામાં આવી છે. યુવાઓને આ બાબતે જાણકારી મળે તે હેતુથી કોલેજ કક્ષાએ કેમ્પસ એમ્બેસેડરની નિમણૂક કરાઇ છે. મતદારયાદીમાં ડિસેમ્બર-ર૦૦૦ પહેલાં જન્મેલા કોઇ પણ નાગરિક નામ નોંધાવી શકશે.

જૂના ઓળખકાર્ડના બદલે નવું કલર ફોટોગ્રાફવાળું પીવીસી ઓળખકાર્ડ પણ મળશે, જેના માટે મતદાતાએ રૂ.૩૦ની ફીની ચુકવણી કરવાની રહેશે.

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

1 hour ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

2 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

3 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

3 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

3 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

3 hours ago