Categories: Business

સપ્તાહમાં અફરાતફરી બાદ અંતે રાહતઃ સેન્સેક્સ ૨૦૦ પોઈન્ટ ઊછળ્યો

અમદાવાદ: પાછલાં ચાર સેશનમાં સેન્સેક્સમાં જોવા મળેલા ૧૩૦૦ પોઇન્ટના ઘટાડા બાદ આજે શરૂઆતે સેન્સેક્સમાં ૨૦૦ પોઇન્ટનો ઉછાળો નોંધાયો હતો. આજે શરૂઆતે બીએસઇ સેન્સેક્સ ૨૧૨ પોઇન્ટના ઉછાળે ૨૫,૦૬૪ની સપાટીએ, જ્યારે એનએસઇ નિફ્ટી ૬૦ પોઇન્ટના સુધારે ૭,૬૨૮ પોઇન્ટની સપાટીએ ટ્રેડિંગમાં જોવાઇ છે. એશિયાનાં બજારમાં જોવા મળેલા સુધારાની સકારાત્મક ચાલ સ્થાનિક શેરબજાર ઉપર જોવા મળી હતી.

આજે શરૂઆતે ઘટાડે બેન્કિંગ, ઓટો અને ફાર્માસ્યુટિકલ સેક્ટરના શેર્સમાં જોરદાર ખરીદી નોંધાઇ હતી. દરમિયાન નીચા મથાળે ખરીદી નોંધાતાં સેન્સેક્સે ૨૫,૦૦૦ની સપાટી ક્રોસ કરી હતી, જ્યારે નિફ્ટી ૭,૬૦૦ની સપાટી ક્રોસ કરી સુધર્યો હતો. પીએસયુ બેન્કના શેર્સમાં એક ટકાનો ઉછાળો નોંધાયો હતો. એ જ પ્રમાણે રિયલ્ટી સેક્ટરના સ્ટોક્સમાં ૦.૬૪ ટકાનો સુધારો જોવાયો હતો. આજે શરૂઆતે ટાટા સ્ટીલ કંપનીના શેર્સમાં ૨.૨૦ ટકા, ટાટા મોટર્સ કંપનીના શેર્સમાં ૨.૦૭ ટકા, યસ બેન્કના શેર્સમાં ૨.૦૩ ટકા, જ્યારે એક્સિસ બેન્કના શેર્સમાં ૨.૦૨ ટકાની તેજી જોવા મળી હતી તો બીજી બાજુ કોલ ઇન્ડિયા કંપનીના શેર્સમાં ૦.૫૭ ટકા, આઇડિયા કંપનીનાે શેર ૦.૩૭ ટકા તૂટ્યાે હતાે.

બજારના જાણકારોના જણાવ્યા પ્રમાણે ચીનના શેરબજારમાં જોવા મળેલી અનિશ્ચિતતાની અસરે સ્થાનિક બજારમાં પણ અફરાતફરી જોવા મળી રહી છે, જેના કારણે ફ્રન્ટ લાઇન સ્ટોક્સમાં પણ તેની અસર જોવા મળી રહી છે.

રિલાયન્સમાં ૧.૨૦ ટકાનો સુધારો
રિલાયન્સના શેરમાં ૧.૨૩ ટકાનો સુધારો નોંધાઈ ૧૦૨૪.૨૦ના મથાળે ટ્રેડિંગમાં જોવા મળ્યો છે. આમ, રિલાયન્સના શેરમાં મજબૂત આગેકૂચ જારી રહેલી જોવા મળી છે.

divyesh

Recent Posts

એપલની ત્રણ ટકા કેશબેકવાળી પેમેન્ટકાર્ડ સેવા ઉપરાંત ન્યૂઝ પ્લસ અને સ્ટ્રીમિંગ પણ લોન્ચ

(એજન્સી)કેલિફોર્નિયા: કેલિફોર્નિયા સ્થિત સ્ટીવ જોબ્સ થિયેટરમાં એપલની શો ટાઈમ ઈવેન્ટમાં ગઈ કાલે મોડી રાતે કંપનીએ પેમેન્ટ માટે એપલ-પે, એપલકાર્ડ, એપલ…

8 hours ago

દિલથી હું બહુ બોલ્ડ છુંઃ અદા શર્મા

વર્ષ ૨૦૦૮માં રિલીઝ થયેલી વિક્રમ ભટ્ટની ફિલ્મ '૧૯૨૦'થી અદા શર્માએ કરિયર શરૂ કરી હતી. ફિલ્મ સફળ થઇ છતાં પણ અદાને…

8 hours ago

રામાયણમાં સુંદરકાંડ સૌથી શ્રેષ્ઠ છે….

સુંદરકાંડનો પ્રાદુર્ભાવ લંકામાં થયો છે. લંકા ત્રિકૂટ પર્વત પર આવેલો છે. ત્રિકૂટ એટલે ત્રણ શિખર. જેમાં એક શિખરનું નામ નલ…

8 hours ago

જીતીને હારી ગયેલા અશ્વિને કહ્યુંઃ મેં કંઈ ખોટું નથી કર્યું

(એજન્સી) જયપુર: કિંગ્સ ઈલેવન પંજાબે ગઈ કાલે રાજસ્થાન રોયલ્સની ટીમને IPLની પોતાની પ્રથમ મેચમાં 'વિવાદિત' રીતે ૧૪ રને હરાવી દીધી.…

9 hours ago

પેમેન્ટમાં ડિફોલ્ટ થતાં આરકોમ-જિઓ સ્પેક્ટ્રમ ડીલની DOT દ્વારા તપાસ શરૂ

(એજન્સી)નવી દિલ્હી: અનિલ અંબાણીની કંપનીએ રૂ.૨૧ કરોડના સ્પેક્ટ્રમ પેમેન્ટ પર ડિફોલ્ટ કર્યા બાદ ટેલિકોમ વિભાગ (DOT)એ રિલાયન્સ કોમ્યુનિકેશન્સ (RCOM) અને…

9 hours ago

US જવા પતિ એરપોર્ટ પર રાહ જોતો રહ્યો, પત્ની પોલીસ સ્ટેશન પહોંચી

(પ્રતિનિધિ દ્વારા) અમદાવાદ: શહેરના ચાંદખેડા વિસ્તારમાં રહેતી એક NRI યુવતી તેના પતિની જાણ બહાર તેના પાસપોર્ટ અને અગત્યના ડોક્યુમેન્ટ લઇને…

9 hours ago