મોદી આચારસંહિતાનો ભંગ કરી રહ્યા છે, કાફલાની તપાસ કરવાની જરૂર હતી: કુરેશી

ઓડિશામાં વડા પ્રધાન નરેન્દ્ર મોદીના હેલિકોપ્ટરની તલાશી લેનારા આઈએએસ અધિકારીને સસ્પેન્ડ કરી દેવામાં આવ્યા હતા. આ મુદ્દે પૂર્વ ચૂંટણી કમિશનર ડૉ. એસ.વાય. કુરેશીએ મોટું નિવેદન આપી પીએમ મોદી પર આકરો હુમલો કર્યો છે. તેમણે જણાવ્યું કે અધિકારી સામે કરવામાં આવેલી કાર્યવાહી દુર્ભાગ્યપૂર્ણ છે. આપણે બંધારણીય સંસ્થાઓની છબી સુધારવાનો મોકો ગુમાવી દીધો છે.

‌િટ્વટર પર પૂર્વ ચૂંટણી કમિશનર કુરેશીએ જણાવ્યું છે કે ઓડિશામાં પીએમ નરેન્દ્ર મોદીના હેલિકોપ્ટરની તલાશી લેનારા અધિકારીને સસ્પેન્ડ કરી દેવા એ ફક્ત દુર્ભાગ્યપૂર્ણ ઘટના નથી, પરંતુ આપણે ચૂંટણીપંચ અને વડા પ્રધાન જેવી બંધારણીય સંસ્થાઓની છબી સુધારવાનો સૌથી શ્રેષ્ઠ મોકો પણ ગુમાવી દીધો છે.

બંને સંસ્થાઓની જનતા પ્રત્યે ઘણી મોટી જવાબદારી છે. પીએમ મોદી સતત ચૂંટણી આચારસંહિતાનું ઉલ્લંઘન કરી રહ્યા છે અને ચૂંટણીપંચ દર વખતે તેને નજરઅંદાજ કરી રહ્યું છે. કુરેશીએ વધુમાં જણાવ્યું હતું કે કાયદો દેશના તમામ લોકો પર એકસરખો લાગુ પડે છે, પછી તે વડા પ્રધાન હોય કે સામાન્ય નાગરિક. જો હેલિકોપ્ટરની તલાશી લેવાના મામલે કાર્યવાહી કરવામાં ન આવી હોત તો તેનાથી ચૂંટણીપંચ અને વડા પ્રધાન જેવી સંસ્થાઓની હાલ થઈ રહેલી આકરી ટીકાઓ અટકી ગઈ હોત, પરંતુ દુર્ભાગ્યવશ આવું થયું નથી. હવે આ બંને સંસ્થાઓની ટીકા કરવામાં આવી રહી છે.

ઓડિશાના મુખ્યપ્રધાન નવીન પટનાયકના હેલિકોપ્ટરની તલાશી લેવાની ઘટનાનો ઉલ્લેખ કરતાં કુરેશીએ જણાવ્યું કે નવીન પટનાયકની નજર સામે ચૂંટણીપંચની ટીમે હેલિકોપ્ટર ચેક કર્યું હતું. પટનાયકે તેની સામે કોઈ ઉગ્ર પ્રતિક્રિયા આપવાના બદલે આ પ્રક્રિયાનું સન્માન કર્યું હતું. તે અસલી રાજનેતા છે અને આપણે આવા જ નેતાની જરૂર છે.

ઉલ્લેખનીય છે કે મંગળવારે વડા પ્રધાન નરેન્દ્ર મોદીના હેલિકોપ્ટરની તલાશી લેવાના મામલે ચૂંટણીપંચે કર્ણાટક કેડરના આઈએએસ ઓફિસર મોહમ્મદ મોહસિનને સસ્પેન્ડ કરી દીધા હતા. આ બાબતે પીએમઓએ દખલ કરી હતી અને ચૂંટણીપંચના અધિકારીઓ આ બાબતની તપાસ કરવા માટે ઓડિશા પણ ગયા હતા.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

1 week ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

1 week ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

1 week ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

1 week ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

1 week ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago