Categories: India

ભારતમાં સાત જગ્યાએ બ્લાસ્ટ કરવાની આતંકી યોજના ફ્લોપ

નવી દિલ્હી : અમેરિકાની ટોપની તપાસ સંસ્થા સીઆઇએની મદદથી ભારતે મોટી સફળતા મેળવી લીધી  છે. આઇએસના ત્રાસવાદીઓ ભારતમાં સાત જગ્યાએ બ્લાસ્ટ કરવાની યોજના ધરાવતા હતા. બાતમી મળ્યા બાદ શુક્રવારના દિવસે દેશભરમાં વ્યાપક દરોડા પાડવામાં આવ્યા હતા જેમાં મોટા પ્રમાણમાં ત્રાસવાદીઓ ઝડપાઇ ગયા હતા. એનઆઇએની તપાસ કામગીરીમાં ૨૦ ત્રાસવાદીઓ ઝડપાઇ ગયા હતા. આવુ પ્રથમ વખત બન્યુ છે જયારે આઇએસની ભારતમાં આટલા મોટા પાયે હાજરીના પુરાવા મળ્યા છે.

 

આ શંકાસ્પદો કોડવર્ડમાં વાતચીત કરી રહ્યા હતા અને એકબીજા સાથે આ જ કોડ ભાષા દ્વારા સંપર્કમાં હતા. સીઆઈએ ને કોઈપણ પ્રકારે આ વાતચીતની જાણ થઈ. તેનો કોર્ડવર્ડ હતો ‘૭ કલશ રખ દો’. સીઆઈએ એ તેને ડિકોડ કર્યો અને ભારતીય એજન્સીઓને એલર્ટ કરી. ૭ કળશની અર્થ સાત સ્થળો પણ બ્લાસ્ટ કરવાનો થાય છે સૂત્રોના જણાવ્યા પ્રમાણે સીઆઈએ સતત પશ્ચિમી એશિયામાં કોમ્પ્યુટર અને ફોન પર આઈએસની ગતિવિધિઓ પર નજર રાખી રહ્યુ છે.

 

ગયા સપ્તાહે સીઆઈએ તરફથી મળેલી આ જાણકારીના આધારે જ આપણી સુરક્ષા એજન્સીઓએ આઈએસના સેલને ધ્વસ્ત કરવામાં સફળતા મળી છે. સૂત્રોના જણાવ્યા પ્રમાણે સિરિયા અને ઈરાકમાં આઈએસ જે હજારો કોમ્પ્યુટર અને સ્માર્ટફોનનો ઉપયોગ કરી રહ્યા છે. તેના આઈપી એડ્રેસ પર સીઆઈઓની નજર છે. આઈએસના લોકો કેટલાક આઈપી એડ્રેસનો ઉપયોગ ફેસબુક માટે કરી રહ્યા છે. તેમાનો એક હતો આઈએસનો કમાન્ડર શાફી અરમાર હતો.

 

જેનુ નામ કોડ નેમ યુસુફ અલ હિન્દી હતુ. તેણે જ ભારતમાં અખલાક ઉર રહેમાન સાથે વાત કરી હતી. ત્યાર બાદ તેના સહિત ચાર લોકોની ધરપકડ કરી હતી. પ્રાપ્ત અહેવાલ મુજબ સીઆઇએને આઇએસના શકમંદો વચ્ચે કોડમાં ચાલી રહેલી વાતચીત અંગે માહિતી મળી હતી. જેમાં કહેવામાં આવી રહ્યુ હતુ કે સાત કલશ રખ દો. સીઆઇએ દ્વારા ભારતીય તપાસ સંસ્થાને સાવધાન કરી દેવામાં આવી હતી. અમેરિકી તપાસ સંસ્થા પણ પશ્ચિમ એશિયામાં કોમ્પ્યુટર અને ફોન પર આઇએસની ગતિવિધી પર નજર રાખી રહી છે.

 

ગયા સપ્તાહમાં જ સીઆઇએ તરફથી બાતમી મળ્યા બાદ આ સફળતા મળી છે. સીઆઇએ હાલમાં સિરિયા અને ઇરાકમાં આઇએસ દ્વારા ઉપયોગ કરવામાં આવી રહેલા સેંકડો કોમ્પ્યુટર અને સ્માર્ટ ફોનના આઇપી પર નજર રાખી છે. અત્રે ઉલ્લેખનીય છે કે પ્રજાસત્ત્।ાક દિવસ આડે ગણતરીના દિવસો રહ્યા છે ત્યારે રાષ્ટ્રવ્યાપી દરોડાનો દોર હુમલાની દહેશત વચ્ચે હાથ ધરવામાં આવ્યો છે. એનઆઈએની ટીમે રાજય પોલીસ દળો અને કેન્દ્રીય સુરક્ષા સંસ્થાઓની સાથે મળીને વ્યાપક દરોડા ગઇકાલે પાડયા હતા.

 

જેના ભાગરુપે પ્રતિબંધિત આઈએસ ત્રાસવાદી સંગઠનના ૨૦થી વધુ સહાનુભૂતિવાળા લોકોની ધરપકડ કરવામાં આવી છે. આઈએસ પ્રત્યે સહાનુભૂતિ ધરાવનાર આ શખ્સોની ધરપકડ કરવામાં આવ્યા બાદ ઊંડી તપાસ હાથ ધરવામાં આવી છે. ઝડપાઈ ગયેલા લોકોમાં જાતે બની બેઠેલા ચીફ અમીરનો સમાવેશ થાય છે. વિવિધ રાજયોમાં કાર્યવાહીનો દોર હાલ જારીરહે તેવી શકયતા છે. તમામ ગુપ્ત અને શંકાસ્પદ સ્થળો પર દરોડા પડાઇ રહ્યા છે

Navin Sharma

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

3 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

3 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

3 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

4 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

4 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago