Categories: Gujarat

બ્લેક મનીથી મોટા પાયે સોનું ખરીદનારા પર તવાઈ આવશે

અમદાવાદ: મંગળવારે રાત્રે સરકારે રૂ.પ૦૦ અને ૧,૦૦૦ના દરની ચલણી નોટો રદ કરવાનો નિર્ણય જાહેર કર્યા બાદ ગઇ કાલથી જ રાતભર જ્વેલર્સની દુકાનોમાં જાણે તડાકો પડયો હોય તેવી સ્થિતિનું સર્જન થયું હતું. જેઓ પાસે મોટા પ્રમાણમાં કાળા નાણાં હતા તેઓએ ઊંચા ભાવેે જ્વેલરીની ખરીદી કરી હતી. આજે પણ માણેકચક જ્વેલરી બજારમાં પાછલા બારણેથી સોનાનો કારોબાર થઇ રહેલો જોવા મળી રહ્યો છે. બુલિયન બજારના વેપારીઓ મન ફાવે તે રીતે ભાવ પડાવતા જોવા મળી રહ્યા છે. આજે શરૂઆતે ૧૦ ગ્રામ શુદ્ધ સોનાનો ભાવ રૂ. ૪૬ હજારથી ૪૮ હજારની સપાટીએ જોવા મળ્યો હતો.

બજારના જાણકારોના જણાવ્યા પ્રમાણે ૧૦ ગ્રામ સોનાનો ભાવ રૂ.૪પ,૦૦૦ની સપાટીએ પહોંચી ગયો હતો. જ્વેલર્સોઅે ગ્રાહકોની ગરજ પ્રમાણે મન ફાવે તે રીતના ભાવ વસૂલ્યા હતા. જોકે સૂત્રો જણાવ્યા પ્રમાણે જે જ્વેલર્સે સોના-ચાંદીની ખરીદી સમયે ગ્રાહકો પાસે વધુ ભાવ પડાવ્યા હતા તેઓ હવે સરકારના રડારમાં આવી ગયા છે. સરકારના નિયમ મુજબ રૂ.બે લાખથી વધુની ખરીદી માટે પાનકાર્ડનો નિયમ છે, પરંતુ મોટા ભાગના જવેલર્સ દ્વારા આ નિયમનો અમલ કરાયો નહીં હોવાનું બહાર આવ્યું છે.

કેન્દ્રીય રેવન્યુ સચિવ હસમુખ અઢિયાના જણાવ્યા પ્રમાણે પ૦ દિવસની મર્યાદામાં કોઇ પણ વ્યકિત અથવા વેપારીઓ દ્વારા રૂ.ર.પ લાખથી વધારે રોકડ જમા કરાવ્યાના કિસ્સામાં જો કોઇ નિયમભંગ થયેલો જણાશે તો તેઓએ ર૦૦ ટકા સુધીનો દંડ ભરવો પડશે. આમ નિયમ મુજબ પાન નંબર નહીં લીધો હોય તે જવેલર્સ પણ હવે સરકારના રડારમાં આવી જશે. સરકારે રાતો રાત જ રૂ.પ૦૦ અને ૧,૦૦૦ની ચલણી નોટો બંધ કરતાંની સાથે જ કાળાં નાણાં ધરાવતા લોકોની ઊંઘ હરામ થઇ ગઇ હતી. શિયાળીની ઠંડીમાં પણ તેઓને પરસેવો છૂટી ગયો હતો. બજારના સૂત્રો પાસેથી મળેલી માહિતી મુજબ જ્વેલરી બજારમાં મંગળવાર રાતથી બુધવાર રાત સુધીમાં પુષ્યનક્ષત્ર જેવો માહોલ જોવા મળ્યો હતો. મળતી માહિતી મુજબ એક જ દિવસમાં રૂ.૩૦૦થી પ૦૦ કરોડનો સોનાનો કારોબાર થયો હતો.

અમદાવાદ જ્વેલર્સ એસોસિયેશનના પ્રેસિડેન્ટ રોહિત ચોક્સીના જણાવ્યા પ્રમાણે વર્તમાન ઊભી થયેલી પરિસ્થિતિમાં જ્વેલરી બજારમાં ભારે ખરીદી જોવાઇ હતી. ખાસ કરીને બ્રાન્ડેડ જ્વેલરીનાં મોટા શો રૂમમાં ભારે ખરીદી જોવા મળી હતી. કલ્યાણ, તનિષ્ક સહિત અન્ય જ્વેલરી શો રૂમમાં પણ ખરીદીનો માહોલ જોવાયો હતો. જે જ્વેલર્સે મોટી રકમની રોકડેથી જ્વેલરીની ખરીદી કરતા સમયે પાન કાર્ડ લીધું નહીં હોય તેઓ આગામી દિવસોમાં ચોક્કસ મુશ્કેલીમાં મુકાઇ શકે છે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

2 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

2 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

2 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

2 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

4 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

4 hours ago