Categories: India

વરુણ ગાંધી અને સ્વામીને ભાજપના અધ્યક્ષ અમિત શાહની ચેતવણી

નવી દિલ્હી: ભાજપના અધ્યક્ષ અમિત શાહે વરુણ ગાંધી અને સુબ્રમણ્યમ સ્વામીને કડક ચેતવણી આપી છે. આ ચેતવણી બંનેનાં નિવેદનોને લઈને જારી કરવામાં આવી છે. આ વખતે વરુણ ગાંધી રાષ્ટ્રીય કારોબારીની બેઠકમાં પણ ગેરહાજર રહ્યા હતા. ચેતવણી આપવાનું કારણ વરુણ ગાંધીના કેટલાંક મોટાં નિવેદનો છે. જેમાં તેમણે સરકારની નીતિઓની ટીકા કરી છે. એક વાર વરુણ ગાંધીએ જણાવ્યું હતું કે નાના-નાના ખેડૂતોને દેવાંને કારણે આત્મહત્યા કરવી પડે છે, જ્યારે મોટા ઉદ્યોગપતિઓ બેન્કોના કરોડો રૂપિયા લઈને વિદેશ નાસી જાય છે.

ઉત્તર પ્રદેશના સુલતાનપુરના સાંસદ વરુણ ગાંધીનું આ નિવેદન ત્યારે આવ્યું હતું જ્યારે ભાજપ પાંચ રાજ્યમાં ચૂંટણી લડી રહ્યો હતો. ભાજપનું માનવું છે કે વરુણ ગાંધીએ ભાજપને નુકસાન પહોંચાડવાના ઈરાદાથી આવું નિવેદન કર્યું હતું.
ભાજપે યુપીમાં વિજય બાદ હવે વરુણ ગાંધીને સુધરવાની એક વધુ તક આપી છે અને એટલા માટે જ વરુણ ગાંધીને માત્ર કડક ચેતવણી આપવામાં આવી છે. હવે જો વરુણ ગાંધી સરકાર અને પક્ષથી અલગ નિવેદન આપશે તો તેમની સામે કડક કાર્યવાહી કરવામાં આવશે.

ભાજપના અધ્યક્ષ અમિત શાહ વરુણ ગાંધીની સાથે સાથે સુબ્રમણ્યમ સ્વામીનાં નિવેદનો પર પણ નારાજ છે. એટલા માટે સ્વામીને બોલાવીને કડક ચેતવણી આપવાના આદેશ અમિત શાહે જારી કરી દીધા છે. પક્ષના અધ્યક્ષ અમિત શાહની આ ચેતવણી પરથી સ્પષ્ટ નિર્દેશ મળે છે કે ઉત્તર પ્રદેશ સહિત ચાર રાજ્યોમાં સરકારની રચના બાદ ભાજપ હવે કોઈ પણ પ્રકારની ગેરશિસ્ત સાંખી લેવાના મૂડમાં નથી.

http://sambhaavnews.com/

Navin Sharma

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

9 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

9 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

9 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

9 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

10 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

10 hours ago