Categories: Gujarat

ભૂમિને કૃણાલ દેસાઈએ ઘરમાંથી કાઢી મૂકી હતી

અમદાવાદ: રેડિયો જોકી કૃણાલની પત્ની ભૂમિ દેસાઈની આત્મહત્યાનું રહસ્ય ઘૂંટાતું જઈ રહ્યું છે ત્યારે પોલીસ તપાસમાં એવી ચોંકાવનારી વિગતો બહાર અાવી છે કે ભૂમિ અને કૃણાલ વચ્ચે નવી નોકરીના કારણે વિવાદ થયો હતો. જેમાં ભૂમિએ મિતેશ સાથે વોટ્સ એપ ચેટિંગમાં જણાવ્યું હતું કે મને નવી નોકરી મળવાના કારણે મારા અને કૃણાલ વચ્ચે અણબનાવ બન્યો. જેના કારણે મને ઘરમાંથી કાઢી મૂકી છે.

ભૂમિના પરિવારજનોના જણાવ્યા મુજબ ભૂમિને ધમકીભર્યા ફોન-મેસેજો આવતા હતા. આ ફોન અને મેસેજમાં ભૂમિને પૈસા માટે ધમકી આપવામાં આવતી હતી. ભૂમિના માતા પિતા અને કૃણાલનું પોલીસ આજે નિવેદન લેશે. પોલીસે ભૂમિના ફોનને એફએસએલમાં મોકલ્યો છે અને તેના કોલ ડિટેઈલ્સની તપાસ શરૂ કરી છે.

આનંદનગર રોડ પર આવેલા સચીન ટાવરના દસમા માળેથી પડતું મૂકી ભૂમિ દેસાઈએ આત્મહત્યા કરી હતી. ભૂમિની આત્મહત્યાના કારણ અંગે અનેક રહસ્યો સર્જાયાં છે.  પોલીસના ઉચ્ચસ્તરીય સૂત્રોના જણાવ્યા મુજબ ભૂમિને નવી નોકરી મળી હતી તે નોકરી બાબતે થાઈલેન્ડ ટૂર પરથી પરત ફરતાં ભૂમિ અને કૃણાલ વચ્ચે વિવાદ ઊભો થયો હતો અને તેને કારણે તે પરેશાન રહેતી હતી. ઉપરાંત તેને મિતેશ સાથે વાતચીત થઈ હતી. જેમાં તેણે જણાવ્યું હતું કે નોકરીના વિવાદને લઈ તેણે મને ઘરમાંથી કાઢી મૂકી છે અને પોતે સિગારેટ પીતી હતી તે પણ કૃણાલને ગમતું નહોતું. ગઈ કાલે પોલીસે મિતેશનું નિવેદન લીધું હતું. પોલીસ આજે કૃણાલ અને ભૂમિનાં માતા પિતાનું નિવેદન લેશે.

પરિવારજનોના જણાવ્યા મુજબ છેલ્લા કેટલાક સમયથી ભૂમિને ધમકીભર્યા ફોન અને મેસેજ પણ આવતા હતા. જેથી ભૂમિ પરેશાન રહેતી હતી. જોકે પોલીસ આ ધમકીભર્યા ફોન કે મેસેજ બાબતે કોઈ સત્તાવાર રીતે સમર્થન આપતી નથી.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

18 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

18 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

18 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

18 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

18 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

19 hours ago